musana

منتدى الاحلام و الامل و الحياة
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 من بين الناس حبيتك * رواية جنان *

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
mouna

avatar

المساهمات : 56
تاريخ التسجيل : 14/04/2008
العمر : 26

مُساهمةموضوع: من بين الناس حبيتك * رواية جنان *   الأربعاء يونيو 10, 2009 10:25 pm

سامية: هلا والله بالعريس
سامي: هلا بيكي
سامية: ماشاء الله كبرت وصرت عريس
سامي: ليه انا صغير ياحبيبتي لاتنسي اني اكبر منك
سامية: هههههههه امزح معاك
خلود: سام ماقلت لنا ايش شعورك
سامي: شعوري زي شعور كل العرسان
خلود: ايوه عارفة بس اوصفلي هو؟؟
عهود: هيييه انتي تحسبي نفسك مذيعة وتقلد خلود
والكل ضحك
خلود: هههههههه بايخة زي وجهك
عهود: الحمد لله انا حلوة مو محتاجة شهادتك
ام سامي: انتي وهي متى بتتركون عنكم حركات البزورة هذي
خلود: امي والله هي اللي بدات انا اكلم سامي ها سام ماجاوبت
سامي: خلود والله عادي ماابغى اقول
خلود: خلاص فهمتك بعدين تقولي لما ننفرد لوحدنا
عهود: والله مالي حتى انا بعرف
سامي: اقول فارقي انتي وهي وجع كانهم لزقات
ودخل عليهم اخوهم عبد الرحمن
سامية: هلا والله انت وينك محد يشوفك
عبدر الرحمن: نسيتي يااختي العزيزة اني ثانوية عامة
سامية: لا مانسيت الله يوفقك
عبد الرحمن: امين
خلود: احنا في البيت مانشوفه ماغير جالس بغرفته ومبقق عيونه بالكتاب
ام سامي تضرب بنتها: اعوذ بالله قولي ماشاء الله لاتعطين ولدي عين
خلود: ماشاء الله ارتحتي
عبد الرحمن: ياربي على الغيره
خلود: انا اغار منك انت كثر منها
عبد الرحمن: اقول فارقي ... الا ايش عندكم متجمعين
ام سامي: بارك لاخوك العروسة وافقت
ويروح عبد الرحمن ويحضن اخوه
عبدالرحمن: مبروك مبروك منك المال ومنها العيال
سامي: الله يبارك فيك وعقبالك
عبدالرحمن: انشاء الله بس لسه مشواري طويل
سامي: الله يوفقك
سامية: على طاري البشارات عندي لكم بشارة ثانية
عهود: ايش ليكون انخطبتي كمان
الكل ضحك
سامية: تضرب عهود من كتفها: عمى بشيطانك الله يخليلي فيصل
ام سامي: اميييين خير يابنتي
سامية: خير انشاء الله انا حامل
الكل بارك لسامية
سامية: الله يبارك فيكم
نترك العايلة ونروح لبدر
كان بدر منسدح على السرر يفكر
بدر: الحمد لله ماباقي شيء وتصير سارة زوجتي الله قد ايش احبك ياسارة احبك وانتي صغيرة وانتي كبيرة الله يقدرني واسعدك
وقطع حبل افكار بدر اتصال لجواله
بدر: جوليا
جوليا: اهليين بدر كيفك
بدر: هلا جوليا انا بخير كيفكم انتم
جوليا: كلنا بخير انت كيف احوالك
بدر: الحمدلله اشتغلت بشركة ابويه
جوليا: منيح كتير كيف مبسوط بالشغل
بدر: الحمدلله
جوليا: هابدر مابتفكر تزورنا
بدر: والله مقدر جوليا مشغول كثير
جوليا: طيب بدر انا مشغولة اكلمك في وئت تاني
بدر كان يبغى يقول لجوليا عن خطبته بس اتردد
بدر: اوكي جوليا سلميني على الشلة
جوليا: اوكي حبيبي بدر باااااااااي
بدر: اوكي جوليا بااااااااي
نوف كانت تدور على بدر ولمن قربت من غرفته سمعت اخر كلام بدر
وقفل بدر من جوليا: هلا نوف
نوف: بدر انت تكلم بنت صح
بدر: ايوه هذي جوليا
نوف: بدر حرام عليك وسارة
بدر استغرب: ايش فيها سارة؟؟
نوف: بدر انت خاطب وملكتك مابقي عنها شيء و انت تكلم بنت والله سارة ماتستاهل الي تسويه
بدر: نوف جوليا مااكلمها كثير وحتى استغربت من اتصالها وانا كنت بقولها على خطبتي بس هي مستعجلة انشاء الله مرة ثانية بقولها بس اللي ابغاكي تتأكدي منه اني احب سارة ومستحيل احب غيرها او اخونها وماتتصوري قد ايش انا فرحان لاني بتزوجها
نوف: ريحتني والله ماراح تلاقي زوجة زي سارة
بدر: انا عارف الله يجمع بيننا دنيا واخره
نوف: امين
.................................................. ....
جوا اهل سامي وخطبوا نوف رسمي وحددوا الزواج انه يكون بالصيف بس ماحددوا ايت يوم ........
ايو بندر : مبروك يانوف
نوف: الله يبارك فيك ياابويه
وباركوا الكل لنوف
وبعدين تفرقوا العيلة ومابقي الا نوف ومها
نوف: مها كيف حال اخوانك
مها ابتسمت: كلهم طيبين ماعليش نوف اعذري مي عشانها مادقت عليكي والله حاولت معاها
نوف: لا عادي انا ماازعل من مي الله يهديها
مها: الله يسعدك يانوف من جد ياحظ سامي فيكي
نوف: تسلمي
وهنا دق جوال مها
مها: هلا يوسف
يوف: كيفك مهاوي
مها: انا بخير انت كيفك
يوسف: انا بخير انتي ببيتك
مها: لا انا بيت عمي ليه تبغى شيء
يوسف: لا كنت بجيكي بس يلا مرة ثانية
مها: تعال بكرة استناك ها
يوسف: انشاء الله وسلمي على نوف وقوليلها مبروك
مها: اوكي انشاء الله
يوسف: يلا مع السلامة
مها: مع السلامة ... نوف يسلمك عليك يوسف ويقوولك مبروك
نوف ابتسمت: الله يسلمه وعقباله
مها: انشاء الله ....تصدقي نوف يوسف تغير
نوف: كيف يعني غير
مها: يعني ماصار زي اول يسهر بالعكس صار دايما في البيت ويروح شغله وصار يصلي
نوف فرحت: ماشاء الله الله يدومها عليه
مها: امين
وبعدين نوف سرحت الحمدلله انو دعائي استجاب ويوسف انهدى والله يدله على طريق الخير دايما
( نوف كانت دايما تدعي ليوسف صح هي كانت ماتبغى تتزوجه بس برضو ماكان يمنعها انها تحبه كولد عم لها وتتمناله الخير)
.................................................. .........

يوم الاربعاء كانت الملكة بس الحفلة حددوها يوم الخميس
وجابوا المملك ببيت ابو سارة
ابو سارة: سارة حبيبتي تعالي الشيخ بيسالك
سارة بخوف: يسألني على ايه
امسارة: بيسألك موافقة ولا
سارة: انا موافقة ليه يسألني ابويه قول له خلاص انت بدل عني
ابو سارة ضحك على كلام بنته: سارة ليه تخافي لازم يتاكد منك عادي لاتخافي تعالي يلا
وراحت سارة مع ابوها وهي خايفة وبعد وسالها الشيخ ويدوب سارة رفعت صوتها وردت وضحك عليها وسوى نفسه ماسمع بعدين سارة علته اكثر وهي خايفة
وبعدين جابوا لها الدفتر توقع
ووقعت سارة وسمر تصورها وهي توقع
واليوم الثاني جاء يوم ملكة بدر وسارة والكل كان يستعد ويتجهز
سمر: يلا ياسارة اتاخرنا
سارة جات: طيب اصبري دقيقة لسه باقي وقت
سمر: يدوب نوصل للكوفيره واليوم خميس يمكن نلاقي زحمة زبعدين ماابغى اروح القاعة متاخرة حلاتها من بدري
سارة: يلا امشي كانها هي العروسة مو انا
سمر: هههههههه ياليتني عروسة وسرحت
سارة تدف اختها: يوو بدت تسرح بحبيب القلب اقول امشي
سمر: هههههههههه تلوميني وانتي قلبك بيذوب محد قدك اليوم بيصير الحبيب ملكك
سارة تذكرت بدر وقلبها صار يدق
سمر: ههههههههههه اشوف انتي اللي سرحتي يلا امشي اشوف قدامي
ابويه يستنانا بره
وابتسمت سارة لاختها وخرجوا مع بعض من البيت
ام سارة راحت مشغل قريب منهم ماحبت تروح مع بناتها تخاف يتاخروا لازم تخرج بدري عشان تساعد ام بندر
في الليل الكل في القاعة الا سارة وسمر لسه ماجو
ام سارة: نوف دقي على سارة مدري ايش فيهم تأخروا
نوف: انشاء الله مافيهم الا الخير دحين ادق عليهم
ودقت نوف على جوال سارة
سارة: هلا نوف
نوف: هلا بالعروسة وينكم تاخرتوا
سارة: خلاص احنا جايينكم قريب
نوف: اوكي بس خفت عليكم عشان تأخرتوا
سارة: لا خلصنا خلاص
وقفلت نوف من سارة ومشيت الا وتسمع صوت يناديها
خلود: نوف
نوف لفت وشافت خلود وامها وسامية وعهود واتذكرت سامي واستحت بالمرة
نوف: هلا الله يحيكم
وسلموا الحريم على بعض ويروحوا يجلسوا على طاولة وترحب فيهم نوف وتصبلهم قهوة بعدين اعتذرت منهم عشان تنادي امها
نوف: امي
ام بندر: خير نوف
نوف: خالتي ام سامي جات هي وبناتها
ام بندر: رحبتي فيهم ولا فشلتينا
نوف: امي اعجبك انا جلستهم على الطاولة وضيفتهم بالقهوة
ام بندر: ايوه كذا ابغاكي
وراحت ام بندر عند انسابها ونوف طمنت ام سارة وقالتلها دحين بيجوا
خلود: نوف يسلم عليكي سامي
نوف: الله يسلمه كيفه
خلود: طيب
نور جات عندهم وسمعت الهرجة وحبت تحرج نوف
نور: اقول نوف ايش قال سامي عن نوف عجبته
نوف تغمز لاختها يعني اسكتي
خلود حست بنوف وتبغى تحرجها زيادة: يوووو كل شوي يجيب سيرة نوف ايش سويتي في اخويه خبلتيه هههههههههههههههه
نور: هههههههههههههههه
نوف: طبعا اتخبل في احد يشوفني ومايتخبل
نور: طيب انحرجي شوية على الاقل قدام اخته
نوف: عادي خلود صحبتي
خلود: خليها تاخذ راحتها
وجاتهم سمر ونور على طول صفرت
نور: الله الله ايش الجمال دا يووو لو يشوفك نايف
سمربدلع : نوووووووووور
نوف: سبيكي منها هذي اليوم مستخفة وين سارة
نور: بالله هذا سؤال يعني وين اكيد بالغرفة
نوف: مو شغلك
واستاذنت منهم خلود وراحت
نوف: ايش فيكي انتي وجععععععع لازم تحرجيني يعني
نور: انتي انحرجتي اجل ايش تسمين اللي قولتيه وتقلد نوف في احد يشوفني ومايتخبل
سمر: هههههههههههههه
نوف: اقول فارقي خليني اروح عند حبيبة قلبي سوسو
نور: سوسو هههههههههههههههه
وضحكت سمر عليهم
سمر: هههههه مخابيل
نور: تعالي هنا يابنت اش الحلاوة دي سمر ايش رايك ادق على نايف يجي يشوفك
سمر: لا والله
نور: صدقتي انتي مافي شوفة الا بعد الملكة
سمر: طيب ماما وتهز راسها زي الهنود
وضحكوا نور وسمر على نفسهم
ونروح لسارة ونوف
نوف: ماشاء الله على الحلوين تعالي سارة اقرا عليكي
سارة: ههههههه
نوف: ايش فيكي
سارة: لا ولا شيء بس خليني البس الفستان بعدين اقري عليه مرة وحده
نوف: ها طيب خلاص يلا قومي البسي بساعدك
ولبست سارة الفستان وساعدتها نوف لانه في هذاك الوقت سارة مااعتبرت نوف اخت اللي بيتزوجها بالعكس اعتبرت سارة صديقتها واغلى صديقاتها والصديقة مافيها شيء لو بتساعد صديقتها
نوف: ماشاء الله ياسارة الفستان جنان واصلا انتي اللي محليته
سارة: عيونك الحلوة ياعمري
وقرت نوف على سارة وحضنوا بعض
نوف: سارة خلاص لاتبكين والله مكياجك بيخرب
ودخلوا عليهم نور وسمر وباركوا لسارة
نور: ماشاء الله والله اخواني عرفوا يختاروا زوجاتهم
نوف: طبعا طالعين علي مو انتي
نور: احم احم انا ام الذوق كله
وكملوا البنات سوالفهم وضحكهم
وبعدين جو خالات سارة وهما خالتين وكلهم متزوجات بس ساكنين بالرياض وعيالهم صغار اكبرهم بنت اكبر من سمربسنتين عمرها 18
رغد: الله ياسارة ماشاء الله عليكي مرة طالعة تهبلين
سارة: تسلمين ياقلبي وعقبالك
رغد: امييين
وتضربها امها: يابنت اثقلي
سمر: عادي خالتي خلاص رغد انشاء الله تشوفك وحدة من الحريم وتخطبك ماشاء الله عليكي حلوة والكل يتمناكي
رغد حلوة هي وسارة يتشابهون كثير اللي يشوفهم يقول انو هي وسارة اخوات اكثر من سمر
سارة: انشاء الله تتزوج واحد من جدة وتجي عندنا
رغد: ايوه انشاء الله انا ابغى اسكن بجدة احبها مرة
سمر: انشاء الله
وبعدين راحوا الحريم القاعة وتركوا سارة لوحدها تكمل زينتها
وكانت الملكة روعة انبسطوا البنات ورقصوا ويشجعوا بعض زغاريط وصريخ كان جوو خيالي وسارة تسمع رجتهم وقلبها يدق
سارة: ياويلي قربت اللحظة والله اني خايفة الحمد لله يارب وفقتني ورزقتني باللي ابغاه الحمدلله
ودخلت عليها نوف
نوف: يلا سارة استعدي بدر بيدخل عشان تتصوروا
سارة: نوف خايفة
نوف: ههههههههههه هذا وانتي تعرفي بدر اجل كيف انا في ملكتي هههههه الله يستر
سارة: نوف انتي اجرأ مني
نوف: مدري خليها في ملكتي وشوفي ايش بيصير ليه الله واعلم
وجات نور وامها ومعاهم بدر ومعاهم ام سارة
ام بندر: خلاص سارة مستعدة
سارة بارتباك: ايوه ..... امي تعالي عندي
وضحكوا كلهم على سارة
نوف: ههههههه خوافة
وراحت نوف عند الباب ودخلت بدر
بدر: السلام عليكم
سارة: وعليكم السلام
بدر لمن رفع عيونه وشاف سارة اتخبل الله الله ماشاء الله عليها ياحظي والله
سارة كان شكلها جنان مسوية شعرها سريحة على جنب وحاطة عند اذنها وردة بيج بعودي وطالعة جنان عليها اما مكياجها كان عودي مع البيج يعني كانت على قولتهم تطيح الطير من السما وبدر كان يطالع بسارة ومسحور بجمالها
نوف بصوت واطي: ههههههههه ايش فيك مبقق عيونك
بدر: ياحظي انا والله
نوف: هههههههههههه
وراح بدر عند سارة وباس جبينها وسارة الله لايوريكم قلبها يدق بقوة وتحس نفسها بدوخ لمن قرب جنبها
وبدات المصورة تصورهم اول شيء اتصوروا مع العائلة وبعديت راحوا وتركوا بدر وسارة مع المصورة
............................................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mouna

avatar

المساهمات : 56
تاريخ التسجيل : 14/04/2008
العمر : 26

مُساهمةموضوع: من بين الناس حبيتك * رواية جنان *   الأربعاء يونيو 10, 2009 10:23 pm

نروح لمي اللي حضرت الملكة بدون نفس بس لانو امها اجبرتها انو تروح
مي: ياسر مااقدر ايش فيك انت
ياسر: والله محد داري عنك اخرجي معايا مو انتي تقولي انك مو مبسوطة يالله اطلعي
مي: والله ودي دحين اروح البيت بس امي هذي
اسر: انا عندي فكرة سوي نفسك تعبانة وقولي لامك بروح البيت وتعالي معايا ايش رايك
مي: اممممممممم والله فكرة بس مدري خايفة
ياسر: انتي سوي اللي بقولك عليه ولا تخافي
مي: طيب اقول لامي وارد لك
ياسر: اوكي
وراحت مي لامها
مي: امي
ام يوسف: نعم
مي: امي انا قلتلك تعبانة وانتي غصبيني انا بروح احس تعبي زاد
ام يسوف خافت على بنتها: طيب دحين نعتذر منهم ونروح كلنا
مي: لا امي عيب نروح كلنا انا ادق على السواق يجي ياخذني وانتي اجلسي
ام يوسف: خلاص براحتك بس روحي سلمي على ام بندر واعتذري منها
مي ابتسمت: من عيوني
ودقت مي على ياسر عشان يجيها
ياسر: ها بشري
مي: خلاص وافقت انت متى بتجي
ياسر: انا بره يلا تعالي مافي احد
مي: ماشاءا لله بسرعة جيت
ياسر: انا من زمان هنا عارف انك بتطلعين معايا
مي: طيب خلاص انا جايتك بس انتظر 5 دقايق اسلم على خالتي واجي بااااااااي
ياسر:اوكي باااااااااااي
وراحت مي سلمت على ام بندر واعتذرت منها وفي طريقها لقيت نوف
مي: نوف نوف
نوف استغربت انو مي تناديها الله يستر منها
نوف: هلا مي
مي: نوف انتي زعلانة مني صح
نوف: لا والله عادي
مي ابتسمت: نوف انا اسفة عن كل الاشياء اللي سويتها معاكي
نوف ابتسمت: وانا مسامحتك وعمري مازعلت منك
وحضنت مي نوف
مب: مبروك نوف مع انها متاخرة
نوف: الله يبارك فيكي وعقبالك
مي: بحياتك
وتركت مي نوف وراحت ونوف مستغربة من مي يمكن الله هداها وهزت كتوفها وراحت عند البنات
وطلعت مي من القاعة وطلعت السيارة مع ياسر
ياسر: هلا حبيبتي السيارة نورت
مي: منورة بصاحبها
ياسر: تسلمين
مي: ياسر وين بنروح
ياسر: بوديكي شقتي
مي: ياسر لا نروح أي مكان ثاني
ياسر: مي انتي وعدتيني اول خلاص انا زعلان احسن لكي ارجعي القاعة خلاص
مي: يوو ياسر زعلت خلاص اوكي نروح الشقة بس مانتأخر
ياسر ابتسم: ايوه كذا خليكي لا حبيبتي محنا متاخرين برضو انا اخاف عليكي انا احبك يامي ومستحيل اسوي فيكي شيء يضرك
وياسر في قلبه : اول مرة احس انو الكلام طالع من قلبي معقولة ياياسرتخاف على مي
مي: تسلم حبيبي وانا واثقة فيك كل الثقة
............................................
نروح للعرسان اللي قاعديت يتصورون
والمصورة كل شوية تطلب منهم يسوو حركة ولاتخلو هذي الحركات من الجرأة وسارة مستحية ومقهورة من المصورة وجععععع على جرأتها
وقهرتها اكثر لمن طلبت من بدر يحضن سارة وتكون وجيههم متقابلة ويبوسها عشان تصورهم
وبدر ماحسب على طول سوى اللي تبغاه وسارة وجهها صار احمر واستحت وانقهرت من بدر كيف يسوي كذا قدام الهبلة دي
وبعد ماخلصوا تصوير راحت المصورة عنهم ووبقيوا سارة وبدر
بدر: الله ياسارة انتي مررة حلوة
سارة: عيونك الحلوة
وطلع بدر من جيبه عليه صغيرة واعطاها سارة
بدر: سارة هذي العلبة ابغاكي تفتحيها في البيت مو هنا
سارة: ليه ايش فيها
بدر ابتسم: مفأجاة ههههههه بس زي ماقلت لكي افتحيها بعدين
سارة: طيب
وونترك العرسان لوحدهم ونروح لمي وياسر
ياسر: يلا مي انزلي وصلنا
مي حست بخوف وضربات قلبها تدق بسرعة
مي: طيب
ونزلوا من السيارة ومسك ياسر يد مي ودخلوا العمارة مع بعض ووقفوا عند شقة في الدور الاول
وفتح ياسر الباب واثناء مانزل المفتاح طاح منه فأنحنى يجيبه ولمن نزل انتبهت مي للحركة اللي في الشقة وفتحت عيونها لاخرها لانهاشافت رجال جوه ولاشعوريا دفت ياسر بقوة لمن قام وجريت على الشارع وكانت العمارة على شارعين رايح جاي ومزدحم بالسيارات وبدون وعي صارت مي تجري وفي قلبها تقول انا ايش سويت الكلب المخادع جايبني شقة كلها رجال انا قلبي من زمان وهو يدق حسيت انو شيء بيصير ليه ليه يياسر تسوي معايا كذا واثناء جريها ماانتبهت للسيارات وصدمت فيها سيارة طيرتها للشارع الثاني وكل هذا صار قدام ياسر اللي كان واقف منصدم من اللي صار بعدين صرخ: لااااااااااااااااااااااااااااااااااااااااا
........................................

&&& الجزء الحادي والعشرون &&&
نروح للقاعة هناك الكل منبسط والبنات يرقصوا ومنعنشين على الاخر
وقربت وقت الزفة ونوف طلعت عند بدر وسارة وقطعت عليهم خلوتهم
نوف : هوووووووووب انا جيت
بدر: يافرحتك ايش تبغين يلا فارقي مزعجة
سارة ساكتة وتضحك على بدر
نوف: الله الله ايش قاعدين تسوون
بدر: مو شغلك
نوف: حبيبي الحركات هذه مو هنا فاهم ويلا اشوف قوموا الليل راح والناس بتروح وحضرتك قاعد تهرج
بدر: وانا ايش دخلني بالناس
نوف: الناس جاية عشان تشوفكم يلا قوموا جاء وقت الزفة
بدر: يلا طيب
ويقوم بدر ويمسك يد سارة ويحضنها بيده ويروحوا مع نوف
في القاعة اعلنوا عن الزفة وانه العريس بيدخل ولبسوا الحريم عباياتهم وطفوا الانوار وولعوا الشموع اللي على الطاولات وكان الجو يجنن والكل عيونهم مبققة تدور على العرسان <<<<< هههههههه حرييييييم
وطلعوا العرسان من البلكونة والكل منبهر من جمال سارة وبدر كانوا لايقين لبعض وام بندر وام سارة قاعدين يقرون خايفين على عيالهم ومن اول ماظهروا بدر وسارة صاروا البنات يصارخو ويصفروا ويصفقوا مع الاغنية وسارة مرتبكة من المنظر وبدر يضحك على اشكال الحريم
بدر: هههههههههه سارة شوفي الحريم كيف مبينين عيونهم اخ على لقافهم
سارة: انت ايش عليك منهم طالع فيه وبس
بدر: هههههههه تغارين عليه ياقلبي
سارة: لا مااغار
وقرر بدر انه يحرج سارة وعلى طول شالها ودار فيها وسارة منفجعة وبنفس الوقت تضحك والبنات ماحسبوا قاموا يصارخوا ويصفروا على حركة بدر
سارة: مجنووووون
بدر: ايش رايك
وبعدين باسها مع خدها ونزلها
وسارة وقفت تعدل شعرها وفستانها بس بنفس الوقت عجبتها الفكرة الله يرجك يابدر
وبعدين استعدوا للزفة ونزلوا من الدرج ومشيوا على الممر ونوف ترمي عليهم الورود لين وصلوا الكوشة والمصورة تصورهم ووجاتهم نوف ونور وصاروا يرقصوهم ونادوا امهم وام سارة والكل يرقص ومسويين دائرة حوالين العرسان وبعدين راحوا بدر وسارة وجلسوا على الكرسي الكبير المزين ولبسوا بعض الدبل اول شيء بدأ بدر ولبس سارة دبلتها بعدين باس يدها وبعدين لبست سارة بدر دبلته وبرضو باست يده وكانت لقطة ولااروع
وبعدين راحوا عند الكيكة وقطعوها واكلوا بعض والبنات مع كل حركة يصفقوا ويصفروا وبعدين راحوا الناس ومابقي الا العائلتين ودخلوا ابو بندر وابو سارة وتصوروا مع العرسان
.................................................. .
نروح لمكان ثاني كان زحمة والناس ملتمة
طبعا ياسر اول ماشاف جسم مي يطير قدامه مااستحمل المنظر وركب سيارته وشرد والاسعاف جاء وشالوا مي على الحمالة
الرجال: هي كانت مسرعة وكأنه احد يلحقها وانا ماقدرت اوقف السيارة
الشرطي: ماتدري من وين جايه
الرجال: والله ماانتبهت
وشوية تجي حرمة واللي هي اخت الرجال
الحرمة: احمد هذي شنطتها
واخذ احمد الشنطة واعطاها الشرطي
............................................
ام يوسف: مها مدري احس اني متضايقة الله يستر
مها: ايش فيكي ياامي
ام يوسف: مدري يابنتي بس فجأة نغزني قلبي وجات في بالي مي
مها خافت من كلام امها بس تحاول تهديها: امي انشاء الله مافيها الا الخير
ام يوسف: طيب دقي عليها طمنيني
مها ابتسمت: انشاء الله دحين ادق
ودقت مها على جوال مي وحاولت كذا مرة ومحد يرد
مها: امي محد يرد يمكن نامت
ام يوسف: الله يستر يلا بسرعة خلينا نروح البيت انا مو مطمنة
مها: انشاء الله بس انتي ارتاحي
.............................................

في المستشفى
وانقذوا الدكتور واللي معاه مي بس كانت حالتها خطيرة
الدكتور: فين اهلها
احمد: خير يادكتور
الدكتور: والله مااعرف ايش اقولكم بس هي حالتها خطيرة عنده نزيف بالدماغ وهي دحين بغيبوبة ومحتاجة دم
احمد: لا حول ولا قوة الا بالله بس احنا ماندري مين اهلها
الدكتور: بس لازم ننقذها الوقت يداهمنا
نادية: انا اتبرع لها
احمد: خلاص نشوف انا وانتي بس اول شيء نخبر اهلها
نادية: احمد شوف شنطتها يمكن نلاقي شيء يدلنا على اهلها
وقال احمد للشرطي واعطى الشرطي احمد الشنطة اللي بدوره اعطاها اخته وفتحتها نادية وطلعت جوال مي
نادية: اشياء عادية بس في جوالها
احمد: خلاص ندق عليهم لازم نقلهم هذولا اهلها
...............................................
يوسف كان مع الرجال وجاءه اتصال من رقم غريب
يوسف: الوووووو
عبير: هلا يوسف انت وينك وليه لمن ادق عليك ماترد
يوسف: مين معاي
عبير: انا عبير
يوسف: خير ايش تبغي
عبير: ايش فيك تكلمني كذا
يوسف: لوسمحتي لاعاد تدقي عليه انا اتغيرت مو زي اول فاهمة وقفل الخط بوجهها
عبير انقهرت من يوسف ودقت عليه مرة ثانية ومارد ودقت مرة ثالثة لقيته مقفل الجوال
عبير: طيب يايوسف ان ماخليتك تندم مااكون عبير
وجاء ببالها ياسر انا لازم اضغط عليه عشان يضيع مي كفاية اخوها فلت مني وماقدرت اثر عليه بس انتي اللي في وجهي يامي وبوريك مين عبير
ياسر كان جالس بسيارته ويفكر باللي صار ياربي انا ايش سويت ايش ذنبها المسكينة باللي صار لها انا نذل جبان وفوق كذا اتخليت عنها وشردت ااااااه يامي ياترى ايش صار فيكي حية ولا ميتة يارب زي ماانقذتها من شري تنقذها دحين يارب ساعدها ويدق جواله
ياسر: الوووووووو
عبير: هلا ياسر كيفك
ياسر: بخير وانتي
عبير: حالتي زفت ياسر بالله عليك عجل باللي قولت لك عليه
ياسر: اللي هو؟؟؟
عبير: ياسر وبعدين معاك ترى ماني ناقصتك
ياسر: خير ايش فيكي
عبير: بعدين اقولك بس اهم شيء تقضي على مي وبسرعة
ياسر لمعت فكرة براسه: طيب انفذ اللي قولتيلي عليه بس بشرط
عبير: موافقة ايش الشرط؟؟؟
ياسر: ابغى اسهر معاكي
عبير: ماطلبت شيء تعال في الشقة
ياسر: لا ابغى اكون معاكي لوحدنا
عبير: اوكي تعالي الشقة خذني
ياسر: اوكي باااااااااااي
عبير: بااااااااااااي
طيب ياعبير تبغيني ادمر مستقبل البنت خلاص انا صحيت مو ياسر الاولي كنت بضيع مستقبل مي كله عشان عيونك ياعبير ااااه لوبيدي اذبحك بس وين تروحين انا وراكي وراكي كنت ابله زي الطرطور امشي واسمع كلامك بس يصير خير انشاء الله
وشغل سيارته وراح لعند عبير
..................................................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mouna

avatar

المساهمات : 56
تاريخ التسجيل : 14/04/2008
العمر : 26

مُساهمةموضوع: من بين الناس حبيتك * رواية جنان *   الأربعاء يونيو 10, 2009 10:21 pm

ام يوسف ومها في السيارة
ام يوسف: فاروق انت ودي مي البيت
فاروق: لا انا ماودي بيت
ام يوسف: الا هي مااتصلت عليك
فاروق: لا والله ماما مافي دق على انا
ام يوسف: متاكد
فاروق: مية المية
ام يوسف: غريبة اجل كيف راحت البيت الله يستر البنت هذي مدري ايش يتسوي فينا
مها: انتي اهدي دحين نروح البيت ونعرف منها كل شيء
ووصلوا لبيت وراحت ام يوسف على طول غرفة مي ولمن فتحت باب الغرفة لقيت كل مرتب والغرفة باين انو محد دخلها
ام يوسف: ياويلي بنتي وين
مها: امي هدي شوية يمكن بره
ونادت مها سيتي شغالتهم
مها: سيتي وين مي
سيتي: مي مافي هو راحت مع ماما
مها: طيب ماجات
سيتي: لا انا مافي شوف هو مايجي
ام يوسف: ياويلي على بنتي انا حسيت انها فيها شيء قومي يامها اتصلي في اخوك خليه يدورها
مها: دحين انا ادق عليها بس انتي ارتاحي
ام يوسف: من وين تجي الراحة
ودقت مي على جوال مي
في المستشفى كانت نادية ماسكة جوال مي تدور بين الارقام وشوية يدق الجوال مهاوي يتصل بك
نادية: احمدالجوال يدق
احمد : بسرعة ردي
مها: الوووو مي
نادية: الووووووووو
مها: مين انتي ووين مي
نادية: صاحبة الجوال اسمها مي
مها: ايوه انتي مين ووين مي
نادية: الصراحة مدري شقولك
مها: تكلمي ايش فيها مي
نادية: مي صار لها حادث ودحين هي بالمستشفى
مها مااستحملت وجلست على الكنبة: ايش تقولي
وحكت نادية مها كل شيء بالتفصيل
مها وهي تبكي: خلاص دحين جايينكم
ام يوسف وعيونها تطالع مها وكلها دموع: مها ايش فيها مي
مها ماستحملت وصارت تبكي: مي صار لها حادث
ودخل عليهم يوسف
ام يوسف تصارخ وتبكي: لااااااا مي بسرعة ودوني لها
يوسف لمن سمع صريخ امه: ايش فيكم
مها: مي صار لها حادث وهي دحين بالمستشفى
يوسف: ايش وبأي مستشفى
وراحوا يوسف ومها وام بندر المستشفى
...............................
في المستشفى بعد ماطمنوا احمد ونادية انهم خبروا اهلها راحوا مع الدكتور يشوفوا فصيلة دمهم توافق مع دم مي ولا لا
وراحوا نادية واحمد مع الدكتور وطلعت فصيلة نادية مثل فصيلة مي
وبسرعة نقلوا دم لمي وحالتها استقرت
..............................................
سارة كانت اسعد انسانة اليوم حلمها تحقق
احبك يابدر احبك وتذكرت هدية بدر وراحت فتحتها لقيت فيها وردة قديمة ذبلانة مرة
وفيها قرطاس حلاوة باين عليه قديم وكمان فيها دبدوب صغيرمرة لونه احمر وفي العلبة كرت صغير مكتوب عليه
( تتذكري الاشياء هذي ياسارة .... احبك )
ودق جوال سارة
سارة ماهي قادرة تتكلم من الصياح
بدر: حبيبتي سارة
سارة: .............
بدر: الووو حبي ردي عليه
سارة: بدر
بدر: عيونه
سارة: ااااااااااه انت محتفظ بالاشياء للي اعطيتك هيوان ضغيرة ياقلبي
بدر: هذي الاشياء من حبيبت قلبي وروحي سارة كيف ارميها هذي ياسارة كانت تسليني في غربتي كنت دايما اخرجها واشوف فيها سارة الحبيبة الصغيرة
سارة: ياحبيبي يابدر احبك احبك احبك بقول للعالم كله احبك
بدر: ههههههههه وانا ااحبك احبك واتنفس هواكي
سارة: حبك سكن قلبي من سنين كنت في الماضي حبيبي بس دحين انت حبيبي وزوجي ودنيتي كلها حبك يجري بدمي وعمري مااتخيل حياتي بدونك يااعز واغلى حبيب لو تبغى عيوني اهديها لك ياعيوني انت
بدر: الله الله كل هالكلام ليه يابختي انا
سارة: وانت تستاهل اكثر
بدر: سارة انا ماني مصدق انك صرتي زوجتي بس متى تجي الليلة الكبيرة ونبقى قريبين من بعض مايفرق بيننا الا الموت
سارة: انشاء الله حبيبي ونتهنى بعمرنا مع بعض
وكملوا بدر وسارة ليلتهم بكلام الحب والاشتياق
..............................................

في المستشفى احمد جالس مع نادية اللي سحبوا منها دم وهي تعاني من دوخة بسيطة
اخمد: سلامتك حبيبتي وجزاك الله الف خير
نادية: يلا الواحد يسويله خير في الدنيا
احمد: طيب يلا اوديكي البيت انتي تعبانة
نادية: اوكي بس بروح اطمئن على مي
احمد: هي اسمها مي
نادية: ايوه اللي دقت تقول مي
احمد: اوكي يلا
وساعد احمد اخته على الوقوف وطلعوا بره الغرفة وراحوا عند مي
ولقيوا حرمتين وولد مع الدكتور
احمد: شكلهم اهلها
ناديةابتسمت: الحمدلله انهم جوا
يوسف: خير يادكتور كيف حالة مي
الدكتور: الصراحة هي كانت في خطر وكانت محتاجة نقل دم واللي جابوها هنا اتبرعوا لها والحين هي تعدت مرحلة الخطر لكنها غي غيبوبة
ام يوسف ومها لمن سمعوا كلام الدكتور صاروا يبكوا
يوسف: طيب هي ايش فيها
الدكتور: كان معاها نزيف في الدماغ بس اتفاديناه لكنها تعاني من كسر باليد اليسرى وشوية تشويه في جبينها بس هي حظها حلو لان الصدمة كانت قوية بس هي طلعت منها على خير
يوسف: لا حول ولاقوة الا بالله الله يشفيها
والدكتور لمح احمد: شوف هذاك الرجال هو اللي جابها
وراح يوسف لاحمد
يوسف: السلام عليكم
احمد: وعليكم السلام
يوسف: صراحة ماني عارف ايش اقولك بس من جد مشكور
احمد: لا تقول شيء انا ماعملت الا الواجب
يوسف: مشكور وكثر الله من امثالك بس ابي اسأل انت تبرعتلها بالدم
احمد: ياليت كان انكتبلي اجر بس فصيلة دمي مو نفس فصيلتها اللي هي اتبرعت اختي
يوسف ابتسم: مشكووووووورين وماقصرتم بس انت فين لقيتها
احمد : صراحة انا كنت ماشي في الخط فجأة ظهرت اختك بوجهي وماقدرت اوقف بس الله العالم اني حاولت اني مااصدمها بس هي كانت مسرعة وشكلها كانت سرحانة وماتدري عن اللي حواليها
يوسف يفكر في كلام احمد ايش ودى مي ذاك الحي غريب والله
يوسف: على العموم انت مالك ذنب باللي صار كل شيء مقدر ومكتوب
وكفاية انك جبتها نا وماتخليت عنها
احمد: الله يسلمك
ونادى يوسف اهله وقالهم على اللي صار
يوسف: امي روحوا اشكروا البنت من جد ماقصروا
ام يوسف تحضن نادية: مشكورة يابنتي الله يسعدك انشاء الله
نادية: انا ماعملت الا الواجب ياخالة والله يشفها لكم انشاء الله
وسلمت مها على نادية وشكرتها
وام يوسف كمان شكرت احمد
.................................
ياسر كان في السيارة ومعاه عبير
وكان يفكر: على قد ماحبيتك ياعبير على قد ماكرهتك ولازم اخليكي تدفعي الثمن حق مي ماراح يروح وانا اللي باخذه منك نفس المكان اللي وديت له مي بوديكي له مكان كله وحوش بشرية تنتظر الفريسة بأي وقت هههههههههه
عبير: خير ايش عندك اشوفك تبتسم ضحكني معاك
ياسر: لا بس اتخيل الشكل لمن تكشف حقيقتي
عبير: ههههههههههههه ودي اكون معك
ياسر في قلبه: هههههه بتكوني معاي لاتتعجلي
ياسر: عبير انتي تكرهي مي
عبير: اكرهها واكره اخوها لوبيدي اذبحهم الاثنين
ياسر: اخوها؟؟ ايش دخل اخوها
وحكت عبير ياسر عن يوسف واناه حبته بس هو تركها وذلها
وياسر يسمع مي وقلبه صاير نار انا الغبي احبها واسوي لها كل شيء وهي ماهي دارية عني
ياسر: تحبي يوسف طيب وانا
عبير ارتبكت: هاا انت حبيبي كمان بس يوسف دحين اكرهه اكرهه
ياسر: بس كنتي تحبينه وتضحكي عليه
عبير ياربي انا ايش سويت
عبير تمسك يد ياسر: ياسر حبيبي والله انا احبك
ياسر يدف يد عبير: انتي كذاااابة
وصاروا ياسر وعبير يتهاوشوا والجو بينهم مكهرب وياسر مقهور منها وصدره شاب حقد عليها
عبيرتصارخ: ياسر انتبه بنصدم
وماقدر ياسر يتماسك واتقلبت فيهم السيارة
***************
في المستشفى
كانوا يوسف وامهم ومها جالسين
يوسف: انا بس ابغى اعرف هي وين راحت
ام يوسف: الله يستر شكلها مسوية شيء غلط حاسة كذا
مها: لا انشاء الله بس ابويه لايدري والله غير يتعب
يوسف معصب: يعني مانقوله
مها: لا قصدي نقوله أي شيء غير انه مي خرجت من الملكة عشان تروح لمكان الله العالم ايش هو
واتفقوا يوسف وامه واخته انهم يقولوا للسواق انه اخذ مي وهي طلبت منه انها تنزل وتتمشى وانه صدمتها سيارة
........................................

طبعا تبغون تعرفون ايش صار بياسر وعبير
الحادث كان قوي وعبير على طول ماتت لكن ياسر انقذوه بس قلبه كان ضعيف وتوفى بعد ساعتين من الحادث وبكذا انتهت حياة ياسر وعبير واخذوا عقابهم من الله اللي يمـــــــــهل ولايهـــــــــمل
.......................................
جاء اليوم الثاني وابويوسف واهله كلهم بالمستشفى عند مي اللي لساتها بغيبوبة وام يوسف ماوقفت بكاء على بنتها ومها تشاركها الصياح وبندر يهدي فيها وابو يوسف قلبه مشغول على بنته بس هو يضاهر بالعكس وماجد وويوسف يهدون امهم ويصبرونها ومازن رغم صغره لكنه حاس باللي صاير وقاعد يبكي على مي حبيبته اللي دايما تلعب معاه على قولته
مازن: بابا مي يترجع لنا
ابويوسف يحضن ولده: انشاء الله مي بتقوم وترجع معانا البيت
مازن: انشاء الله
ويروح مازن عند امه ويحضنها ويبكي معاها
..................................
نوف كانت في الصالة ومسرحة تفكر بمي
نور: نوف
نوف: نعم
نور: ايش رايك نروح عند سارة وسمر
نوف: افكر
نور: نوف ايش فيكي
نوف: اقولك يانور على شيء ماتصدقينه
نور جلست عند نوف: قولي
نوف: مي امس سلمت عليه وباركتلي وقالتلي سامحيني
نور: لا كويس تصدقين نوف ماجد دايما يحكيني عن مي يقول شخصيتها غريبة مرة تكون حنونة وطيبة خصوصا مع مازن ومرات تكون عصبية وحقودة
نوف: الله يهديها وتصير طيبة معانا
نور: طيب ايش رايك نزورها ونخلي علاقتنا تقوى
نوف: ههههههه انتي بس بغي تخرجي ها بتروحي عند سمر ولامي
نور: خخخخخ عادي كل يوم نروح لاحد
نوف: هههههههه افكر واردلك
ودخل عليهم بندر ومبين عليه انه زعلان
بندر: السلام عليكم
نوف + نور: وعليكم السلام
بندر: وين امي وابويه
نور: في غرفتهم ليششششش
وراح بندر عند امه وابوه وطنشهم
نور: هذا ايش فيه مايرد
نوف: شكله مايطمئن الله يستر
نور: ياخبر النهارده بفلوس بكره ببلاش
نوف: على قولتك
وكملوا هروجهم
وشوية يخرج ابو بندر وهو لابس ثوبه والشماغ بيده وشكله مهموم
نوف: ايش فيكم
ومحد رد عليها وخرجوا
نوف: امي ايش فيه ابويه
ام بندر: لاحول ولاقوة الا بالله
نور: امي قولي خوفتينا
امهم: مي بنت عمكم صار لها حادث
نوف ونور صرخوا مع بعض توهم جايبين سيرتها يالله
نوف صارت تبكي: المسكينة امس تعتذرلي عن كل شيء اتاريها حاسة
نور: ودحين هي كيف
امهم: يقول بندر انه كان معاها نزيف بالدماغ بس عالجوه لكنها في غيبوبة الحادث كان قوي
نوف تحضن امها وتبكي وام بندر تهدهد عليها وجاهم بدر
بدر: ايش فيكم
وقالتله نور عن اللي صار
بدر: الله يشفيها
نوف: انا ابغى اروح لمي
ام بندر: هي دحين بغيبوبة ماتدري عنا
نوف: برضو بروح حرام مها اكيد زعلانة
بدر: خلاص دحين نروح
وراحوا بدر واهله المستشفى
......................................
بعد مرور اسبوع على الحادثة
حالت مي ماتحسنت و لساتها بغيبوبة
وامها ارتفع عندها الضغط ونوموها بالمستشفى
والباقين حزنانين على مي ويدعولها بالشفاء
ونوف كانت مرررة متاثرة على اللي صار وكل يوم تبكي
سارة: نوف حبيبتي خلاص انشاء الله تقوم بالسلامة
نوف: اااه ياسارة انا اخر وحدة شفتها تخيلي اعتذرتلي وحضنتني ااااااااه ماني قادرة انسى شكلها ياليتني ليتها تجلس ولاتروح
سارة: نوف كل شيء مقدر ومكتوب حرام تقولي كذا انتي ارتاحي دحين
ونامت نوف على رجل سارة اللي قاعدة تمسح دموعها وشوية الا تلاقي نوف نامت بعدين حطت راس نوف على المخدة وغطتها وخرجت من الغرفة وهي تفكر بنوف على قد ماشافت من مي لكنها تحبها ومتاثرة على اللي صاب مي ربي يخليكي ليه يانوف
وكانتسارة بتروح بيتهم بس قالت بتمرعلى بدر تسلم عليه من الحادث ماشفته زين
بدر كان يكلم جوليا اللي اتصلت عليه
جوليا: والله مشتاقيئلك كتير
بدر: وانا اكثر بس
بدر وقف موقادر يكمل يخاف يقولها على سالفة زواجه تقوم تزعل
جوليا: بس ايه بدر
بدر خليني اقولها وارتاح
بدر: جوليا انا بتزوج قريب
جوليا انصدمت: شووووو
بدر: جوليا انا قلتلك من زمان اني مستحيل اتزوجك انا احب بنت جيراننا من زمان ودحين خطبتها وصارت ملكتنا وزواجنا بالصيف
جوليا: بس انت ماقولتلي انك تحب
بدر: ماكنت ابغى اجرحك
جوليا: بس انت جرحتني كتير باولتك دي انا اتأملت منك كتير بدر
بدر: انا اسف جوليا بس والله انا احب سارة ومن زمان اتمنيت اني ارتبط بيها
جوليا بحسرة: اوكي بدر الله يوفقك
بدر: لاتزعلي جوليا والله اني حبيتك
سارة كانت بتدخل الغرفة بس سمعت جملة بدر الاخيرة وماقدرت وعلى طول خرجت وراحت بيتهم ودموعها على خدودها
.....................................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mouna

avatar

المساهمات : 56
تاريخ التسجيل : 14/04/2008
العمر : 26

مُساهمةموضوع: من بين الناس حبيتك * رواية جنان *   الأربعاء يونيو 10, 2009 10:20 pm

&&& الجزء الأخيــــــــــــــــر &&&
بدر: لاتزعلي جوليا والله اني حبيتك بس كأخت ليه وانا عمري ماوعدتك بالزواج صح ولا لا ؟؟؟؟
جوليا ساكتة وماترد لانها ماهي قادره تتكلم من البكاء
بدر: جوليا كل اللي ابغاه منك انك تدعيلي ربي يوفقني وانتي انشاء الله بتلاقي اللي بنسيكي بدر واهله كمان
جوليا ابتسمت: عمري مابنساك يابدر والله يوفئك مع اللي اخترتها
وقفل بدر من جوليا وحس براحة كبيرة
بدر: الحمدلله هم وانزاح من قلبي خليني اروح عند سارة
وراح بدر لغرفة نوف يحسب سارة موجودة وفتح الغرفة لقي نوف نايمة وسارة ماهي موجودة
بدر: وين راحت
وراح يدور عليها في البيت مالقيها ولقى نور خارجة من المطبخ
بدر: نور وين سارة
نور: الله لنا مسرع فقدتها
بدر: موشغلك
نور: هههههههههه اكلتني سارة راحت بيتهم
بدر: ليه
نور: حلوة ذي ليه عادي البنت راحت بيتهم ليه تحسب نفسك تزوجتها تراه لسه بيت ابوها بيتها
بدر: تافهه انا ايش مقعدني اكلم ناس سخيفة
نور: والله مالسخيف غيرك
وراح بدر لغرفته ودق على جوال سارة وماردت عليه
سارة كانت في السيارة مع سواق اهل بدر وتطالع في جوالها وهو يدق بإسم ( دنيتي) وعيونها مليانة دموع
سارة في قلبها: ليه يابدر بس معقولة انت كذا لا مومعقولة بدر يحبني والادلة على حبه ليه كثيرة انا المفروض مااتسرع بس انا سمعته يقولها ياربي مين هذي جوليا ومن وين طلعت بس انا احب بدر وانا اولى فيه من غيري انا اللي حبيت السنين هذي كلها وانا اكثر وحده استاهل بدر لازم مااسيب بدر بعد مالقيته لازم ياانا ياجوليا هذه
***********************
سامي: خلود ماكلمتي نوف
خلود: مسكينة نوف
سامي انفجع: ايش فيها
خلود: مسكينة بنت عمها صار لها حادث وهي دحين بغيبوبة
سامي: الله يشفيها وكيف نوف
خلود: نوف مرة متأثرة الله يعينها
سامي: طيب روحولها نسوها شوية
خلود: والله فكرة نروح انا وعهود
سامي: خلاص يلا انا اوديكم
خلود: اوكي
***********************
.سارة بعد ماوصلت بيتهم دخلت غرفتها على طول وفكت عبايتها وجلست على السرير مسرحة وبعدين راحت سحبت من تحت مخدتها اللعلبة اللي اعطاها بدر يوم الملكة
سارة: هذي اكبر دليل انو بدر يحبني انا لازم مابين لبدر وانشاء الله مع الايام بنسيه جوليا هذي
وقررت انها تدق على بدر
ودقت سارة على بدر اللي ماصدق
بدر: حبيبتي سارة وينك
سارة: ههههههه في بيتنا
بدر: وليه لمن ادق عليكي ماتردي
سارة: ا لا بس جوالي كنت حاطته سايلنت
بدر: طيب ليه رحتي من غير ماتمري عليه
سارة :اسفة حبيبي بس دقت عليه امي وقالتلي اجي بسرعة عشان اسلم على خالاتي لانهم بيسافروا((( هذا الكلام صار امس وخالاتها سافروا بس سارة اضطرت انها تكذب)))
بدر: خلاص عاذرك تدرين ليه
سارة بدلع: ليه ياقلبي
بدر: لانك قولتي ياحبيبي
سارة تبغى تزيد بدر تولع: انت حبيبي وقلبي وروحي ودنيتي وعمري وكل شيء بحياتي احبك احبك احبك احبــــــــــــــــــــــــــك
بدر: ياويل حالي انا لحقيني سارة بموووووووووووت
سارة: انشاء الله يومي قبل يومك
بدر: الله يطول بعمرك واسعدك
وكملوا بدر وسارة حديثهم وسارة في بالها انها راح تنسي بدر جوليا وانشاء الله حتقدر
*******************************

خلود: نوف انشاء الله ربي بيشفي مي هي دحين محتاجة دعائكم لها والبكاء مايفيد
نوف: يعلم ربي اني بكل صلاة ادعيلها نفسي تقوم مي ونرجع نحب بعض زي ماكنا صغار هي صح مي غلطت عليه كثير بس والله اني مسامحتها اهم شيء تقوم
خلود: انشاء الله ربي يستجيب دعائك بس انتي قومي غسلي وجهك وخلينا نهرج مع بعض والله مشتاقة لهروجك وخفة دمك
ابتسمت نوف لخلود وراحت تغسل وجهها وخرجت مالقيت خلود..... وغيرت لبسها بس انتبهت انه في شيء على السرير وراحت عنده ولقيته كيس صغير في علبه فتحتها لقيت فيها سلسلة ذهب مررررة ناعمة وابتسمت نوف ورجعتها مكانها وراحت عند البنات
خلود تبتسم لنوف حاسة انها شافت الهدية
نور: ياهلا والله بأختي اقول خلود تعالوا كل يوم عشان الضحكة تعم بيتنا
خلود: هههههههههههههه انشاء الله وبجيب اخويه معايا
نور: عاد اخوكي هذا اهم شيء
نوف تضحك على خلود ونور الله لايحرمني منكم
نوف بصوت واطي خلود: قوليله مشكوووووور على الهدية
خلود: مين هو؟؟؟
نوف: اللي بتجيبيه معاكي كل يوم ههههه
خلود: هههههههههههه يوصل
عهود: انتي ايش عندك ايش تقولي لنوف
خلود: سررررررررر
نور: هيييييه نوف احنا يالله تحملناكي انتي وسارة دحين بتكملينها مع خلود
نوف: موتي حررررررررة ماني قايلتلك
نور: هههههه والله ماني ميتة ولاشيء بكرة تجين وتقولي ليه
نوف: تكفين يالمهمة
خلود: سارة كيف حالها
نور: سارة عايشة بدنيا ثانية خخخخخخخخخ
خلود: ليه
نوف: لا بس تدرين ملكت وعاد تعرفين حال المتملكين
خلود: هههههههه الله يسعدهم انشاء الله ويسعدك مع سامي
نوف: انشاء الله
وكملوا البنات سوالفهم التي لاتخلوا من المناقرة
***********************
في المستشفى
مي حالتها زي ماهي وكان في الغرفة عندها مها وكانت تقرأ قران ودخل عليها ماجد
ماجد: السلام عليكم
مها قفلت القران: وعليكم السلام
ماجد: كيفك مهاوي وكيف مي دحين
مها تطالع في مي: انا بخير ومي الله يقومها لنا بالسلامة
ماجد: اميييييييين
مها: ماجد حبيبي ابغاك تمر على امي تاخذ عيالي تويهم بيت عمي امي بروحها تعبانة وعيالي اشقياء بيتعبونها
ماجد: انشاء الله بس انتي ارتاحي شوفي وجهك كيف اصفر
مها: من وين تجي الراحة الله يعين بس
ماجد: يلا مع السلامة وانتبهي على نفسك
مها: انشاءالله ... مع السلامة
***********************
يوسف ومن يوم اللي صار وهو يفكرايش اللي خلى مي تجري في الشارع ااااه متى تقومي يامي وتريحيني من الشك اللي بيقتلني
عبدالعزيز: يوسف خير ياخوي لي ساعة وانا اكلمك وماترد
يوسف: سامحني بس مسرح شوية تدري اختي في غيبوبة والله اعلم تقوم ولا لا
عبد العزيز: خلي ايمانك بالله قوي والله يشفيها
يوسف: امين
عبد العزيز: قوم في محاضرة اليوم تعال روح معاي وغيرالجو الكئيب هذا
يوسف: ايه والله جزاك الله خير ياعبدالعزيز
**********************
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mouna

avatar

المساهمات : 56
تاريخ التسجيل : 14/04/2008
العمر : 26

مُساهمةموضوع: من بين الناس حبيتك * رواية جنان *   الأربعاء يونيو 10, 2009 10:18 pm

في السيارة
سامي: خلود عندي لكي خبر
خلود ارتبكت: اش فيه
سامي يضحك: ههههههه ايش فيكي خير انشاء الله
عهود: يلا سامي قوووووووول
سامي: طيب طيب حريم مايصبروا.. خلود جاكي عريس
خلود: انا ماابغى اتزوج
عهود: وليه انشاء الله
خلود: بس كذا
سامي: ابلعي ريقك اول شيء اعرفي مين العريس بعدين ارفضي
عهود:ميييييييييييين بسرعة
سامي: فهد صاحبي خطبك
عهود: كلللللللللللللللللللللللوش
سامي: ههههههههههههه مرجوجة
عهود: هذا تعبير مؤقت عن فرحي لاختي الحبيبة
سامي: ههههههههههههههه خلود ايش فيكي ساكتة
خلود من الفرحة ماهي عارفة تتكلم اخيرا تحقق حلمي الحمد لله الحمدلله
عهود: هههههه انت ماتعرف المثل اللي يقول السكوت علامة الرضا
سامي:انتي اسكتي خلينا نعرف رأي العروسة
خلود: والله مدري خليني افكر
عهود: شفت كيف انا افهمها وهي طايره هي قالت خلوني افكر يعني موافقة لانها اول قالت ماابغى اتزوج
سامي: ههههههههه والله انك سوسة
عهود: ههههههههه اعجبك ترى انا موجودة في الخدمة بأي وقت
خلود: اقول اقلبي وجهك
عهود: على أي صفحة
سامي يضحك على اخواته: هههههههههه والله ضحكتوني طيب دام انك تفهمينها وهي طايره قولي ليه كيف شكل نوف لمن تجيبوا سيرتي
عهود: اشوفك قمت تصتاد في الماء العكر
سامي وخلود: هههههههههههههههههههههههههههههههههههههههههه
عهود: تضحك عليه ها عناد ماني قايلة
خلود: مولازم انا اقوله
عهود: هههههههههههاي خلاص ضمنت
سامي: ضمنت ايش
خلود: ها اقول سام حبيبي سيبك منها هذي هبلة
سامي: على قولتك خلينا بسالفتك ها ايش رأيك
خلود: زي ماقلتلك خليني افكر واردلكم
سامي: يصير خير انشاء الله
عهود: سامي تبغاني احكيك عن نوف
سامي: ياليت والله
عهود: طيب خذ عندك خخخخخخخخ
وصارت عهود تتكلم عن نوف ماخلت شيء ماقالته له
*************************
في البيت
ام سامي: اليوم دقت عليه ام فهد تخطب خلود
ابو سامي: والله فهد رجال والنعم فيه
خلود مستحية
سامي: ايوه هو دق عليه قالي وانا قلت لخلود خلاص
ام سامي: ها اجل خبري قديم
ابو سامي: وايش رايك ياخلود
خلود: براحتكم
ام سامي: والله هما ناس طيبين وامه عسل
خلود: افكر واقولكم
ابو سامي: خذي راحتك يابنتي
واستأذنت خلود وراحت غرفتها وهي الفرحة ماهي سايعتها اخيرا ااااااااااه
ودقت على لينة تقولها
***********************
بعد مرور اسبوعين
كانت ام يوسف ومها عند مي
ام يوسف: مها شوفي مي اتحركت
قامت مها وراحت عند مي وفعلا لقيت مي تتحرك
مها: مي حبيبتي
مي تحاول تفتح عيونها بس ببطء
مها: امي مي فتحت عيونها
ام يوسف: ياحياتي يابنتي الحمد لله ياربي
وراحت مها تنادي يوسف اللي كان بره
ونادوا الدكتور
مها: هي توها فتحت عيونها بس ليه رجعت نامت
الدكتور: شيء عادي في البداية كذا هي انشاء الله بعد كم ساعة تقوم بس اطمنوا كل شيء تمام
ام يوسف: الله يسعدك ياولدي
وابتسم الدكتور واح عنهم
يوسف: الحمدلله على كل حال
وقامت مي بعد 4 ساعات وكان في اهلها كلهم ومي تطالع فيهم وهي خايفة منهم ودموعها بعيونها ماهي عارفة ايش تقول بس اهلها مبسوطين اهم شيء انها قامت بالسلامة
في اليوم الثاني حاولت مها تكلم مي بس هي ماهي راضية تتكلم
ام يوسف: والله مدري ايش فيها ليش ماتتكلم ودموعها مليانة بعينها
ماجد: دحين اروح للدكتور اساله
الدكتور: اختك مافيها شيء بس هي مصدومة نفسيا عشان كذا فقدت القدرة على الكلام لكن انشاء الله بعد كم يوم بتتكلم وانتوا لاتنسوا انها قامت من غيبوبة
ماجد متحسر على مي: ربي يشفيها
وراح ماجد وقال لاهله على اللي قاله الدكتور وكان في يوسف وكانت مي مسويه نفسها نايمة بس هي صاحية
ام يوسف: مدري ايش صابها
يوسف في قلبه: مدري ايش السر اللي عندك يامي انا حاس انك تقدري تتكلمي بس انتي ماتبغي
******************

نوف ابويه كيف اسوي ملكة ومي في المستشفى
ابو بندر: مي دحين بخير وقامت من الغيبوبة ولمن تطلع انشاء الله نسوي ملكة وانا قلت لسامي خليها عائلية وهو وافق
نوف: مي قامت الحمدلله
ابو بندر: ايوه قالي بندر اليوم ها ايش رأيك
نوف: خلاص بس لمن تطلع مي
ابوبندر: خلاص انشاء الله
****************
بعد مااطمنوا اهل مي انها قامت راحوا البيت وكان عندها مها ويوسف
يوسف: مي انا حاس انوا انتي صااحية وتقدري تتكلمي بس انتي ماتبغي تكلمينا وصدقيني اننا احنا مابنسوي لك شيء وانا اوعدك بس تكلمي
مي في قلبها: ايش اقولك يايوسف اقولك اني خرجت مع واحد وداني شقته لااا مستحيل
يوسف: مي ترى لو تكلمتي دحين بيكون من مصلحتك ترى ان اذا بسامحك دحين مابسامحك بعدين
مي فتحت عيونها وعلى طول نزلت دموعها المكبوتة داخل عيونها
مي: يوسف
وصارت تبكي
مها: مي حبيبتي الحمدعلى السلامة
مي: الله يسلمك
يوسف يبتسم لمي: ها اشوفك صاحية وتسمعيني كمان
مي: انا ليه كم يوم في المستشفى
مها: لكي 3 اسابيع
يوسف ياشر لمها عشان تطلع ومها فهمت الحركة وقامت
مي: وين رايحة مها
مها: 5 دقايق وراجعة
مي عارفة انه يوسف صرف مها الله يستر منك
يوسف: مي انا بكون صريح معاكي كل واحد فينا يخطي بس الغلط انه يستمر في الخطأ زي عندك انا كنت واحد بايع الدنيا باللي فيها كنت اسكر واعاشر بنات واشياء تغضب ربي بس الحمدلله ربي اهداني ورجع عقلي ليه وانا اشكر ربي انه هداني انا كنت دايما احس انو شخصيتك زي احس اننا نتشابه في كل شيء وانا لمن دريت انه صار لكي حادث حسيت نك مسويه غلط لن اجلت بحثي لين ماتقومي وتقوليلي انتي كل شيء ودحين ابغاكي تتكلمي واوعدك اني اكون متسامح معاكي لابعد درجة
مي: انا ماني عارفة ايش اقولك يايوسف
يوسف يبتسم: قولي كل شيء وانا اوعدك انه حيفضل سر بيننا
وحكت مي يوسف كل شيء عن ياسر وتعرفه بيها
يوسف: اها ياسرعلي
مي: انت تعرفه
يوسف: شفته كم مرة في الشقة اللي كنت اروحلها هو صديق عبير
مي: مين عبير
يوسف: وحدة كانت صديقتي
مي: يوسف انا ادري اني غلطانة بس عمري ماتصورت انه غروري وحقدي يوديني في داهية هذه كله ابتلاء من ربي في اللي سويته بنوف وصحبتها سارة
يوسف يفكر بنوف: تصدقي مها تقول انها اكثر وحدة تبكي عليكي
مي: ياحبيبتي يانوف والله غلطت عليها كثير بس انا طلبت انها تسامحني في ملكة بدر وهي حضنتني والله انها عسل
يوسف: نوف هذي جوهره
مي: يوسف انت لسه تبغاها
يوسف: انا ماانكر اني ودي اتزوجها بس انا اللي ضيعتها من يدي بأعمالي بس يالله دحين مابيدي الا اني ادعيلها الله يوفقها
مي: امين
يوسف: وانتي لاتشيلي هم ياسر هذا انا انشاء الله اجيب لك حقك منه
مي: تسلم يااخويه الله لايحرمني منك
بس ابويه وامي واخواني ايش نقولهم
يوسف: اصلا ابويه واخواني قلنالهم من زمان انك طلبتي من السواق يمشيكي ونزلتي من السيارة بس امي ومها هما اللي كانوا شاكين زي
مي: بس انا ماابغى مها وامي يعرفوا كفاية انت ومكسوفة منك
يوسف: لاتخافي انا بمشيها لكي
ويدق الباب وتدخل مها
يوسف: نادية جايه تزور مي
يوسف: طيب خليها تدخل وانتي يامي اطمني ولاتشيلي هم
مي ابتسمت لاخوها وحضنته
وقام يوسف بيطلع
مي: مين نادية
مها: هذي اخوها اللي صدمكي وهي تبرعت لكي بدمها ومشاء الله عليهم ناس طيبين كذا مرة يجوا المستشفى يطمنوا عليكي
مي: جزاهم الله خير
يوسف: يلا انا خارج ومها دخلي البنت لاتخلونها تنتظر بره
وخرج يوسف ولقي احمد بره ودخلت نادية مع مها
نادية: السلام عليكم
مي: وعليكم السلام
نادية: الحمدلله على السلامة
مي: الله يسلمك ومشكوووورين على اللي عملتوه
نادية: احنا ماعملنا غير الواجب
مي: تسلمي
وشوية ويدخلوا ام بندر ونوف ونور
وبعد السلام والسؤال عن حالة مي
نوف: خوفتينا عليكي ياوحشة
مي تضحك: ههههههههه الله يخليكم ليه وسامحوني على اللي عملته
نوف: ايش هذا الكلام احنا بنات عم ونمزح مع بعض ويلا شدي حيلك واخرجي بالسلامة عشان بسوي ملكتي وترى شرطت اني مااسويها الا لمن تخرجي
مي: ياحبيبتي يانوف مبروك مقدما
نوف: الله يبارك فيكي وعقبالك
مي: مااظن
نوف: وانت ايش ناقصك ماشاء الله حلا حلا بس انتي قولي انشاء الله
مي: انشاء الله
*******************
خلود بلغت اهلها موافقتها بعد ماجاء فهد وشافها ةاتخبل عليها واليوم جو اهل فهد يخطبونها رسمي وفعلا تمت الخطبة واتفقوا على كل شيء
******************************

ومرت الايام وخرجت مي من المستشفى وصحتها تحسنت بس يدها مجبسة والجرح اللي في جبهتها ماخف وانشاء الله مع الايام جرحها بيبرى
ا ليوم ملكة نوف في بيت اهلها والكل متجمعين والبنات يرقصوا والجو كان روعة
سارة: ها كيف العروسة
نوف: اسكتي ياسارة خايفة مرررة
سارة: ههههههههههههه جالك اليوم تذكرين لمن تضحكي عليه
نوف: هههههههه والله الزواج مو هين له رهبة
سارة: ايه والله
وومرت الملكة على احسن مايمكن وتزفت نوف ودخل عليها سامي ولبسوا الدبل وكانت نوف مستحية من سامي وبنفس الوقت تحمد ربها على زوجها سامي
وبعدين راحوا العرسان في الغرفة
سامي: مبروك
نوف: الله يبارك فيك
سامي: نوف
نوف: ها
سامي: طيب طالعي فيه
نوف رفعت عيونها وجات بعيون سامي
سامي: انتي حلوووووووووة مرة
نوف: هههههه عيونك الحلوة
سامي: الله الله
نوف: وانت كمان حلو
نوف استغربت من نفسها كيف قالت كذا
سامي: الله يحلي ايامك
وسكتوا دقيقة بعدين سامي تكلم
سامي: دايما يانوف افكر واقول سبحان الله كيف تعرفنا على بعض
نوف: حتى انا والله
سامي: هههههههههه كل مااذكر شكلي يوم صدمتك حتى اخواتي دايما يذكرونها
نوف: ليه
سامي وهو يضحك: يعني كان اول مرة يصير معايا كذا والصراحة وقتها عجبتيني
نوف: عادي تصير في احسن العائلات ههههههههههههه
سامي: ههههههههههههههههه
وبعدين جلس ربع ساعة بعدين راح
.................................
وخرجت نوف بعد ماراح سامي وراحت لقيت الناس راحت وشافت بدر وسارة جالسين في الصالة
سارة: ها ايش الاخبار
نوف: تمام
بدر: سامي راح
نوف: ايوه راح انت ماشفته
بدر يطالع في سارة: والله وانا قاعد مع حبيبتي سارة انسى الكل
سارة استحت من كلام بدر
نوف: الله الله على الرومنسية
بدر: انا كريم وسارة تستاهل
سارة: تسلم
نوف: هههههههههههههه يلا عن اذنكم اسيبكم تكملوا جو الرومنسية
بدر: اذنك معاكي هههههههه
نوف: عاااااااارفة ماني مسطلة زي بعض الناس
وراحت نوف عنهم وتركتهم يكملون جو الرومنسية على قولتها
سارة: بدر في شيء بقولك عليه
بدر: امممممممممم ايش هو
وحكت سارة بدر على اللي سمعته عن جوليا
بدر : والله ياسارة واللي جعلني اموت لو كذبت
سارة: بدر لاتقول كذا مرة ثانية والله ازعل
بدر: ههههههه طيب خليني اكمل لكي جوليا انا اعتبرها زي اختي وانا فهمتها على كل شيء وقلتلها عنك وهي تفهمت وصدقيني مابينها وبيني أي شيء غير انها كانت زميلة ليه في الغربة
سارة باست بدر من خده: والله مصدقتك وانا بيني وبين نفسي عاهدتها اني بنسيك جوليا وطوايفها كمان
بدرمتأثر من بوسة سارة: اممممممممممم انتي اللي في القلب وحبك يجري بدمي
*******************
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mouna

avatar

المساهمات : 56
تاريخ التسجيل : 14/04/2008
العمر : 26

مُساهمةموضوع: من بين الناس حبيتك * رواية جنان *   الأربعاء يونيو 10, 2009 10:16 pm

--------------------------------------------------------------------------------

يوسف: مي تعالي ابغاكي بغرفتي
مي: خير
يوسف: انشاء الله خير بس تعالي
وراحوا مي ويوسف غرفة مي
يوسف: انا سالت عن ياسر
مي ارتجفت من سمعت طاري ياسر: ايوه
يوسف: انا لقيت واحد صديقه اسمه عمر
مي: ايوه وايش قال
يوسف: المهم سالته عنه قال ياسر مات
مي انصدمت: ايييييييش
يوسف: ايوه مات بنفس اليوم اللي صار فيه لكي الحادث
مي: كيف مات
يوسف: صار لها حادث وكانت معاه عبير
مي: ومين عبير
يوسف: عبير اللي قلت لكي عليها
مي: ايوه
يوسف: اسمعي ياسر وعبير اصحاب من زمان بس هذي عبير هي تعرفك وحاقدة عليكي
مي: اسمها عبير ايش
يوسف: عبير ال........
مي: عبير ماغيرها
يوسف: اذكرتيها
مي: ايوه هذي اعرفها كانت صديقتنا انا ووحدة من صحباتي بس في يوم غلطت عليه وهزاتها قدام البنات وبس بعدين ماصارت تجي معانا
يوسف: ايوه هو هذا عبير هذي حقدت عليكي وهي اللي ارسلت لكي ياسر على الايميل وهي كمان تعرفت عليه تبغى تدمرنا انا وانتي
مي: النذلة الحقودة انا لازم اوريها على اللي سوته فيني
يوسف: الله عاقبها هي وياسر ماتوا الاثنين في حادث بشع
مي: استغفر الله العظيم اللهم اغفرلنا ذنوبنا وارحمنا
يوسف: امين وانتي دحين انسيهم وانتبهي لدراستك مابقي شيء على الاختبارات لحقي على نفسك
مي تبتسم: انشاء الله والله يخليك ليه ولايحرمني منك
وقامت مي وباست راس اخوها
يوسف: هههههههههه عفية على الشاطرة
مي: هههههههههههههههههههه
يوسف: مي ايش رايك بنادية
مي: نادية نادية
يوسف ابتسم: ايوه اللي انقذوكي
مي: والله انهم ناس طيبين حتى في البيت جونا بس انت ليه تسأل
يوسف: افكر اخطبها
مي: بس هي مخطوبة
يوسف بحسرة: والله يلا مافي نصيب
مي: ههههههههههههههه امزح ايش فيك انت
يوسف: مي تكلمي عدل
مي: والله نادية مافي منها اثنين وتستاهلك
يوسف: خلاص بقول لامي تخطبها ليه
مي: الله يوفقك
************************
نوف تكلم سامي
سامي: نوف
نوف: عيونها
سامي: تسلملي عينك بس كنت بقولك اني احبك
نوف: ههه وانا كمان
سامي: انتي ايه
نوف: هههههههه احبببببببببك
سامي: احبببببك
نوف: انت حياتي
سامي: الله الله تصدقي نوف لمن اول صدمنا ببعض حصلي بعد يومين موقف ثاني
نوف : ليكون صدمت ببنت
سامي: ايوه
نوف: هههههههههههههه وايش صار
سامي: كنت جالس مع اصحابي وكنت بقوم ومعايا بيبسي وانا قايم كان وراي بنات وصدمت في وحدة فيهم وانكب عليها البيبسي
نوف في قلبها هذي انا معقولة ماعرفني
نوف: وماعرفتها
سامي: لا والله بس من جد انحرجت منها مسكينة خليت عبايتها كلها بيبسي
نوف: هههههههههه والله مسكينة وطول ماهي في السيارة وهي متضايقة من البيبسي وودها تعطيك بكس
سامي: هههههههههههههه والله ماالومها وانتي ايش عندك تتكلمين وكانها انتي
نوف: هههههههههه مو انا اعرفها
سامي: لا ياشيخة
نوف: هذي اناااااا
سامي: من جدك
نوف: ايه والله بس توقعتك عرفتني
سامي: لا والله بس انا جاني احساس بس قلت اكيد اني متأثر من المرة الاولى
نوف: ههههههههههه بس والله صارخت عليك لاني ماعرفتك بس لمن انتبهت لك تذكرتك وانحرجت مرررة
سامي: هههههههه كنت تصارخي بس بعدين اعتذرتي بس تعالي هنا انا شكلي مارحت عن بالك
نوف: يعني
سامي: كيف يعني
نوف: الصراحة انت شغلت تفكيري من اول يوم شفتك
سامي: والله نفس الاحساس نوف احبك احبك احبك
نوف: وانا اموت فيك
****************************

عدت الايام وجات الاختبارات والكل اجتهد واخذ العلامة على قد احتهاده
نوف وسارة خلصوا الجامعة ونجحوا بتقدير جيد جدا.. سمر خلصت اولى ثانوي ولسه المشوار قدامها .. ونور خلصت ثاني ثانوي وخطبها ماجد حبيب القلب وطبعا فرحوا الاخوان بهذي الخطبة وخصوصا انه نوف ويوسف ماصاروا لبعض.. ويوسف خطب نادية ووافقت وزواجهم بعد سنة لانه نادية طلبت انها تتزوج بعد ماتخلص الجامعة.. وخلود خلصت الكلية ونجحت وصارت ملكتها على فهد وكانت عائلية.. واخوها عبد الرحمن اتخرج من الثانوي بتقدير ممتاز ونسبة 99 مسكين طول السنة وهو يفحط لازم بتكون نسبته كذا ...
واليوم زواج نوف وسارة بعد مااتفقوا بدر وسامي انه يصير بيوم واحد
والكل فرحان نوف وسارة بيوم واحد ماشاء الله
في الغرفة كان نوف وسارة جالسين وكل وحدها لابسة ومتجهزة نتظر العريس
نوف: احلى مافي الموضوع انه انا وانتي زواجنا بيوم واحد
سارة: أي والله الحمدلله بنودع العزوبية مع بعض زي ماودعنا الدراسة
نوف: هههههههههههههه والله تنكتي
سارة: ههههههههههههه الطف الجو
نوف: ها خايفة
سارة: بموت من الخوف وانتي
نوف: يويو خليها على ربك احس عظامي كلها ترتجف
ودخلوا عليهم سمر ونور: الف الصلاة واللام عليك ياحبيب الله محمد كللللللللللللللللللللللللللللللللللللللللللللللللل لللللللللللللللللللللللوش هههههههههههه
ونوف وسارة ضحكوا عليهم
نوف: عقبالكم
سمر + نور : اميييييييييييين
سارة: مستزوجات ههههههههههه
نوف: الله يعين ماجد وونايف عليكم والله بتشيبونهم
نور: والله ماجد يحبني ويقولي تدللي على قلبي بس بالراحة
نوف وسارة وسمر :هههههههههههههههههههههههههههههههههههههه
ههههههههههههههههههههه
سمر: حلوة بالراحة هذي
نوف: مااظن انها ناعمة هذي دفشة
نور: ماالدفش غيرك الناس بيوم زواجهم يكونوا طيبين حبوبين وهذي هي في جهة والعرايس في جهة
نوف: نشوفك بيوم زواجك ايش بتسوين
نور: الله متى يجي بس
سمر: لا نوف قولي لابوكي يعجل بالزواج ترى البنت واصله حدها
وضحكوا البنات وشوية نوف راحت لغرفة لوحدها عشان سامي بيشوفها
وسارة في نفس الغرفة ودخل عليها بدر وامه وخواتهاوام سارة وخالاتها ونور وسمر وراه يزغردوا بدر اول ماشاف سارة انهبل وقف مكانه الله الله ايش هالجمال بدوخ انا كانت سارة من جد جنان بفستانها الابيض الناعم كانها حورية اوملاك نازل من السما ودقته امه
ام بندر: بدر ادخل
بدر: ها طيب
وراح لعند سارة وسلم عليها
وبعد مااصورت العائلة معاهم تركوهم لوحدهم
وننتقل للجهة الثانية عند نوف كانت نوف واقفة تنتظر دخول سامي وفعلا شوية وتسمع الزغاريد ويدخلوا الحريم ومعاهم سامي اللي كان شكله جنان وسامي مو احسن من بدر وقف متجنن من جمال نوف وفعلا نوف تغيرت كثير والكل لاحظ هذا الشيء العرس اثر عليها وحلاها كثير وبرضوا العائلة تصورت معاهم <<<<<<< من قدهم تصوروا مع عروستين هههههه
*****************
وجاه وقت الزفة اول شيء تزفوا بدر وسارة
البلكونة كانت كبيرة ولها بابين
الباب الاول خرجت منه سارة وماسكها ابوها من يدها وشغلوا اغنية وديع الصافي ونجوى كرم اللي تتكلم عن الاب وبنته وبعدين طلع بدر من الباب الثاني والبنات يصارخوا وبدر راح لجهة سارة وابوها اللي سلم بدر سارة يد بيد وباس بدر جبهة سارة وبعدين راح ابوها ووقفوا بدر وسارة قدام الناس ورقصوا سلو وبعدين رموا على الحريم ورد كان مجهز بسلة وبعدين اتزفوا على اغنية محمد عبده والكل كان متهبل على جمالهم
وجلسوا شوية وخرجوا استعدادا للزفة الثانية
............
رجعت الانوار انطفت استعدادا لزفة نوف
طبعا اول شيء خرج سامي من الباب وهو مبتسم ومشغلين اغنية هشام عباس فينه حبيبي فينه وسامي مسوي نفسه يدور على نوف ويعنني بينط من البلكون يدور عليها<<< الاخ ممثل هههههههههههه
وبعدين خرجت نوف من الباب الثاني على اغنية خليني اعيش لاليسا
وتلاقوا سامي ونوف وباس سامي نوف على خدودها ومسكوا ايدين بعض وبدلوا مكان الدبل من اليمين لليسار وبعدين رموا ورود على الحريم والبنات صريخ وتصفيق والكل يضحك على سامي
سامي: الله يرجها خلود خلتني ممثل ههههههههه
نوف: هههههههههههههههههه
***********
وانتهى الزواج والكل راح بيته وهو مبسوط كان الفرح مرة حلو وكل شيء مرتب وكل الحريم شهدوا على جمال سارة ونوف وانه كل وحدة فيهم فيها شيء حلو عن الثانية الله يسعدهم ويوفقهم
****************************

سامي: منور البيت
نوف: منور بصاحبه
سامي: نوف في بداية حياتنا اوعدك انشاء الله يانوف اني اخليكي اسعد مخلوقة على وجه الارض واني اشاركي الحلوة والمرة وانشاء الله ربي يسعدنا ويوفقنا ويرزقنا بالذرية الصالحة
نوف: انشاء الله انا ربي يوفقني واني اقدر اسعدك ومااكدرك بيوم والله لايحرمني منك
سامي: احبك يااحلى واغلى نوف وتفضلي دحين بيتك وسمي بالله
نوف: ههههه بسم الله
ودخلوا نوف وسامي بيتهم وربي معاهم ويحرسهم
..........................................
في الجهة الثانية نروح لاحلى عرسان
بدر وسارة
بدر: سارة حبيبتي اخيرا صرنا بيتنا ولوحدنا مافي شيء يبعدني عنك ياقلبي ياسارة معاكي نسيت الالام ومعاكي بنيت الاحلام وانشاء الله اقدر اسعدك وااخليكي اسعد انسانة
سارة تحضن بدر: انت اللي حياتي وعمري وكل دنيتي وانشاء الله مايفرق بيننا شيء وصارت سارة تغني لبدر
من بين الناس حبيتك من بين الناس
وبكل احساس اغليتك وبكل احساس
حبك جرى بدمي نساني كل همــي
خلى حياتي غير من بين كل الناس
صرت بحياتي الروح واللهفة والأشواق
الصمت لك والبوح ولشوفتك اشتاق
عمري فدى عيونك يساحر بلونك
وياك مهما يصير من بين كل الناس
******************
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mouna

avatar

المساهمات : 56
تاريخ التسجيل : 14/04/2008
العمر : 26

مُساهمةموضوع: من بين الناس حبيتك * رواية جنان *   الأربعاء يونيو 10, 2009 10:14 pm

بعد مرور سنة
بدر وسارة ربي رزقهم بولد يجنن يشبه ابوه وامه وسموه عبد الله وعمره 3 شهور وسارة تعبت في ولادته وولدت على سبعة...
ونوف حامل بالشهر السابع وخايفة انها تولد زي سارة على سبعة وسامي مداري عليها ومخليها مرتاحة....و خلود تزوجت فهد وهي مبسوطة معاه.. ويوسف تزوج ودحين في شهر العسل ...ومي تشافت جسديا ونفسيا وخطبها عبد العزيز صاحب يوسف.... نور تتحضر لزواجها من ماجد اللي باقي عنه شهر واللي بنفس اليوم بتصير فيه ملكة نايف وسمر
*****************
نوف وسامي قاعدين يحتفلوا بيوم زواجهم اللي عدى عليه سنة بس نوف كانت تعبانة شوية بسبب حملها بس ماتبين لسامي كفاية فرحته وحبه لها
ومن جهة ثانية
بدر دخل بيته واول مافتح الباب طاحت عليه ورود وكان جو البيت حلو
سارة: كل سنة وانت حبيبي وزوجي وابو عيالي
بدر يحضن سارة : وانتي حبيبتي
طبعا بدر وسارة يحتفلوا بيوم زواجهم اللي عدى عليه سنة كمان
بدر: وين عبودي
سارة: وديته عند امي عشان نأخذ راحتنا
بدر: هههههههه ياحليله
ومسك بدر يد سارة وراحوا يحتفلوا مع بعض ويبدأو حياة جديدة كلها حب وسعادة

... أبطال قصتي ...
* بدر وسارة / جمعهما الحب من الصغر كبروا عليه وتربوا على خطواته بنوا الآمال والأحلام الوردية ودمجوها بالواقع وفي النهاية تتوجت هذه الأحلام والآمال بالنهاية السعيدة ، فأهلا بكم بدنيا الحب0
* سامي ونوف/ جمعهما الحب صدفة ومع تتالي الأيام نمى هذا الحب وعبر عن مشاعره فأستقبل خير استقبال ووجدت النهاية لهم بما يرضاه قلبيهما0
* فهد وخلود / كان حب من طرف واحد ولكن ببعض الجرأة والحيلة أصبح من طرفين وهذا الحب تكلل بالنجاح بعد صراع بين القلب والعقل رضخ العقل على مافيه سعادة للقلب ومهد الطريق للحب0
* ياسر ومي/ حب كان أساسه اللعب بالعواطف ولكنه مع الأيام نمى ولكنه بما أنه بني عن خطأ فهو لم يأخذ راحته في التأقلم وتحطم0

********************
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
من بين الناس حبيتك * رواية جنان *
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
musana :: فئة الادب و الشعر :: منتدى الابداعات القصصية و الروائية-
انتقل الى: