من بين الناس حبيتك * رواية جنان *

&&& الجزء السابع &&&
رجعت نوف عند سارة
سارة: ها نوف وديتيها
نوف: ايوه حطيتها على السرير حتى تكون أول هدية يشوفها
سارة وهي تبوس نوف ومرررررة فرحانة: يا حبيبتي اممممممممممواه
نوف: هههههههههههههههههههههههههههههههههههههههههههههههههه هه يابنت اثقلي انا أخته
سارة استحت ونزلت رأسها : طيب
نوف: ههههههههههههههههههههههههههههههههههههه امزح ياهبلة
مها: نوف وسارة ليه ماترقصوا
نوف: انا رقصت بس عشان سارة ماتحب ترقص انا بجلس معاها
مها: سارة قومي ارقصي
سارة: لا مها استحي
مها: قومي يابنت وري الناس جمالك ترى كذا وحدة سألتني عنك
نوف: يلا سارة قومي وهمست لسارة ترى والله لو ماقمتي ترقصي بروح الغرفة وأشيل الهدية
سارة: يويويويو خلاص بقوم


نروح لمي
دخلت مي الغرفة وسكت الباب وراحت عند الهدية وفتحتها بشويش وشافت الكرت وفتحته وقرته
مي: زي ما توقعت من سارة..... طيب يا نوف والله لقهرك تبغين بدر يحب صحبتك المقرودة بس خير إنشاء الله
وتقوم مي تجيب قلم وتأخذ الكرت وتشخط على اسم سارة وتحط اسمها لا وبالكامل عشان بدر يعرفها
مي: نشوف ياسارة أنا ولا انتي اللي بتفوز ببدر هههههههههههههههه
وبعدين رجعت كل شيء مكانه وخرجت من الغرفة على طول ........

قاموا سارة ونوف يرقصوا مع البنات وكان شكلهم جنان والحريم يتهامسون على جمالهم واغلبهم يتسألون عن البنت اللي ترقص مع نوف..
وأم سارة تقرأ المعوذات في قلبها خايفة على بنتها
أم محمد: الا اقول أم بندر مين هذي اللي مع نوف؟؟؟؟؟
أم بندر: هذي سارة بنت جيراننا
ام خالد: ماشاء الله حلوة الله يحفظها
ام بندر: امين

نور: سمر ايش رأيك نروح نجلس على النت
سمر: يلا خلينا نغير جو
وراحوا نور وسمر غرفة نور
وهم طالعين كانت مي بنفس الوقت نازلة من الدرج
نور في قلبها: هذي من فين جاية
بعدين هزت كتوفها وكملت طريقها
.........................................
الساعة 2 في الليل راحوا الضيوف ومابقي الا اهل سارة ومي ومها وامهم
وكانوا سارة ونوف يتكلمون بشويش مع بعض ومي تطل فيهم ومقهورة منهم
سارة: نوف ماقلتي ليه الهرجة اللي كنتي بتقوليها ليه؟؟؟؟
نوف: ايوه صح نسيت
وحكت نوف سارة اللي صار لها في السوق
سارة: هههههههههههههه الله يرجك يا نوف من جد انتي تحصلك أشياء صراحة غريبة
نوف: شفتي كيف المنحوس منحوس
وتقاطعهم مي بصوت عالي شوي : أقول خالتي منتي مزوجة بدر
أم بندر: ياليت هو يرضى بس
أم يوسف: ماشاء الله عليه بدر أي بنت تتمناه
نوف في قلبها: بعيد عنك انت وبنتك
وهنا دق جوال مي
مي بدلع وتبغي تقهر نوف: الوووو هلا يوسف حبيبي
نوف في قلبها : حبتك القرادة من زينك انت وهو
مي : أوكي حبيبي
مي: يلا أمي يوسف بره
وراحوا بيت أم يوسف وما بقي إلا أهل سارة قعدوا كمان ساعة بعدين راحوا بيتهم
000000000000000000000
في ذيك الليلة أرواح لم تستطيع النوم في قلوبها وله واشتياق ...... تمني.......... حب ولوعة.......... حقد وكره وانتقام.......... تفكير في المستقبل.......

*** في بيت سارة
كانت سارة على سريرها وتفكر في بدر يا ترى شاف الهدية ولا لسه ؟؟ طيب لو شافها ايش قال؟؟ ياربي بموت واعرف أدق على نوف لا كل شوية ادقق عليها لو هي تعرف اكيد بتتصل عليا
سارة: ياربي خلاص والله تعبت وصارت لا شعوريا تبكي لين ما نامت ودموعها على وجهها

*** نروح لسامي
سامي: ياربي عليها وعلى جمالها(يقصد نوف) مدري ليه ارتحت لها أحس إنها جزء مني معقولة حبيتها؟؟ لا أكيد إعجاب مو حب ماظن اني بحب بعد نهى0000 الحب اللي اعطيته نهى كان كل حب في قلبي ومااظن انو لسه قلبي حيحب بس ليه تعلقت فيها لمن شوفتها بس خسارة اني مااعرفها يعني هذيك المرة اول واخرمرة أشوفها وين بلاقيها
سامي: خلاص تعبت خليني انام احسن لو بفكر لبكرة ماراح اعرفلها طريق ولا بعمري بلقاها
وسامي بصوت عالي شوي: إلا بالأحلام

*** نروح لمي
مي : طيب يانوف عاملة واسطة بين بدر وسارة بس هههه حرقتها عليكي
والله مااكون مي اذا ماخليتك تندمي بس خلي يوسف يتزوجك إن ماخليتك تذوقي العذاب يوسف يحبني ويسمع كلامي إن ماقهرتك بعدين تذكرت اللي سوته
مي: نفسي اشوف شكلها لمن تشوف اسمي على الهدية بدل سارة هههههههههههههههههههههههههههههههههههههههههههههههههه

*** عند نوف
نوف: اااااه ياربي ساعدني وبعد يوسف عن طريقي حرام عليك ياابويه اللي تسويه فيه يعني انا مو من حقي اختار شريك حياتي زي غيري من البنات يا ربي أفرجها عني ويسر لي الخير مالي غير الله ادعيه ولا مين بيحس فيني الكل لاهي بحياته

*** نروح لبدر
دخل بدر غرفته واستحمى ولبس بيجامة النوم وهو ينشف شعره لفتت نظره هدية سارة طبعا من بين الهدايا
راح بدر جلس على السرير وفتحها وشاف اللي فيها وأخذ الكرت وقراه
بدروهو متعجب: مي بنت عمي وشال العطر وشمه: ما شاء الله ذوقها حلو
(بس فجأة وهو يقلب في العطر طاح منه وانكسر وبعدين شاله ورماه وراح فتح الهدايا الباقية وأغلبها عجبته...................

اليوم الثاني
في بيت ابو بندر
العيلة متجمعة ويتكلمون في اللي صار بالحفلة وعن بدر
أم بندر: ها حبيبي بدر دحين خلصت دراسة وبتتوظف ومابقي الا نزوجك خلاص نبغى نشوف عيالك
بدر: من عيوني بسوالله انا دحين ماافكر في الزواج خليني اشتغل واستقر بعدين اتزوج
أبو بندر: لين متى بتم كذا اللي في عمرك متجوزين وعندهم عيال
بدر: ابويه الله يخليكم لي وتشوفون عيالي بس تكفون لا تضغطون عليا عندكم نايف زوجوه
نايف: ايوه والله انا فاضي وماعندي ارتباطات زوجوني
نوف:بسم الله ماصدق اخونا
نايف: وانتي أيشلك ولا عشان بتتزوجي بتكبرين راسك علينا
بدر: خلاص نوف وافقتي
نوف وهي تصارخ: لا انا ماوافقت
أبو بندر: نوف ايش فيكي تصارخين كم مرة أقولك لاترفعين صوتك بعدين مسألة زواجك انتهت وبع اسبوع يوسف بيجي يشوفك
نوف ما قدرت تتحمل كلام ابوها وشالت نفسها وراحت غرفتها وهي تبكي
بدر: ايش فيها قامت
نور: زعلانة ماتبغى تتزوج يوسف
أبو بندر: نور قومي لابارك الله فيكم الحقي أختك
قامت نور وهي محتشرة وراحت تلعب مع نواف بلاي ستيشن
بدر: أبويه لاتغصونها عليه اذا ماتبغاه
أبو بندر:بدر تكفا خلاص الموضوع انتهى
بدر: بس ياأبويه 000000 ويدق جوال بدر
بدر: عن إذنكم ويروح بسرعة
أم بندر: ايش فيه هذا كمان قام بسرعة
أبو بندر وهو معصب من عياله: بكيفه

بدر: مرحبا جوليا
جوليا : آهلين بدر
بدر: كيف حالك
جوليا: انا منيحة انت كيفك
بدر: بخير
( جوليا وبدر تعرفوا على بعض في أمريكا جوليا لبنانية عمرها 24 سنة وهي تشتغل في الفندق اللي نزل فيه بدر اول ماجاء امريكا ومن يوم شافها بدر تعلق فيها مانقول حب لكنه ارتاحلها وهي كمان طيبة وكانوا هي وبدر دايما يتقابلون في اوقات فراغهم وعلاقتهم كانت تزداد يوم عن يوم حتى لمن قالها بدر انه بيسافر ويرجع للسعودية صارت تبكي وحزن بدر على حالها بس مابيده حيلة حتى هويبغى يرجع لبلده وحشوه أهله
جوليا: وكيفك هلا في بلدك
بدر: والله ياجوليا انا مبسوط مو ناقصني الا شوفتك
جوليا: تؤبرني والله وأنا أكتر
بدرك وكيف الشلة
جوليا: منيحين بيسلموا عليك
بدر: الله يسلمهم لاتنسي تبوسيلي هما
جوليا: يوصل حبيبي
بدر: جوليا حبيبتي كيف......................
ونوف كانت تبغى تدخل لبدر وبالصدفة سمعت كلامه
نوف: حبيبتي جوليا من هي معقولة بدر يحب يييي لو تدري سارة بتروح فيها لالالا مستحيل اقولها عساني مااغلط قدامها وبعدين ليش انا افكر كذا يمكن تكون وحدة عادية وانتبهت نوف لنفسها ورجعت غرفتها
نرجع لبدر بعد ماسكر من جوليا تذكر نوف
بدر: نوف نوف افتحي الباب
فتحت نوف الباب: هلا بدر (بدون نفس منقهره من سالفته مع جوليا)
بدر: هييييييه ايش فيكي كذا اشويه وتضربيني
نوف: بدر الله يخليك ماني ناقصة
بدر: تعالي معايا
ودخل بدر غرفة نوف وهو ماسك يدها وقعدها جنبه
بدر: خلاص حبيبتي نوف دحين ابويه معصب خليه شوية وان بفهمه مايجوز يغصبك
نوف: الله يخليك بدر ساعدني انا مااحب يوسف اكرهه كيف ياربي اتزوجه
بدر: اوكي حبيبتي بي اصبري ومايصير الا اللي تبغيه
نوف وهي تحضن بدر: الله يخليك ليه صادقة سارة لمن قالتلي انو انت اللي بتساعدني
بدر: سارة ايش قالت
نوف: هااا لا ماقالت شيء وتذكرت الهدية
نوف: بدر كيف الهدايا حلوة؟؟
بدر: حلوة
نوف وهي تغمز: ايش اكثر وحدة عجبتك؟؟
بدر: الصراحة عجبتني هدية أمي
نوف بحسرة: والله طيب خلاص
بدر: خلاص ايه
نوف: لا ولا شيء
وهنا دق جوال نوف
نوف: الوو
مي: مرحبا نوف
نوف: هلا مي
بدر انتبه لنوف لمن قالت مي وركز انتباهه عليها
مي: نوف أبغى أكلم بدر أمس ما شفته بسلم عليه أعطيني رقم جواله
نوف في قلبها وجععع ما تستحي
نوف: خذي كلميه بدر عندي
مي بفرح: والله هاتيه
نوف: اوكي بدر خذ كلم مي
بدر بإستغراب أنا ايش تبغى
نوف: تبغى تسلم
بدر:اللوووووووو
مي بدلع: اهلين بدر الحمدلله على السلامة
بدر:الله يسلمك كيف حالك
مي: بخير دامك بخير
بدر: مشكورة على الهدية
نوف انفجعت: هدية مي جابت لبدر هديه وجععععع زي ماتوقعت انو وراها شيء بس والله ماراح اخليها تتهنى وتشوف
مي: بدر لاتشكرني انا ماسويت شيء
بدر: ماقصرتي نردها لكي انشاء الله
مي: هديتك بتكون أحلى هدية
وهنا نوف أشرت لبدر عشان يقفل
بدر: طيب مي مشكورة على الاتصال وسلمي على أهلك
مي: أوكي بدر باااااااااااااااااي سييو
بدر: باااااااااااااي
وتأخذ نوف الجوال وتقفله مرررة
بدر: نوف عيب عليكي تقفلي في وجهها كان كلمتيها بعدين قفلتي
نوف: ماني ناقصتها كفاية أخوها
بدر: ههههههههه نوف شكلك من كرهك ليوسف كرهتي أهله
نوف: بدر خلاص بعدين تعال ليه ماقلتلي انو مي جابتلك هدية
بدر: عادي ماجاء في بالي
نوف: وجععععع في شكلها بدرعلى شان خاطري أرمي هديتها
بدر:لاتخافي العطر اللي جابته طاح مني وانكسر ورميته اصلا لكن باقي الهدية ماني راميه
نوف: الله يخليك ارميها
بدر: نوف اشفيكي ارمي هدية انهدت ليه صاحية انتي
نوف: خلاص خليها عندك كل ماتبغى تنام اتفرج عليها وأحضنها عشان ماتزعل علينا الست مي
بدر وهو يضحك على نوف : هههههههههههه أقول شكلك اتجننتي اروح بس لاتقومي تاكليني روحي شوفي وجهك في المراية شوية ويتفجر يلا بااااااااااااااااااي
وقام بدر وهو يجري من الغرفة ونوف على طول مسكت المخدة ورمتها على بدر بس مالحقته لان بدر بسرعة خرج وسكر الباب وراه

ونروح لمي اللي انقهرت من نوف لانها سكرت في وجهها
مي دحين يانوف منتي طايقتني طيب اوريكي ان مابكيتك دم مااكون مي

سارة كانت تدق على جوال نوف وكان مقفل لان نوف قفلته تخاف ان مي تدق عليها مرة ثانية
سارة: ياربي ايش فيها مقفلة جوالها خليني ادق على تلفون بيتهم
بدر خرج من غرفة نوف ونزل الصالة وكان بيخرج الا ويدق التلفون
سارة: الووووو
بدر: الووووووو
سارة: نايف كيف حالك (تحسب بدر نايف )
بدر وفي قلبه والله حركات يانايف وحدة وجراءة كمان تدق على تيلفون البيت
سارة: الووو
بدر: انا مو نايف انا اخوه بدر
سارة ارتبكت ياربي بدرررررر
بدر: الو الوووووووو
سارة انتبهت: هاالووو ايوة بدر كيف حالك
بدر: الحمدلله بخير انتي تعرفيني (بدر في قلبه وكمااااان قايلها عني)
سارة: ايوة ماعرفتني انا سارة
بدر: هلا سارة انت صحبة نايف
سارة: ايش
بدر: موانت قلتي سارة وتبغي نايف
سارة: لاماابغى نايف
بدر: اجل ليه متصلة
سارة وهي خلاص بتبكي: بدر انت ماعرفتني انا سارة
بدر: لاحول خلاص عرفت انك سارة بس انتي تبغي مين
سارة يوم سمعت كلام بدر تحطمت وماقدرت وعلى طول قفلت السماعة وراحت غرفتها وهي تبكي
بدر: الووو صحيح ماتستحي قفلت الخط بوجهي
نوف : بدر ايش فيك بسم الله عليك تكلم نفسك
بدر: لا وحدة اتصلت وتقول انت نايف قولتلها لا بدر قالت ماعرفتني انا سارة ولمن قولتلها تبغي مين قفلت بوجهي
نوف: اييه ايش تقول سارة اكيد انها سارة مانعرف احد غيرها اسم سارة
بدر: ايوه من سارة
نوف: سارة بنت جيراننا نسيتها
بدر: آآآآآآه سارة الحلوة والله نسيتها عقلي يحفظ ايش ولا ايش
نوف في قلبها حرام عليك يابدر حرااااااااام عليك سارة تحبك وانت تسوي بها كذا ياربي اكيد حالتها حالة دحين ولا ماتقفل مسكينة اكيد متصلة تبي تعرف مني ايش قال بدر عن الهدية
بدر: نوف نوووووف وينك
نوف وهي مقهورة من بدر : ها ولاشي انا طالعة
بدر وهو مستغرب من تصرفات نوف: ايش فيها هاذي خليني اروح ماعندها سالفة
نوف راحت غرفتها ودقت على سارة لقيت جوال سارة مقفل
نوف: مسكينة سارة والله تحبه وتموت فيه وانتظرته سنييييين وهو مو داري عنها حتى ماعرفها لما اتصلت حتى ماقلي عن هديتها ياااااااااربي والله سارة ماتستاهل
هي انصدمت لانه ماعرفها أجل كيف لو تدري عن جوليااااااا
والله مسكينة ساااااااارة يربي قلبي يعورني عليها
وفي غرفة سارة رامية نفسها على السرير ودموعها ما وقفت تقطع القلب تبكي وتبكي وتبكي
تبكي على حبهااااااااا
على ايامها وهي تفكر ببدر
على السنين اللي مضت وهي تستناه في امل يجي يوم وتتجمع قلوبهم وأرواحهم معااااااا
طيب ليه انا اظلمه يمكن ماعرف صوتي بس مو معقولة ماعرفني اقلها من هديتي بيعرفني ياربي انا تعبت خلاص أكيد انه ناسيني انا اللي كنت أتوهم الحب انا اللي رسمت في بالي أحلام وأوهام اااااااااه وصارت تبكي
000000000000000000000000000000000000

&&& الجزء الثامن &&&

في بيت سارة
أم سارة: قومي حبيبتي ايش النوم هذا
سارة: أمي سيبيني ماأبغى أقوم
أم سارة: حبيبتي فيكي شيء تعبانة
سارة: لا ماني تعبانة بس أمس ما نمت بدري
أم سارة: طيب حبيبتي نامي
وخرجت أم سارة من الغرفة وهي خايفة على بنتها حاسة انو فيها شيء وجهها مرررة تعبان

نوف دقت على جوال سارة لقته لسه مقفل
نوف: خليني ادق على بيتهم
نوف: الوو السلام عليكم
ام سارة: هلا وعليكم السلام
نوف: كيفك خالتي
ام سارة: هلا نوف الحمدلله
نوف: خالتي ممكن تناديلي سارة ادق على جوالها مقفل
أم سارة: والله يانوف توي خارجة من غرفتها تقول تبغى تنام أمس مانامت بدري مدري ايش فيها كأنها كانت تبكي
نوف: خلاص انا دحين اجي عندكم
أم سارة: الله يحيكي يابنتي
نوف: مع السلامة
أم سارة: مع السلامة
...............................
نوف وهي لابسة العباية شافها بدر
بدر: على وين نوف
نوف: بروح عند سارة
بدر: مسرع اشتقتي لها أمس عندك
نوف: حبيبي انا اشتاق لسارة كل دقيقة موكل يوم سارة حبيبتي
بدر: طيب لاتدفي تبغيني أوصلك
نوف: لا ماله داعي أخاف منت فاضي
بدر: افا حتى لو مني فاضي أفضى لكي كم نوف عندي
نوف: تسلم حبيبي يلا أجل
بدر: اوكي

في بيت سامي
خلود: تصدقي أمي أمس سامي صدم وحدة
ام سامي: ايش صدم وحدة وايش صار لها ماتت
سامي: أمي ليه أنا أموت لها الدرجة
خلود: هههههههههههههههه خرعت البنت
ام سامي: ايش الهرجة مين صدمت
سامي: لا تخافي امي ماصدمت أحد بس امس في السوق البنت كانت تمشي بسرعة وصدمت فيه
أم سامي: الحمدلله احسب صدمتها بالسيارة
خلود: لا بس هي اتعورت مع انفها بس شفناها انا وسامية مافيها شيء
سامي: بس ياعليها جمال
أم سامي فرحت: ها نخطبها لك
خلود + بدر : هههههههههههههههههههههههههههههههههههههههههههههه
أم سامي: من جد ماتستحون ايش قلت يضحك
سامي: أمي من جدك انتي ليه هي السالفة لعبة
خلود: البنت حتى مانعرفها ولا نعرف اخلاقها تقولي نخطبها
أم سامي: أقول الشرهة عليه اني ابزوجك واسعدك
سامي: ماقلنا شيء بس مو أي وحدة وحدة نعرفها
ام سامي: اسكت بالله عليك عمرك مابتتزوج انا اللي متعبة نفسي خليني اقوم أحسن لي ماعندكم سالفة
سامي: أمي تعالي وين رايحة
خلود: حرام عليك ياسامي والله أمي بتفرح فيك
سامي: اقول غيري الهرجة خلاص مليت منها
خلود: براحتك
خلود: عندي رقم نوف
سامي: مين نوف
خلود: نوف اللي صدمتها
سامي وهو مهتم: والله وكيف عرفتي اسمها
خلود: نسيت جوالها واخذت جوالي تدق منه وبعدين سمعتها تقول لأختها انا نوف
سامي: ومسجلته عندك
خلود: على طول خزنته عندي خليني أتعرف عليها أحسها طيبة
سامي: بس انتبهي لاتكون ماهي كويسة وتخربكي
خلود: لا لا تخاف مني صغيرة انا أكيد لو بحس انها كذا ماني معطيتها وجه
سامي: اوكي يلا باااااااااااااااي
خلود: بسم الله ايش فيك كذا فجأة بااااااااااااي
سامي: ههههههههههه افهميها حبيبتي يعني الهرجة انتهت وانا بطلع بااااااااااي
خلود: طيب حل بااااااااااااااااااي

في السيارة
نوف: بدرانت ليه ماتبغى تتزوج
بدر: احس اني مو حق زواج
نوف: ايش تقول بالعكس انت ماشاء الله عليك جمال ووظيفة وتقدرتفتح بيت
بدر: الحمد لله ماقلت شيء بس لسه ماجاء الزواج في بالي
نوف: تصدق يابدر نفسي انك تتزوج وحدة في بالي
بدر: قصدك ساررة
نوف انفجعت : ايش عرفك
بدر: سهلة اتوقعت هي لانك مرة متعلقة فيها وتحبيها
(في قلبه موأكثر من حبي لها)
نوف: والله يابدر سارة بنت حبوبة مين يقدر مايحبها
بدركان مسرح يفكر
نوف: بدر بدر
بدر: ها
نوف: وين رحت
بدر: معاكي
نوف: ها ايش رأيك بسارة كزوجة
بدر: سارة ماتنعاب بس انا مابغى اتزوج دحين
نوف: براحتك بس صدقني ماراح تلاقي أحسن من سارة
.............................
وصلت نوف بيت سارة وبعد ماسلمت على أم سارة راحت لغرفة سارة
نوف: سارة افتحي الباب أنا نوف
وشوية وتقوم سارة وتفتح الباب
نوف: سارة حرام عليكي اللي تسويه في نفسك شوفي وجهك كيف صاير
سارة: نوف الله يخليكي ماني ناقصة
تدخل نوف الغرفة وتسكر الباب ومسكت سارة من يدها وجلستها على السرير
نوف: سارة لا تعذبين نفسك اذا من نصيبك والله بتاخذيه
سارة: كيف تبغيني ارتاح اصلا انا الغلطانة اني في يوم كذبت على نفسي ووعدتها باأشياء انا اللي اخترعتها بنيت ليه أحلام وأمال من خيالي كذبت على نفسي كذبة وصدقتها
نوف: حبيبتي انتي ماغلطتي اذا حبيتي الحب مو غلط وانشاء الله ربي يعوضك خير انتي طيبة وربي ماحيسيبك بس انت الجأي له بالدعاء وانشاء الله بيفرجها عليك
سارة: ونعم بالله بس خلاص انا مأبغى شيء من الدنيا ابغى أموت
نوف تحضن سارة: لا حبيبتي لاتفاولين على نفسك حرام عليكي كفاية انا احبك وبضحي بالعالم كله عشانك وصدقيني انتي كثير يحبوكي أمس امي تقول لي كذا وحدة سألت عنك
سارة وهي تبكي: انا ماهموني الناس انا اللي يهمني هو بدر
نوف: ياقلبي لا تيأسين انشاء الله ربي بيساعدك شوفي انا كيف محكوم عليه اتزوج من واحد أكرهه وشوفيني كيف اضحك لكني من جوه أحس اني بموت بدل المرة الف
سارة حضنت نوف وصاروا الثنتين يبكوا بكاء يقطع القلب

بدر كان يفكر بكلام أخته عن سارة
بدر: أأأأأأأه يانوف لوتدري انا قد ايش احب سارة عمري ما نسيتها طول غربتي وانا افكر فيها قلبي تعلق فيها من هي صغيرة كنت دايما لمن اشوفها احس بإحساس ثاني عمري ماحبيت احد مثل ماحبيتها حبيت برائتها ,, طفولتها,, حيائها,, ضحكتها كل شيء فيها بس هي اللي نسيتني طول السنين اللي فاتت ماسألت عني مافكرت في يوم انها تدق تطمن عليه ياليتها تحس بلي فيه أنا حاولت اني انساها لكن لمن شوفتها في بيتنا تجدد حبي لها لكنها ماسلمت عليه ولا اهتمت فيه ومالقيت قدامي الا اني أطنشها واسوي نفسي اني ناسيها يمكن مع الايام بتعود على هذا الحال

نوف وسارة بعد لمن بكوا ارتاحوا شوية وطلعوا اللي في قلبهم من حزن وعذاب لبعض وبعد كذا صاروا يبتسموا ويذكروا الذكريات الحلوة وسارة ماقدرت تنسىاللي صار بس عشان نوف وسالفة زواجها من يوسف حبت سارة ماتزيد على نوف وتتظاهر انه خلاص مافيها شيء
(كذا الاصحاب ولا بلاش مع بعض في السراء والضراء)
سارة: اه يانوف لو تدرين قد ايش انا أحبك مااتصور حياتي من دونك
نوف: حبيبتي موأكثر مني
سارة: لا انا أكثر
نوف: ههههههههههههه انا اكثر
سارة: لالا تحاولي انا أكثر
سمر: بسم الله ايش فيكي انتي وهي وجععععععع كل هذا حب اعطونا شوية
سارة: وجععع قولي ماشاء الله
سمر: ماشاء الله مرررررررة بعطيكم عين
سارة : يمكن ليه لا
سمر: أقول خلينا نخرج نتمشى والله طفشت
نوف: والله فكرة ايش رأيك سارة
سارة: هااا مدري
سمر وهي تبوس سارة: حبيبتي سارة يلا خلينا نطلع والله طفش
سارة: حببتي ماقلت شيء بس يمكن أمي ماترضى
نوف: لا نروح نكلمها وبترضى خلينا نجرب محنا خسرانين شيء
سارة: اوكي يلا
وراحوا البنات وكلموا أم سارة وفرحت لمن شافت سارة تضحك ورضيت لهم كله عشان سارة تغير جو
سمر: نوف اتصلي بنور خليها تجي معانا
نوف: دحين ادق عليها تجي هي والسواق عشان يودينا

ودقت نوف على نور وفرحت نور لانها تحب سارة وسمر واتفقوا انها تستأذن من امها وتجي مع السواق وراحوا سارة وسمر يلبسوا للخرجة
..............................................
نور: أمي بروح بيت سارة
ام بندر: وليه من اول مارحتي مع أختك
نور: لا مو بجلس عندهم يعني بعد إذنك بروح أخذ نوف وسارة وسمر ونروح نتمشى
أم بندر: وين يتروحون
نور: لسه ماحددنا الله يخليك أمي خلينا نروح
أم بندر: لا اخاف عليكم مافي روحة لوحدكم
نور: أمي لاتكوني معقدة
أم بندر: نور ماتستحين تقولي عن أمك كذا يعني لأني أخاف عليكم صرت معقدة
نور: أمي ماأقصد والله بس ليه تخافي
أم بندر: قلت لا خلاص اتصلي على أختك خليها تجي مافي خرجة
قامت نور دقت على نوف
نور: الوووو نوف
نوف: نور وينك لسه ماجيتي
نور: نوف امي ماهي راضية نخرج وتقولك يلا تعالي
نوف: احلفي
نور: والله العظيم
نوف: ياربي عليها امي خلاص انا بجلس شويه وبعدين أجي
نور: اوكي بااااااااااااااي
نوف: بااااااااااي
سارة: ايش في
نوف: تقول امي ماهي راضية
سارة: خسارة
سمر: ايش رأيكم نخلي امي تكلمها
نوف: والله فكرة
ونادت سمر أمها وقالولها
أم سارة: خلاص انا بكلمها
ودقت أم سارة على أم بندر
أم سارة: الووووووو السلام عليكم
ام بندر: هلا وعليكم السلام
ام سارة: كيف حالك أم بندر وكيف حال العيال
أم بندر: والله كلنا بخير كيفكم انتوا
أم سارة: الحمدله بخير اقول منى خلي البنات يخرجوا مع بعض حرام طفشانات
أم بندر: والله ياأم سارة أخاف يتأخروا أبوهم مايرضى
أسارة: حاولي منى وانشاء الله مايتاخروا
أم بندر: رايك خلاص بس لا يتأخروا
أم سارة: ولا يهمك بوصيهم انشاء الله
أم بندر: خلاص دحين تجيكم نور
أم سارة: الله يحيها يلا مع السلامة
أم بندر: ياهلا مع السلامة
أمسارة: خلاص رضيت
سمر حضنت أمها وباستها: الله يخليكي لنا تستاهلي مية بوسة أممممممممممممممممممممواه
ام سارة: ههههههههههههههه خلاص ذبحتيني
نوف: تسلمي خالة
ام سارة: الله يسلمك حبيبتي بس ماوصيكم لا تتأخروا ترى أمك بتزعل لو اتأخرتم
نوف: لا انشاء الله مابنتأخر لا تخافي

وجات نور واخذت البنات وراحوا
نوف : ممتاز حط أغنية
ممتاز: ايش يبغى أغنية ماما
نوف: ماما في عينك ماتستحي
سارة+ نور+سمر: ههههههههههههههههههههههههههههههههههههههههههه
نوف: وجععع ايش فيكم تضحكوا
سمر: صراحة نوف لايقة عليكي ماما هههههههههههههههههههههههه
نور: ممتاز حط أغنية هندية
نوف: وجع هذا اللي ناقص
نور: ايشبك انتي الأغاني الهندية حلوة
ممتاز: صح نور
نوف: ماشاء الله ايش معنى انا تقولي ماما لايكون خلفتك ونسيتك وبعدين انا ماكلمتك
ممتاز: ايش فيك انت معصب روح اتمشى انبسط
نوف: لا ايش رأيك تجي معانا
سارة: نوف خلاص ايش فيكي على الرجال
نوف: اوف خلاص أقول ممتاز حط شريط راشد
ممتاز: أوكي هههههههههههههههههههههههههه
نوف: وجع مين زين الضحكة

وصلوا البنات السوق وداروا مع بعض واشتروا اللي يبغونه
وبعدين جلسوا ياكلوا ايس كريم
ونوف شافت واحد من بعيد مشبهه عليه

سامي: صح وليد سمعت انك ببتزوج
وليد: ايه صح بتزوج ياخي خلاص شغل واشتغلنا خلينا نتزوج وننبسط
محمد: الزواج فيه بسطة والله بلشة حرمة تربطك فيها فين رايح ومن وين جاي
وليد: مصيرنا بنتزوج اجل بتجلس عزابي طول عمرك
محمد: خليني كذا مرتاح روح شوف علي حالته حالة
سامي: أخونا شكله متعقد مرة
وليد: سيبك منه مصيره بيتزوج قولي انت متى النية
سامي: والله لسه ماني ناوي دحين اتزوج
وليد: افا ليه
محمد: أحسن لك
فهد: ياخي ايش عليك في الرجال خليه يشوف حياته
سامي: لا بس كذا انا ماني رافض الزواج بس كل شيء بوقته حلو
فهد: خلاص خلوا وليد يتزوج وذيك الساعة يقولنا كيف الزواج

نوف قاعدة تفكر فين شافته
سارة: نوف نوووووووووف
نوف: هااااا
نور: اللي مأخذ عقلك
نوف: تصدقوا بنات الرجال اللي هناك مو غريب عليه
سارة: أي رجال
وصاروا كلهم يطالعوا مكان ما تطالع نوف
نوف: هييييه انتي وهي لا تطلوا لا يشوفكم
نوف: ااااه تذكرت مين هو
كلهم : مين
نوف: الولد اللي صدمت فيه في حراء <<<<<< ( اكيد عرفتوه سامي)
سارة: والله
نور: اه تذكرته بس ماشاء الله عليه حلو وشياكة
سمر: ايش الهرجة ماأعرفها مالي قولولي
وحكت نوف سمر الحكاية
سمر: الله رووووووووووووووعة
سارة: ايش هو اللي روووووووووووووعة ( وتقلد سمر)
سمر: هه لا بس حلو كذا ياليت اصدم في احد وتطيح غطوتي من جد جنان
سارة: سمر وجعع ايش هذا الكلام ياويلك لو تسمعك امي
سمر: سارة خليكي فرررري بعدين أمي مو معانا وما حتعرف بالهرجة الا اذا أحد قالها
سارة: طيب انا بقولها
سمر خافت: سارة من جدك انتي الله يخليكي لا تقولي لها
نور: هههههههههههههههههههههههههه خوافة
سمر: ياحبيبتي عند امي مافي ياامي ارحميني
ونوف ماهي معاهم تفكر في سامي والموقف اللي صار بينهم
سارة: نوف ايش فيكي ساكتة
نوف: ..............
نور: لا البنت ماهي معانا نووووووووووووووووف
نوف: وجععع ايش فيكي تصارخين مااسمع يعني
سارة: من اليوم ننادي منتي معانا وين رحتي
نوف: معاكم بس سرحت شوية
سمر: اها في مين
نور: أكييييييييد في الجمال اللي قاعد هناك
نوف: نور اسكتي ياهبلة ايش عرفك انتي
سمر: طيب قوليلنا انتي
نوف: ولا شيء ياربي على اللقافة يلا غيروا الهرجة
وصاروا البنات يسولفون ويضحكون وانبسطوا مرررررة
وهنا دق جوال نور ولمن شافت انه بدر المتصل حطك السبيكر
نور: هلا بدر
نوف على طول طلت في سارة اللي سرحت لمن سمعت نور
نوف في قلبها: وقته هذا كمان الهبلة هذي حاطة سبيكر انا ماصدقت تنسى شوية الله يهد شيطانك يانور
بدر: هلا والله وينكم
نور: احنا في السوق انا ونوف وسمر وسارة
نوف على طول مسكت يد سارة اللي صارت مرتبكة
بدر: والله رايحين لوحدكم ماشاء الله
نور: بدر ايشبك مافيها شء واحنا استأذنا من أمي
بدر: طيب لاتتأخروا وراكي مدرسة
نور: اوف لازم تجيب سيرتها وتنكد عليه
بدر: ههههههههههههههههههههههههههه مردك لها ياحلوة يلا بااااااااااااااااي وسلميني على سارة وسمر
سمر: الله يسلمك بدر
بدر: مين معايا
نور: هذي سمر انا حاطة سبيكر
بدر: اهلين سمر كيفك
سمر: انا بخير كيفك انت
بدر: تمام ها كبرتي ولا لسه صغيرة
نور: ههههههههههههههههههه لو تشوفها ماتدخل من الباب
سمر: هييييييه بايخة الحمد لله انا رشيقة
نور: هههههههه روحي يادبببببببببة
بدر: هههههههههههه الله يرجكم وين نوف وسارة ايش فيهم ساكتين
نور: مدري ايش فيهم فجأة برطموا
نوف: أقول اسكتي تافهة
بدر: افا نوف ايش فيكي زعلانة
نوف: لا ولا شيء
بدر: كيفك سارة
سارة انفجعت وماهي عارفة ترد وزاد ارتباكها
سمر تدق سارة: ردي عليه سلمي لا تنحي
سارة بدون نفس: بخيررررر
(من تصرف سارة كان في 3 ردود أفعال
نبدأ بنوف اللي فرحت من تصرف سارة
ونروح لسمر اللي انصدمت من رد سارة لانها في بالها انو سارة تموت في بدر وغريبة ترد عليه كذا من دون نفس
وأخيرا بدر اللي انقهر من سارة حتى ماسألته كيف حاله هو)
بدر: يلا اسيبكم بس لاتتأخروا باااااااااااااااااي
نور سمر: بااااااااااااااااااي
بعد ماقفلت نور
نور: هييه ايش فيكي انتي وهي فجأة ارتبكتوا
سمر: انا اعرف ليه ياحبيبتي
نور: دببببة طيب قولي
سمر: اول شيء احترمي نفسك بعدين أقولك
نوف: بس انتي وهي أزعجتونا
سارة اللي انقهرت من بدر ايش معنى سمر يدردش معاها وانا بس كيف حالك : خلاص يلا نروح اتاخرنا
نور وسمر : بدري
ههههههههههههههههههههههههههههههه
نوف: وجع افكارهم وحدة
سارة: بدري من عمركم نسيتي امك
نور: اوف يلا خلاص بس لازم نعيدها
سمر: ايوه لازم
نوف: انشاء الله
وقاموا البنات ومشيوا ونوف عيونها على سامي والبنات يضحكوا عليها
نوف: ايش فيكم انتوا
نور: ارحمي الرجال اكلتيه
نوف: مرررررة اقول اسكتي وجععع
وضحكوا البنات على نوف
وشويه ويقوم سامي وكان معاه بيبسي ولمن قام كانوا البنات مارين من عندهم وصدم سامي بنوف وانكب البيبسي عليها

&&& الجزء التاسع &&&
وشويه ويقوم سامي وكان معاه بيبسي ولمن قام كانوا البنات مارين من عندهم وصدم سامي بنوف وانكب البيبسي عليها
نوف: لاااااااااااااااااااااااااااااا
سامي: اسف والله ماشفتك
نوف: ياربي ماتشوف انت أعمى وجعععععع انشاء الله ويقول اسف عاد
سامي: والله ماأقصد >>>> في قلبه : ايش حظي في يومين تحصل هاالأشياء
نوف: عليه يعني تقصد ولا ماتقصد ايش بستفيد من أسفك وسختني وخلاص
بعدين طالعت نوف في وجه سامي وانصدمت
نوف في قلبها: ياربي انا ايش سويت والله ماعرفته المفروض مااقوله كذا
سامي بعصبية: اسف وتأسفت لكي ايش تبي اسويلك
نوف خافت منه: لا عادي حصل خير انا عارفة انك ماتقصد وأسفة لو غلطت عليك
سامي: لا عادي
وراحوا البنات وهم يضحكون على نوف
وكمان اصحاب سامي يضحكوا على سامي وشكله اللي كان مررة مرتبك وبنفس الوقت معصب
وليد: ههههههههههههه سامي ايش فيك
محمد: تلاقيه يفكر في القمر
سامي: أي قمر واي خرابيط والله انك فايق
وليد: حبيبي ريلاكس تحصل في اكبر العائلات
سامي: والله انكم فاضيين يلا باااااااااي
وليد: تعال ايش فيك زعلت
محمد: ولا بتلحق القمر
فهد: سيبوه في حاله
سامي طنشهم وراح عنهم وهو طالع شاف نوف واللي معاها طالعين السيارة

نوف: ياويلي ايش قصتي مع هذا الرجال بس اصدم فيه
سمر: صراحة جنان
سارة: هيييه انتي ايش هو الجنان
سمر: الموقف روعة
نوف: والله انكم فايقة عبايتي كلها بيبسي وتقول جنان
سارة: ماعليكي منها عقلها ناقص
سمر: ياهبلة انتي وهي في أحد يصحلها تتصدم في واحد حلو ومرتين بعد والله لو انا كان تلاقيني طايرة في الجو
سارة: حشى عصفور مو بإنسان
نور: هههههههههههه ولا اختنا اول شيء سبسبته بعدين قاعدة تتأسف له والله لو انه ممتاز كان علقته مع رأسه
سمر: هههههههههه حلوووووووووة يدك
ومدت نور يدها وضربتها بيد سمر
نوف: هههههههه بايخة بعدين مايخصك انتي وهي هذا كلام كبار
نور: عشتوا يالكبار انتوا
سمر: الا قولي عجايز
سارة: عجايز بعينك ماتستحين
نوف: بس تتوقعون هو عرفني
سارة: ماأعتقد عرفكي
نور: والله الرجال محد يدري ايش اللي براسهم
نوف: يويويو لو عرفني من جد فشلة
سمر: لا فشلة ولا شيء هو يقربلك يعني ولا يعرفك
نوف: ايوه صح بس عسى مايظن اني بالعنية مريت من عنده
سمر: لاا عادي احنا مرينا لانه قصدنا بنطلع من السوق مو نتجول
نور: نوف ايش تسوي لو اللي صارلكي كان مع يوسف
نوف: لو هو بأخذ منه البيبسي وأكبه على راسه
سمر: وي كل هذا كره
نور: الله يعينك يايوسف بتتبلي بلوة ماكانت على البال ولا الخاطر
نوف: ايش البلوة
نور: انتي في غيرك
نوف تضرب أختها مع راسها: انا بلوة ياحمارة والله له الشرف يتزوج وحدة مثلي
سارة: ايوه والله
نوف: على سيرته ترى الاسبوع الجاي بيجي يشوفني
سارة: والله خلاص وافقتي
نوف: هو ابويه اعطاني فرصة اوافق ولا لا خلاص ياحبيبتي انكتب عليا العذاب
سارة: لاتقولي كذا الله بيساعدك انشاء الله
سمر : شكلهم ابوكي وعمك متفقين يزوجون عيالهم لبعض
نور: انا بالنسبة لي مايهمني
سمر: ليه ماعنده غير يوسف ولد
نوف: لا في ماجد ومازن
سارة: طيب هم كبار
نور: ماجد كبير عمره 23 أما مازن صغير
سارة: أجل أكيد بيكون ماجد لكي ياحلوة
نور: مايهمني لانه ماجد حبوب وحليوة
سمر: قولي كذا شكلها أختنا طايحة لشوشتها في الحب
نور: وايش فيها ولد عمي وانا اولى به
نوف: هييييه فين احنا دشين سوق وتقلد نور ولد عمي وانا أولى به
سارة: ايش فيها طيب لو كان كويس مافيها شيء
نوف: اانا ماطيقهم كلكم
سمر: الله يصبرك يانوف هههههههههههههههههههههه
نور: قولي الله يصبر يوسف عليها
نوف: هييييه انتي ايش فيكي عليه وجع ولا كأني اختها
نور: طيب انتي ليه تحكمي على الرجال يمكن يكون طيب
نوف: انتي لاتدخلي أنا اعرف يوسف كويس
سارة: الله يعينك حبيبتي
نوف: اميييييييييين يارب ويفكني منه
وتموا البنات سوالف وضحك الين وصلوا البنات سارة وسمر بيتهم وبعدين راحوا بيتهم
..........................................
سامي قاعد يفكر باللي صار مو مصدق في يومين يصير له كذا ( بس توقع سارة في محله لانو سامي ماعرف نوف)
خلود: سام سااااااااااامي
سامي: هاا
خلود: أعترف بسرعة مين اللي تفكر فيها
سامي: وغذغ مابقول ايش بتسوي وريني يلا
خلود: هههههههه مابسوي شيء
سامي: تصدقي خلود اليوم صار لي شيء
خلود جلست عند سامي: ها ايش صار
سامي: ياحبكم يالحريم للهرج عناد ماني قايل قومي فارقي
خلود: سام حبيبي قول يلا
وحكى سامي خلود عن كل اللي صار له
خلود: يامسكين
سامي: اقول فارقي دحين هذا اللي عندك مسكين
خلود: انتي ليش مكبر السالفة انت ماتعرفها ولاشيء
سامي: بس مره كنت مرتبك لمن انكب عليها البيبسي وانحرجت قدام اصحابي
خلود: سامي والله عادي تصير كثير
سامي: على قولتك الا فين عهود
خلود: تكلم صحبتها كله حش في صحباتهم
سامي: وانتي اخس منها
خلود: سام حبيبي ايش فيك عليه إحمد ربك خلود بكبرها قاعدة معاك
سامي: ههههههههههههههههه مو نصها
خلود:أقول فارق الشرهة عليه خليني اروح عند أمي
سامي: احسن فكيني منك دبببببببببببة
خلود: انت الدب غوريلالالالا
سامي: اختاري واحد فيهم يادب ياغريلا
خلود: الأثنين لا يقين عليك ههههههههههههههههههههههههه
وراحت خلود عن سامي ورجع سامي يفكر باللي صار له
.................................................. ...

في الجامعة
سارة: تصدقي نوف خلاص طفشت من الدراسة
نوف: خلاص مابقي شيء المستوى هذا والجاي ونخلص
سارة: انشاء الله بس من لنا شهر بدينا دراسة بس احسها ثقيلة
نوف: لا بالعكس الايام تمر بسرعة
سارة:يمكن
نوف حست بسارة
نوف: سارة تصدقي عجبتيني أمس لمن رديتي على بدر بدون نفس
سارة: انا ماكنت برد بس لمن دقتني سمر ارتبكت ورديت بس غريبة عليه خلاص تذكرني
نوف: سارة مدري ليه عندي احساس انه بدر متذكرك بس هو سوي نفسه ناسيكي
سارة: ايش عرفك
نوف: مدري بس يوم شافك لمن خرجتي من غرفتي جاني وقالي من هذه بس حسيت انه يستعبط وانه عارفكي حتى لمن قولتله هذي سارة بنت جيراننا قال حلوة من صغرها وحتى دحين حلوة
انبسطت سارة من مدح بدر
نوف: عاد مسوي نفسه ناسي والله انه كذاب انا نوف وماتمر عليه هاالاشياء
سارة: طيب ليه هو يسوي كذا
نوف: هذا اللي نفسي اعرفه وانشاء الله بعرفه طيب يابدر مااكون نوف اذا ماعرفت ايش عندك
وجاتهم صحبتهم ريم
ريم: اعترفي انت وهي تحشون في مين
نوف: ههههه فيكي طبعا نقول ريم هبلة ودببة ونكدية ودمها ثقيل
ريم: ههههههههههه بايخة الحمدلله اعرف قدر نفسي
سارة: رورو حبيبتي والله تمزح
نوف: بقعة تدليعيها كمان
ريم حضنت سارة: حبيبتي سوسو أمممممممممممممواه
ريم: باركولي انخطبت
سارة: والله مبروك
ريم: الله يبارك فيكي عقبالكم
سارة: في وجودك حبيبتي
نوف: الله يعينه شكله امه داعية عليه
ريم بدلع: الا قولي امه داعيه له
سارة: نوف ايش فيكي انتي
ريم: سارة علميها الأدب صحبة على الفاضي
نوف: انا ياحبيبتي متأدبة وخلاص لا تزعلي مبروك منك المال ومنه العيال هههههههههههههههههههههههههههههههههههههههههه
سارة: هههههههههههههههههههههههههههههههههههههههه
ريم: والله انكم ماتستحون قاعدين تتريقون خليني أقوم أحسن لي
نوف: هييييه انتي زعلتي ترى أمزح خلاص مبروك يتربى في عزك ههههههههههههههههههههههههههههههههههههههههههههه
ريم شدت شعر نوف : نوفو أحسنلك اسكتي لاخلي شعرك كشة
نوف: أي أي أي سيبي شعري والله أمزح مبروك والله يسعدك
ريم تركت شعر نوف: ايوه كذا تسنعي
سارة: ههههههههههههههههههههههههههههههههه والله انكم نكت
و طلت بساعتها : نوف اتأخرنا بقي 3 دقايق على المحاضرة قومي بسرعة
نوف: يو القاعة بعيدة اكيد بتطردنا الدكتورة
ريم: ههههههه خليكي من تريقتكي فيه
سارة: يلا نوف باااااااي ريم
نوف: بااااااااااااي ريم ولاتزعلي
ريم: لاعادي ماأزعل من حبايبي ويلا باااااااااااااي
وقاموا نوف وسارة وراحوا المحاضرة وهم يجروا حتى يلحقوا عليها
.................................................. .

مر الاسبوع وماصار على سالفة سارة وبدر شيء
بس اليوم الخميس شوفة نوف
أم بندر: نوف ايش فيكي قومي اتجهزي مابقي شيء ويوسف يجي
نوف: اوف والله امي ماني طايقته كيف أجلس معاه حرام عليكم
أم بندر: اسكتي لايسمعك أبوكي والله لايطين عيشتك
نوف: كل من ابويه ماراح أسامحه طول عمري
أم بندر: خلاص اتعوذي من الشيطان وقومي البسي
وراحت ام بندر وصارت نوف تبكي وبعد مارتاحت شوية قامت غسلت وجهها ولبست لبس عادي وماحطت في وجهها ولاشيء
نوف: يمكن لمن يشوفني كذا يبطل

بدر: نوف ايش فيكي
نوف: خلاص بتزوج يوسف
بدر: من قال
نوف:بدر ماني ناقصتك يوسف بيجي دحين وحضرتك تقولي من قال
بدر: انا عارف انه يوسف بيجي بس انشاء الله ماراح يتزوجك
نوف: خلاص ماينفع شيء دحين
بدر: نوف سيبي كل شيء عليه وبتشوفي
راحت نوف وحضنت بدر: الله لايحرمني منك
بدر: اميييييييين
................................
جاء يوسف لوحده ودخل أبو بندر يستعجل نوف عشان تدخل عند يوسف
أبو بندر: نوف يانوف
نوف جات عند أبوها
نوف: نعم
أبوبندر طالع بنوف : ايش فيكي كذا مبوزة اضحكي
ابتسمت نوف لابوها: هااا يعجبك كذا
أبو بندر: بلا هرج زايد ويلا ادخلي وياويلك لو قلتي شيء مو زين
نوف: حاضر
ودخلت نوف مع أبوها ويوسف على طول قام لمن شاف نوف
أبوبندر دق نوف عشان تسلم على يوسف
نوف وبدون نفس وشوية وتبكي: السلام عليكم
يوسف: وعليكم السلام
ابو بندر: اسيبكم لوحدكم عن اذنك يوسف
يوسف: تفضل عمي
نوف: بس وسكتت لمن شافت ابوها فتح لها عينه
وجلست نوف وجاء يوسف جلس قريب منها
نوف في قلبها: وجعع انشاء الله أكرهك اكرهك
يوسف: كيف حالك نوف
نوف: بخيييير
يوسف: ماشاء الله عليكي كبرتي اذكرك وانتي صغيرة
نوف انقرت منه: أجل تبغاني افضل صغيرة أكيد بكبر
يوسف انحرج من كلام نوف: لامو قصدي بس انتي ايش فيكي معصبة
نوف: ماني معصبة ولا شيء
يوسف في قلبه: مني طايقتني طيب يانوف صادقة مي لمن قالت عنك مغرورة بس فوق كذا ماشاء الله عليها حلوة
يوسف: اقول نوف متى تبغين موعد الزواج
نوففي قلبها: لو بيدي ماوافقت على الزواج منك
نوف: يعني لو بقولك بتوافق
يوسف: طبعا
نوف: الله يخليك يوسف خليه بعد مااتخرج
يوسف: كم باقيلك على التخرج
نوف: سنة
يوسف: أوكي يعني على الإجازة الجاية
نوف: أيوه
يوسف: خلاص تامرين الله يصبرني
نوف ابتسمت: شكرا
وهنا دخل أبوبندر وبدر واشر بدر لنوف عشان تقوم
نوف: مع السلامة
يوسف: مع السلامة
وخرجت نوف وهي دمعتها شوي وتفر من عينها
أبوبندر: ها يوسف متى تبغي الزواج
يوسف: اتفقت مع نوف انه يكون بعد ماتتخرج
أبو بندر: خلاص تم
بدر في قلبه: يلا عندي وقت انشاء الله أقدرأغير رأي أبويه
وجلس يوسف عندهم ساعة بعدين راح

نوف دقت على سارة وحكتها اللي صار
سارة: ماشاء الله عليكي قوية
نوف: والله مدري كيف جاتني الجرأة يلا محد يدري في السنة هذي ايش بيصير
سارة: على قولنك
نوف: بس الحمد لله بدر قاال بيساعدني
سارة ارتبكت : انشاء الله
سارة : طيب نوف أكلمك شوية امي تناديني
نوف: اوكي بااااااااااااااي
سارة: باااااااااااااااي

كانت عيلة أبو سامي متجمعين
خلود: اليوم كلمت نوف
ام سامي: مين نوف
خلود: صحبتي
سامي: طيب ايش فيها فرحانة بصحبتكي يعني
عهود: ماقيد سمعت بيها جديدة هذه
خلود: ياجماعة الخير نوف هذه اللي صدم فيها سامي في السوق
سامي: احلفي
خلود: والله العظيم كلمتها واتعرفت عليها
ام سامي: كيف عرفتي رقمها
وحكت خلود أمها كيف حصلت على رقم نوف وبعدين قالتلهم تفاصيل المكالمة
ام سامي: مبين عليها حليلة
خلود: مررة طيبة من جد ارتحتلها
عهود: عند اخوات
خلود: عندها اخت وحدة
عهود: كبيرة ولا صغيرة
خلود: يمكن قدك
عهود: الله خلينا نزورهم ونتعرف عليهم
خلود: أي والله من جد شكلهم طيبين
أم سامي: هي معاكي في الكلية
خلود: لا هي تدرس في الجامعة بس زي أخر سنة
عهود: لو معاكي كان اتعرفتي عليها اكثر
خلود: صح والله ياليتها كانت معايا
سامي كان مسرح يفكر بنوف وكيف انها شغلت تفكيره
أم سامي: سامي حبيبي ايش فيك
سامي: ها ولا شيء وهنا دق جوال سامي
سامي: هلا فهد وراح سامي عنهم
خلود من يوم سمعت اسم فهد سرحت وقاعدة تفكر فيه
(خلود مثل سارة تحب فهد صاحب اخوها سامي بس محد يعرف انها تحب فهد وهي لها سبع سنوات وهي تحبه لكنها طول هذي السنوات ماقدرت تبين لأحد )
أم سامي: خلود وين رحتي
خلود: ها لا معاكم
أم سامي: صح نسيت اقولكم بتزورنا أم محمد صاحب سامي
خلود في قلبها ياليت تزورنا أم فهد
عهود: وبتجيب بناتها معاها
ام سامي: اكيد بيجون معاها
...........................................
في بيت ابو يوسف
مي: يوسف ايش رايك بنوف
يوسف: الصراحة هي حلوة
مي: مو مرة حلوة كمان هي مرة مغرورة
ام يوسف: مي ايش هذا الكلام ايش فيكي على نوف
مي: مااحبها شايفة نفسها
يوسف: غيرة ياربي
مي: ايه أغار من نوف من زينها عاد
يوسف: نوف هذي بتصير زوجتي لاتتكلمي كذا عليها
مي: يوسف بسألك انت تحب نوف
يوسف: عادي ماأحبها ولا اكرها
مي: طيب ليه بتتزوجها
أم يوسف: وانتي ايش عليك انتي اللي بتتزوجيها
مي: لا بس بتعيش معانا وان مااطيق اشوفها كل يوم
يوسف: سيبيكي من هذا الكلام ودق جوال يوسف وعلى طول قام وراح عنهم
يوسف: هلا حبيبتي
عبير: كيفك يوسف
يوسف: بخير مادامي اسمع هالصوت
عبير بدلع: تسلم حبيبي ها بتجي اليوم
يوسف: اكيد والشلة بيجوا
عبير: الكل بيكون موجود لاتتاخر
يوسف: أوكي بس جهزوا القعدة
عبير: كل شيء مجهز
يوسف: اوكي بااااااااااااي عبير
عبير: باااااااااااااي حبي
مي لحقت يوسف بتشوف يكلم مين وسمعت كل المكالمة
مي: مين عبير هذي؟؟ وقعدة ايه اللي تجهزها ليكون يوسف متجوز واحنا ماندري ؟؟؟ ياريت يكون متجوز عشان تنقهر نوفو بس هو يقول شلة يالله بموت واعرف بعدين انتبهت مي انو يوسف خلص المكالمة وعلى طول بعدت راحت لغرفتها وهي متشمتة بنوف

============================
&&& الجزء العاشر &&&
بعد مرور شهر
في الجامعة كانوا نوف وسارة وصحباتهم قاعدين في الكافتيريا يفطرون
نوف: متى تعدي هذه السنة ونرتاح
مها: اجل ايش تقولي عني باقيلي سنة ونص
نوف: والله حبيبتي محد قلك ماتذاكري وتحملي مواد
مها: اقول عاد من شطارتك انتي ( نوف ياحليلها ماخلت أحد ماتجاكرت معاه ومها اكثر وحدة من صحباتهم تتجاكر معاها بس فوق كذا نوف مرة طيوبه)
ندى: أنا اللي أقول انتي وهي اسكتوا او غيروا السالفة
وجاتهم ريم
ريم: هي اشفيكم اصواتكم عالية
سارة: يعني ماتعرفي نوف ومها
مها: والله هي اللي بدت
نوف: خلاص ست مها اسفين
ريم: خلاص اسمعوني شوية
نوف: كلنا أذان صاغية هههههههههههههههههههههههه
ريم: يسلمووووووووووووو انا عازمتكم على ملكتي يوم الخميس الجاي
البنات كلهم باركوا لريم
ريم: الله يبارك فيكم عقبالكم
البنات بصوت واحد: اميييييييييييييييييين ههههههههههههههههههههههه
نوف: حشى مستزوجات
مها: عشانك مخطوبة يعني تشوفي نفسك علينا
نوف في قلبها من حلات خطبتي عاد
نوف: خلاص يارب تزوج مها وتفكنا من لسانها
سارة: ياربي انت وهي خلاص ارحمونا
ريم: خلاص لاتنسون والله اللي ماتجي بتشوف ايش بسوي لها
مريم: يعني ايش بتسوي
ريم: مابسوي لها شيء هههههههههههههههههههههههه
سارة: افا أول الحاضرين احنا
ريم: تسلمون حبايبي
مها: وكيف حال حبيب القلب
ريم استحت: بخير
نوف: بسم الله ايش فيها هذي
ندى: محد قدها أخذت اللي تبغاه
نوف: والله ياحظك
ريم: وجعع قولوا ماشاء الله
سارة: ماشاء الله.... الله يوفقكم ويسعدكم
نوف: امييييين ويجمع بين جميع القلوب المتحابة وتغمز لسارة
البنات كلهم: امييييييييييييييييييين
سارة في قلبها: امييييين انشاء الله ربي يجمعني ببدر
وكانت سارة مسرحة وبعدين انتبهت لقيت كل البنات يطالعوا فيها
سارة: بسم الله ايش فيكم
مها: معجبين هههههههههههه
نوف: اللي مأخذ عقلك
سارة: مافيه شيء ومحد مأخذ عقلي غير الإختبارات
نوف: عليه بس حبيبتي المره هذي بفوتها لانه في ملاقيف هنا
مها: ايش قصدك
نوف: شفتوا كيف انها ملقوفة انا ماقلت مها
مها: بس نظراتك كانت عليه
نوف: ياربي انا أطالع في الكل مو انتي بس
ريم: هي انتي وهي خلاص مااوصيكم مو تتهاوشون في الملكة ياويلكم مني لو صار شيء
سارة: والله محد يضمنهم يبغاالنا نحط كل وحدة منهم في جهة
نوف ومها في وقت واحد: ياسلام
بعدين كل البنات ضحكوا ههههههههههههههههههههههههههه
مريم: اول مرة يتفقوا في شيء
سارة: وابشرك اخر مرة هههههههههههههههههههههههه
ندى: أقول انتي وهي ماعندكم محاضرات
سارة: وي المحاضرة رحنا ان ونوف حطينا شنطنا وطلعنا بسرعة نوف قومي
نوف: ايش رأيك مانروح مرت 5 دقايق والله بتطردنا الدكتورة
سارة: لا قومي بنعتذر منها على الأقل نأخذ شنطنا
مريم: يلا قوموا انا معاكم كمان
نوف: يلا قوموا الموت مع الجماعة ارحم
وراحوا نوف وسارة ومريم المحاضرة ولقوا الباب مقفل وفي 4 بنات واقفين عند الباب
سارة: ييي الباب مقفل ايش دحين اللي بيفكنا من لسانها
نوف: ماعليكي لا تكوني خوافة
ودقت نوف الباب وفتحته
الدكتورة: خير في ايه
نوف: نبغى ندخل
الدكتوره: وليه متأخرين
نوف: والله يادكتورة دخلنا القاعة ولمن مالقيناكي جيتي رحنا نجيب موية ونجي وشوفي شنطنا هنا
الدكتورة عصبت ووجهها صار أحمر: ايه بتؤلي ايه هي سيما يعني تحطي شنطتك وتحقزي المكان وتطلعي امشي اطلعي برة انتي وهي بسرعة ماعنديش وقت
وكان في وحدة حامل
الحامل : يادكتورة
الدكتورة قاطعتها: انتي بالزات اسكتي كل مرة بيتجيبي عزر بس انتي النهارده بتدلعي
البنت عصبت: انا ادلع والله انتي اللي ماتخافي الله
الدكتوره: وبترفعي صوتك اطلعي برة انتي وهي بسرعة بره
وطلعوا البنات بره وهم يضحكوا على الدكتورة وجهها اللي صاير أحمر وشوية وينفجر هههههههههههههههههههههههههههههههههههه
واستاذنت نوف من الدكتورة عشان تجيب شنطتها وشنطة سارة
الدكتورة: بسرعة اطلعي برة الله
نوف: طيب طيب.... وبصوت واطي من زين محاضرتك عاد
الدكتورة: بتؤلي ايه
نوف: ولاشيء
وطلعت نوف وسكرت الباب بقوة
نوف: شفتي زي ماقلتلك
سارة: يلا بس الحمد لله اننا مو لوحدنا
نوف: يلا من زين محاضرتها والله كأننا في حصة إملاء
وراحوا سارة ونوف ومريم عند البنات وكملوا سوالفهم
.................................................. ....

في بيت نوف
نوف خليني ادق على خلود أشوف أخبارها
نوف: الوووووو
خلود: هلا كيفك ياحلوة
نوف: انا بخير وانتي كيفك
خلود: تمام
نوف: ايشبك كذا كانك كنتي تجري
خلود: لا بس توي داخلة البيت جاية من السوق
نوف: اها طيب اكلمك بعدين يمكن دحين تعبانة
خلود: لا عادي اصلا انا مشتاقتلك
نوف: تسلمي حبيبتي والله انا أكثر نفسي شوفك
خلود: والله حتى انا نوف عندي فكرة
نوف: ايش هي
خلود: بكرة الخميس ملكة بنت خالتي ايش رايك تجي
نوف تذكرت ملكة ريم صحبتها : ياليت بس والله بكرة عندي ملكة
خلود: خسارة يلا مرة ثانية
نوف: على قولتك
وهنا دخل سامي
سامي: خلودة حبيبتي طلبتك
خلود: ايش فيك انت ماتشوفني أكلم
سامي: مين
خلود: الله على اللقافة اكلم نوف
سامي لمن سمع انبسط وعلى طول جلس عند خلود وياشرلها عشان تفتح السبيكر
خلود: لا لا
نوف: ايش هو اللي لا
خلود: لا مافي شيء
وسامي ياشر لخلود ويضربها بيدها ..والله لذبحك
خلود خافت وفتحت السبيكر
نوف: الو الو خلود وينك
خلود: موجودة بس في ناس هنا ثقيلين دم
نوف: قصدك مين
خلود: هالدبة سامي
نوف: حرام عليكي سامي جسمه حلو مو دبة
سامي انبسط من كلام نوف ولاشعوريا قال : تسلمي
نوف لمن سمعت صوت سامي قفلت
خلود: شايف كيف أكيد زعلت
سامي: والله مااقصد بس لاشعوريا طلعت مني
خلود: طيب انت ليه تبغى تسمع صوتها
سامي: بس حر
خلود: اعترف ياحلو ليكون تحبها
سامي قام ومشي عن خلود: مو شغلك
خلود: ياعيني على اللي يحبون خليني ادق على نوف اعتذرلها
خلود: الوووووووو
نوف: الووو
خلود: والله مو قصدي نوف لاتزعلي بس هو والله هددني عشان كذا فتحت السبيكر
نوف انبسطت: لا عادي بس الصراحة انا استحيت
خلود: ياربي على اللي يستحون هههههههههههههههههه
خلود: طيب نوف حبيبتي اسيبك دحين بس لا تقاطعيني اتصلي
نوف: انشاء الله
خلود: مع السلامة
نوف: مع السلامة
..................................................


يوم الخميس
في بيت سامي
أم سامي: يلا يابنات بنتأخرعن الملكة
أبوسامي: روحي جريهم من شعورهم مايمشي معاهم الا كذا
خلود: ابويه ترى سمعتك
أبو سامي: اسمعي احد قلك لا تسمعي
سامي: يعني ايش بتسوي
خلود: ياويلي اكلتوني خلاص ماني قايلة شيء
أبو سامي: يلا نروح سيبوكم من الهرج الزايد
سامي: سلموني على خالتي وقولولها مبروك
ام سامي: ليه مو جاي معانا
هنا دق جوال خلود وراحت بعيد تكلم
سامي: انا اليوم معزوم في زواج صاحبي
أم سامي: خلاص براحتك
ودق جوال سامي
سامي: هلا فهد
فهد: وينك انتظرك ايش فيك اتأخرت
سامي: خلاص بجي اللي يسمعك يقول زواجك اليوم
فهد: ههههههههههههههه يلا تعال بلا فلسفة
سامي: اوكي ياعريس ههههههههههههههههههههه
فهد: طيب اوريك لمن تجي مع السلامة
سامي: مع السلامة
سامي: يلا انا رايح فهد ينتظرني مع السلامة
ابو سامي: انا في السيارة لا تتأخروا
.............................................

نروح لملكة ريم
(يم بنت خالة خلود هي نفسها ريم صحبة سارة ونوف)
كانت الملكة حلوة وكانوا البنات مبسوطين وورقص وفرفشة
خلود: سامية شوفي البنت اللي ترقص هناك
سامية: ايت وحدة
خلود: وتاشر على نوف هذيك اللي لابسه فستان أسود
سامية: ايوه شفتها ايش فيها
خلود: احس كأني اعرفها
سامية: ايوه صح كاني شايفتها قبل كذا
خلود: أروح أسألها
سامية: مدري بكيفك
وراحت خلود عند نوف
خلود: لو سمحتي انت اسمك ايه
نوف: ليه
خلود: لا بس مشبهة عليكي كأني أعرفك
نوف: بس انا مااعرفك
خلود: يالله حتى صوتك مو غريب
نوف: تصدقي حتى صوتك انتي مو غريب عليه
خلود: انا اسمي خلود ال.......
نوف: اااااااااه عرفتك
خلود: والله طيب انتي مين
نوف: انا نوف ال.........
خلود: أهليييين وسلمت خلود على نوف
خلود: شفتي الصدف ليكون ريم صحبتك
نوف: ايوه
خلود: ريم بنت خالتي
نوف: اها
سارة تدق نوف
نوف: نسيت اعرفك هذي صحبتي اللي زي أختي سارة
وتسلم خلود على سارة
سارة: اهلييين كيفك
خلود:بخير كيفك انتي
سارة: الحمد لله
خلود: تعالوا اعرفكم على اخواتي
وراحوا عند سامية
خلود: سامية تدري من هذه
سامية: مين
خلود: هذي نوف اللي في السوق اذكري
سامية: اهااهليييييييين نوف كيفك
نوف: تمام
سارة تهمس لنوف: اخوات سامي
نوف: ايوه
خلود: امي سلمي على نوف وسارة
ام سامي: أهليين وتسلم على نوف وسارة
وجلسوا مع بعض وانبسطوا كثير
وجاء وقت زفة ريم
واتزفت ريم وكان شكلها حلو مرة كانت لابسة فستان وردي مرررة جنان والبنات صفقوا ورقصوا وانبسطوا كثير
.................................................. ......
في بيت ابو سامي
خلود: ايش فيها امي
عهود: قلقانة على سامي تقول اتأخر
خلود: ليه وين سامي
عهود: تقول امي راح زواج صاحبة فهد
خلود انفجعت: ايه فهد
عهود: ايوه امي تقول
خلود: يلا انا رايحة انام
عهود: بسم الله هذي ايش فيها
وبسرعة خلود راحت لغرفتها ودموعها تصب من عينها وصارت تبكي تبكي
اااه كله مني انا السبب المفروض أقوله على حبي معقوله فهد تزوج فهد ااااااااااااااااااااااااااااااااااااااااه وصارت تبكي وتبكي ااااااااااه ياخسارة حبي
.........................................
بدر: نوف وين كنتي
نوف: في ملكت صحبتي رحت انا وسارة
بدر: سارة
نوف: ايوه سارة
بدر: كيفها
نوف : طيبة
بدر: غريبة من زمان ماتزورنا اقصد ماتزورك
نوف في قلبها: بعد اللي سزيته
نوف: والله مدري عنها بس انت ليش تسال
بدر: ها لابس كذا س}ال حرام يعني
نوف: لا مو حرام يلا انا رايحة انام تصبح على خير
بدر: فارقي
نوف: اهههههههههه دب وراحت عنه
بدر: وجع محد ياخذ منها شيء
خليني اروح انام احسن لي
...........................................
في اليوم الثاني
أم سامي: وين خلود اليوم ماشفتها
عهود: مدري عنها معصبة
سامي: ليه ايش فيها
عهود: والله مدري لمن قلت لها ايش فيكي طردتني
سامي: خليني اروح اشوف ايش فيها
راح سامي لخلود
سامي: خلود خلود افتحي الباب
خلود: سيبوني لوحدي
سامي: خلود سام حبيبك
قامت خلود فتحت الباب
سامي: ايش فيكي حبيبتي
خلود: سامي مافي شيء
سامي: طيب ليه زعلانة
خلود: ............
سامي: تعبانة اوديكي المستشفى
خلود: لا مافيه شيء سيبوني لحالي
سامي: طيب براحتك بس اذا تبغي شيء قولي ليه
وطلع سامي من عند خلود
خلود: ااااااه ياسامي لو تدري انو صاحبك فهد هو السبب باللي فيه
ورجعت خلود تبكي

....................................
نوف: بدر حبيبي مشينا والله انا ونور طفشانين
بدر: فاضيلكم انا
نور جات : بدر الله يخليك
بدر: هيييه انتي عارفة على ايش نتكلم على طول خشيتي في الهرجة
نور: سمعتكم هههههههههههههههه
بدر: حبايبي اليوم ماني فاضي خلوها مرة ثانية
نوف: خلاص وعد
بدر: وعد
نور: ايش رايك نروح نقول لنايف
نوف: مالقيتي الا نايف
نور: خلينا نجرب مابنخسر شيء
وراحوا غرفة نايف
طق طق طق طق
نايف: خير غريبة جايين غرفتي
نوف: حبيبي نايف مشتاقين لك وجايين نجلس معاك
نايف: والله قولوا بسرعة ايش عندكم
نور: حبيبي نايف خرجنا والله طفشانين
نوف: الله يسعدك
نايف: طيب بخرجكم بس بشرط
نوف كشرت: وايش هو
نايف: أول شيء بوسي يدي
نور: نايف
نايف: طيب خلاص شرطي تسوي لي كيكية الشوكولاتة
نوف: بس اسوي لك 100 كيكة مو وحدة كم نايف عندي
نايف: كم نايف ولا عشان اخرجكم يلا قوموا
وقاموا نوف ونور وباسوا نايف أمممممممممممممممماه
نايف: خلاص ذبحتوني يلا أنا في السيارة
................................................
في السيارة
دقت سارة على نوف
نوف: هلا والله بسارة
سارة: كيفك
نوف: تمام وانتي
سارة: بخير وينك في السيارة
نوف: ايوه نايف بيمشينا ايش رايك نمر عليكم
سارة: لا خلي نايف ياخذ راحته معاكم
نايف: لا عادي ياسارة أنا زي أخوكم
سارة وسمر ماعليهم من نايف لانه بعض المرات يخرجوا معاه
نوف: يلا سارة تعالوا معانا والله بننبسط
سارة: اخاف امي ماترضى
نوف: روحي قولي لها ودقي عليه بسرعة
سارة: طيب
وراحت سارة وقالت لامها وسمحتلهم انهم يخرجوا
سارة: الو
نوف: ها بشري
سارة: خلاص وافقت
نوف: طيب يلا انزلوا احنا قريب منكم
سارة: مسرع
نوف: ياحبيبتي انا عارفة انه خالتي بتوافق يلا بسرعة
سارة: أوكي
وصلوا نايف واخواته عند سارة
ودخلت سارة وسمر السيارة
سارة وسمر: السلام عليكم
نايف+نوف+نور: وعليكم السلام
نايف: كيفكم
سارة : بخيير
سمر: كيفك نايف
نايف: مين سمورة هلا والله اشوف السيارة منورة
سمراستحت: منورة بأصحابها
نور: الله الله ايش هذا الكلام الحلو وليه ماتقولنا احنا كذا
نايف: خاص هالكلام لبعض ناس
سارة في قلبها ياليتك يابدر تقولي كذا
نوف: يعني منورة بس بسمر وليه سارة ايش فيها
نايف: مافيها شيء حلا حلا
الكل: ههههههههههههههههههههههههههههههههههههه
وهنا دق جوال نوف
نوف: الوو
بدر: الووووووووووو وينكم
نوف: الناس تسلم اول
بدر: سلام
نوف: وعليكم
بدر: وينكم
نوف: نتمشى
بدر: مع مين
نوف: اوففففف مع نايف ومعانا سارة وسمر
بدر: اهاااا طيب وين بتروحون
نوف: ليه
بدر: عشان بجيكم
نوف: مو تقول مشغول
بدر: مو شغلك
نوف: اهااااا
بدر: وين بتروحون
نوف: لحظة وسالت نايف
نايف: بكيفكم وين بتروحون
نور: ودينا الملاهي
نايف: اوكي
نوف: بدر بروح الملاهي
بدر: اوكي
واتفق بدر مع نوف انه يجيهم في الملاهي
بدر في قلبه: فرصة سارة هناك على الاقل اشوفها ولو من بعيد..
.................................................. ..
ياترى ايش اللي بيصير في الملاهي ؟؟؟؟؟


================================
&&& الجزء الحادي عشر &&&

في الغرفة كانت خلود جالسة وتفكر في فهد
خلود: انا السبب المفروض اسمع كلام لينا واقوله اني احبه
(خلود من فترة قالت لصحبتها لينا على حبها لفهد وصحبتها ماصدقت وجلست تبكي على حالها وخصوصا لمن ورتها رسائل كانت خلود كاتبتها
فحزنت لينا على خلود واقترحت عليها انها تكلمه وتصارحه في حبها)
لينا: خلود دام انك تعرفي رقمه ليه ماتدقي عليه وتصارحيه بحبك
خلود: ايش تقولي مجنونة انتي مستحيل اسوي كذا وافرضي راح وقال لسامي والله لغير يطين عيشتي
لينا: خذي منه في البداية وعد انه مايقول لاحد
خلود: لا انا كمان خايفة منه يردني واروح انصدم
لينا: ياحبيبتي لو ماتصارحيه دحين لمن بيتزوج حتنصدمي اكثر
خلود: والله يالينا خلاص انا تعبت ومن جد انا شايلة هم يوم اسمع انه تزوج
ورجعت خلود تبكي اااااااه ياليتني صارحته ياليتني بس دحين ايش اللي بينفعني فهد تزوج خلاص ااااااااااااااااه ياربي
............................................

بدر كان في سيارته ويفكر في سارة
بدر: ااااااه ياسارة والله طفشت من تطنيشك ليه لين متى معقولة ماتحبني بس مدري ليه حاس انها تحبني طيب ليه انا مأقول لنوف يمكن تساعدني
لا نوف متسلطة وبتجلس تتريق عليه طيب ايش اسوي والله تعبت بعدين انا كبرت لين متى بجلس عزوبي معاهم حق امي وابويه لمن يلوموني اللي مثلي عندهم أولاد .........................
.................................................. .....

نوف: سارة خلينا نلعب المقص
سارة: لا حبيبتي انا صح جيت معاكم بس تعرفين انا مالعب أي لعبة
نوف: ياخوافة
سمر: يلا نوف نروح احنا خليها هنا هذه الخوافة
سارة: دخيلك انتي
نور: يلا يلا بسرعة قبل ماتحرك
وراحوا نوف وسمر ونور يلعبوا وتركوا سارة لوحدها
وخلوا شنطهم عند سارة وبعد ماراحوا دق جوال نوف وطلعته سارة وشافت بدر يتصل بك
سارة: ياربي ايش اسوي دحين
وقفل وشوي دق مرة ثاني ومرة ثالثة كمان
سارة: اوفففف خلاص ارد احسن
سارة: الووووووووووو
بدر: وجعععع ليه ماتردي من بدري
سارة: .......................
بدر: الووووووووو نوف ردي
سارة: أنا سارة مو نوف
بدر: مين سارة هلا والله اسف حسبتك نوف
سارة:لا عادي
بدر: وين نوف
سارة: راحوا يلعبوا كلهم
بدر: وليه انتي مارحتي معاهم ولا تخافي هههههههههههه
سارة: ها لا مااخاف بس لازم وحدة فينا تبقى عشان شنطتنا
بدر: اهااااا طيب سارة اذا مافي كلافة ممكن تجيني عند الباب
سارة انفجعت: ليه
بدر ضحك: هههههههه لا بس هما ماحيدخلوني لوحدي تعالي عشان تدخليني معاكي
سارة: طيب
وقفل بدر
سارة: ياربي ايش هذا والله استحي منه
وبعد تردد راحت سارة عند الباب
ودخلوا بدر وسارة مع بعض
بدر: اسف تعبتك
سارة: لا عادي
وراحوا عند البنات لقوهم لسه يلعبوا
سارة: شكلهم عادوا اللعبة
بدر: ايش رايك نروح انا وانتي نلعب
سارة ارتبكت: هاا
بدر: ههههههههه ايش فيكي تخافي
سارة: لا ماخاف
بدر: طيب يلا
سارة: طيب
وراحوا سارة وبدر ولعبوا
بدر: ايش رأيك نلعب قطار الموت
سارة في قلبها: مجنون هذا قطار الموت ياويلي والله انا اخاف بس مستحيل ابين له اني اخاف
بدر: سارة يلا
سارة: يلا
ولعبوا بدر وسارة وطول اللعبة سارة تصارخ وبدون ماتحس حضنت بدر
سارة: بدر انا خايفة احس اني بطيح
بدر: ليه انتي تخافي
سارة: ها لا لا ماخاف
بدر: طيب تمسكي فيه كويس لا تطيحي هههههههههههههههههههه
سارة: ياربي لا تخوفني
بدر في قلبه: الله يستر شكلها خوافة اخاف يصير فيها شيء الله يستر
وبعد ماخلصت اللعبة نزلوا بدر وسارة وكان سارة دايخة
بدر: سارة ايش فيكي
سارة: احس اني برجع
بدر: ايش بسرعة تعالي
وجاب لها كيس ورجعت في سارة( يعني شيء يقضي الحاجة) وبعدين جابلها موية ومناديل
سارة: بدر انا اسفة
بدر: انا اللي اسف المفروض مااجبرك
سارة: ماجبرتني ولا شيء انا اللي براحتي لعبت
بدر وهو يغمز: عليه سارة طلعتي خوافة اعترفي
سارة استحت: صراحة بدر انا اخاف وحاولوا فيه البنات بس مارضيت بس معاك ماحبيت ابين اني اخاف
بدرانبسط: ليه
سارة في قلبها: انت الوحيد اللي مااقدرك ارفض لك طلب لاني احبك
بدر: سااااارة
سارة: هاا
بدر: ماجاوبتي على سؤالي
سارة: لا زي ماقلت لك استحيت منك
وجوا البنات
نوف: بدر متى جيت
بدر: من زمان ولعبنا انا وسارة ويغمز لسارة
نوف: ايش ماشاء الله وليه لمن أقولك تعالي معانا ماتجين ايش معنى بدر
بدر: مو شغلك
نوف: تعالي سارة بقولك شيء
وأخذت نوف سارة بعيد شوي
نوف: بسرعة قولي ايش اللي صار
وحكت سارة نوف اللي صار لها
نوف: والله انك هبلة كان قولتي له أي عذر
سارة: والله مدري بس وقتها ماجاء شيء في بالي
نوف: وانتي دحين كيفك
سارة: لا الحمد لله لمن رجعت ارتحت
نوف: الحمد لله يلا نروح عندهم
ولعبوا البنات مع بدر ونايف اللي كان مع صاحبه اللي لقيه في الملاهي بعدين رجعلهم ولمن شاف بدر عندهم استأذن منهم وراح وترك البنات مع بدر وانبسطوا كثير مع بعض
بدر: ايش تبغوا تتعشوا
نور: بدر مانبغي نتعشى هنا ودينا تشيلز
نوف: ايوه احسن ولا ايش رأيك سارة
سارة استحت: براحتكم
بدر:طيب يلا
وراحوا تشيلز وتعشواهناك
في السيارة
نور: بدر شغل اغنية اه ونص
بدر: نشوف الضيوف ايش يبغوا
سمر: انا مع نور
بدر: وسارة
سارة: أي شيء
شغل بدر اه ونص وقعدوا البنات يصفقوا ويضحكوا وانبسطوا كثير لين لمن وصلوا بيت سارة
سارة: يلا مع السلامة اسفين تعبناكم معانا
بدر: لا عادي عيدوها مرة ثانية
سمر: بااااااااااااااااي
نوف+بدر+نور: بااااااااااااااااااااي
بعدين سارة تذكرت اللي صار لها مع بدر
سارة: شكرا يابدر
بدر: على ايه
سارة: على اللي صار في الملاهي
بدر: اه ماسويت الا الواجب وهنا دق جوال بدر
وبدر بالغلط فتح السبيكر بعدين بسرعة قفله بس سارة والبنات انتبهوا وسمعوا صوت جوليا وسكرت سارة باب السيارة بسرعة ودخلت بيتهم
بدر: الوووو
جوليا: الووووووووو كيفك حبيبي
بدر: اهلييييييين بعدين اكلمك خلاص
جوليا: اوكي
وقفل بدر
نوف في قلبها: الله يعينك ياسارة اكيد بتقلبها بكا دحين
::::::::::::::::::::::::::::::::::::::::::::::::::

سارة كانت في غرفتها تبكي على حبها اه يابدرياربي مين هذه اللي كلمها بدر معقولة حبيبته أكيد حلوة أأأأأأأأه وصارت تحط كل همومها وعذابها في دفترها اللي معاها من يوم بدأ حبها لبدروتتذكر يوم وعدها بدر وهي صغيرة انها لمن تكبر بيتزوجها وين وعدك يابدر لي وينه وصارت تكتب
وعدك ترى ماهو معي...
وعدك نسيته.. وانتهى...
وعدك غدى حلم السنين اللي مضت..
ياما كتبت اسمك مع وقتي بوله..
وياما رسمتك صورة الحلم الجميل..
كنت اسأل متى عيوني تلمحك؟؟..
ومتى يديني تلمسك؟
وبسألك..؟
لو زارني طيفك..
أو شفت أنا عيونك..
كيف اللقاء بيكون..
كف الجروح تهون..
كيف الدقايق تبتدي.. وتنتهي..؟
دامك نسيت موعدي
وش لي بقى؟
غير السهر..
غير الدموع..
غير اني أذكر مامضى
غير اني اكتب موعدي
ضمن الحروف التايهة
ياموعدي.. ليتك معي..
او ليتني.. انسى بقايا موجعي
ياموعـــــــــــــدي.....

سارة: هههه هو نسي الوعد وبس هو نساني انا كلي
أههه لازم احاول انسى ماراح يفيدني اللي انا أسويه بدر ماراح يحبني انا اللي من البداية توهمت هذا الحب أنا اللي بنيت لي أحلام وأمال صعب تحقيقها صعب اهههههه لازم أنسى لازم بس اللي صار في الملاهي على ايش يدل اكيد هو ماسوا كذا الا لاني كنت لوحدي معاه لو كان في نوف ماكان كلمني وصارت تتذكر لمن حضنت بدر وهما في اللعبة وتذكرت ريحة عطره وانفاسه برغم خوفها الا انها حست بإحساس حلو وهي قريبة منه بس فوق كذا لازم أحاول اتناساه
.................................................

خلود: سام حبيبي خرجنا والله طفشت وانا في البيت
سامي حاس باخته وخصوصا حالتها في الفترة اللي مضت
سامي: خلاص كم خلود عندي
خلود: تسلم حبيبي الله يخليك لنا
عهود: يعني بس خلود
سامي: افا كلكم عينين في راس
خلود: وجعع هذي تساويني
عهود: والله اني احسن منك
سامي يضحك على أخواته الله يرجكم
أم سامي: ايش فيكم انتوا بس تتناقرون الله يخسكم
سامي: خلاص انتي وهي ترى اعصب ومااخرجكم
أم سامي: ايه لاتخرجهم مايستاهلون
خلود: لا خلاص والله طفشانين
خلود: الا نسيت اسألك امي ايش رايك بنوف
أم سامي: مين نوف
خلود: امي نسيتي البنت اللي وريتك هي في ملكة ريم اللي صدمت بسامي في السوق
أم سامي: اه تذكرتها ماشاء الله عليها جمال وادب
خلود: ماشاء الله عليها
سامي: وايش جابها ملكة ريم
خلود: طلعت ريم صاحبتها شف سبحان الله الصدف
عهود: انا عجبتني صاحبتها مررررررة حلوة ماشاء الله
خلود: قصدك سارة ايه حلوة وطيبة مرة بس شوي خجولة مو زي نوف
أم سامي: هي نوف مخطوبة
خلود: والله مدري ماسألتها
سامي: ليش السؤال ترى اذا عشاني انا ماابغى اتزوج قلت لكم من زمان
ام سامي: يمكن مو قصدي عليك
سامي: اجل مين مافي الا انا وعبد الرحمن عيالك وعبد الرحمن صغير يعني مافي الا انا واذا قصدك عليه اقولك ريحي نفسك ماابي
أم سامي: يمه منك اكلتني لا عندي عريس لها موانت ارتاح
سامي: يعني بتشتغلي خاطبة
البنات: هههههههههههههههههههههه
ام سامي: هين تتريقون عليه طيب اوريكم
خلود: لا مانتريق والله
سامي: امي لاتزعلين امزح خلاص غيروا السالفة
أم سامي: انا اقدر ازعل عليكم
سامي: ايه تسلمين ياحلوة الا اقول اعتذرتي لخالتي عشان ماجيت
أم سامي: ايه اعتذرت لها
خلود لقيتها فرصة: الا فهد صاحبك تزوج مين
سامي: ليه فهد تزوج
خلود: سامي ايش فيك
سامي: مين قالكم انه تزوج
أم سامي: مو انت رحت زواجه يوم ملكة ريم
سامي: اه لا ذاك اليوم كان زواج صاحبي وليد
أم سامي: شكلي سمعت غلط
عهود: ههههههههههه يلا يمكن فال خير له
أم سامي: صادقة يمكن
خلود فرحت كثير: عن اذنكم بروح غرفتي
سامي: متى تبغون تخرجون
عهود: اليوم
سامي: أي ساعة
خلود: بكيفكم اتفقوا وقولوا لي باااااااااااااي
سامي: ايش فيها هذي قامت
أم سامي: مدري عنها وراها شيء بس ماتبغى تقولنا
سامي: سيبوها في حالها لاتضغطون عليها
ام سامي: مو احنا مخلينها على راحتها
وخلود في غرفتها مبسوطة مرة
خلود: الحمد لله فهد ماتزوج الحمد لله انا لازم اسوي شيء عشان فهد يدري بحبي له ماراح اخليه يضيع من يدي بس ايش اسوي اتصل عليه ولا لا والله محتاره
.................................................. ..

بعد مرور شهر من الاحداث السابقة
قربت امتحانات نص السنة والكل مو فاضي يذاكروخصوصا سارة ونوف
لانهم اخر سنة في الجامعة
في الجامعة
سارة: نوف ايش فيكي اليوم
نوف: تصدقي سارة ماابغى السنة تمر
سارة: لا انشاء الله تمر بسرعة والله طفشت
نوف: انا مو عشان الدراسة خايفة تمر وبدر مالحق يقنع ابويه على زواجي من يوسف
سارة: لاتشيلي هم حبيبتي انشاء الله بيقدر
نوف: انشاء الله
وقاموا نوف وسارة وراحوا مكان اختباراتهم
وجات0إجازة نص السنة
نور: اوف اخيرا اجزنا
نوف: عاد اللي يشوفك يقول الإجازة الكبيرة كلها اسبوعين وراجعين
نور: على الأقل ننبسط فيها شوي والله طفشت
نوف: من دحين طفشتي الله يعينك على ثالث من جد بتطلع عيونك
نور: لمن تجي هذيك السنة يحلها الف حلال خليني انبسط دحين لاحقين على الهم
نوف: من قدك محد بيجبرك على شيء
نور: نوف انتي قصدك يوسف
نوف: في غير هذه السالفة اللي منكدة عليه عيشتي
نور: كمان ابويه هذا مدري ايش فيه الناس تطورت وهذا لساته على حركات الاوليين
نوف: وانا الضحية
نور: الله يساعدك
نوف: اميييييين
..................................................
نروح ليوسف طبعا شك نوف بيوسف كان في محله لانه يوسف انسان يسكر ومتعرف على بنات كثير ودايما يتجمعون في شقة وطبعا هذه الشقة فيها انواع المعاصي ( العياذ بالله)
يوسف : اقول منى قومي ارقصي
منى: من عيوني
وراحت منى ولبست بدلت رقص ماغطت شيء من جسمها وصارت ترقص والبنات والشباب يصفقون لها وهم سكرانين ويتمايلوا على بعض وحالتهم حالة
( الله يعينك يانوف)
..........................................
رجع يوسف البيت وهو سكران وشافته مي وانفجعت منه كان يغني ويتمايل يادوب يمشي
مي: ياويلي يايوسف وصلت للخمر
ودخلت مي بسرعة غرفتها عشان مايشوفها
مي: ياويلي لو يدرون امي وابوي بيروحون فيها الحمد لله انهم نايمين
والله بتتزوجي يانوف خمار هههههههههههههههههههههههههههههههههههههههههههههههههه ههههههه
..................................................

&&& الجزء الثاني عشر &&&انتهت إجازة نصف السنة وبدت الدراسة
في الجامعة
نوف: ريم كيف الحبيب
ريم: وااا لاتسأليني بمووووووووووووووووووت
مها: شكلها اختنا حالتها حالة
ريم: انصحكم يابنات اتزوجزا
سارة: هذي من ملكة تقول كذا اجل كيف لو اتزوجت
ريم: والله الحمد لله مبسوطة كثيرمع خالد الله يخليه ليه ولايحرمني منه
نوف بحسرة: اهم شيء الوحدة لمن تتزوج تتزوج واحد راضية به مو تتغصب عليه عشان تعيش بسعادة وتحس انها ملكة على بيتها وعلى قلب زوجها اللي يحبها وتحس معاه بالامان والراحة مو تعيش بعذاب وخوف من مستقبل مغلف بالخوف والرهبة وحياة كريهة
البنات كلهم كانوا يطالعون بنوف ومنسجمين معاها وطبعا كلهم مايدرون عن اللي في قلب نوف ماعد سارة اللي لاشعوريا قامت وراحت عند نوف وحضنتها وصاروا نوف وسارة يبكون بكاء خلوا كل البنات تدمع عيونهم
نوف تبكي على حالها وسارة تبكي برضو على حالها وعلى حال صديقة عمرها نوف اللي زي اختها واللي دايما كانت تتمنى انها تعيش بسعادة
ريم: نوف سارة ايش فيكم حرام عليكم بتبكونا معاكم
مها: حبيتي نوف انشاء الله ولا وحدة فينا تتغصب على احد قولوا اميييييين
كلهم: اميييييييييييييييين
وقامت مها تدغدغ نوف عشان تضحك وصارت نوف تضحك ومسحت دموعها بعدين مسكت وجه سارة ومسحت دموع سارة بيدها وبعدين حضنوا بعض
ريم: الله يديم المحبة بيننا
البنات: امييييييييييييييين
وصاروا كل البنات يصفقون ويضحكون الا وحدة كانت مسرحة وتفكر وعيونها مليانة دموع بس كانت ساكنة في عينها واللي هي عيون صحبتهم ندى
سارة انتبهت لندى
سارة: ندى حبيبتي ايش فيكي
ندى:.....................
مها: ندى ردي
وشوي والا ندى تبكي وبسرعة تقوم من عند البنات عشان مايشوفو دموعها
مها: بسم الله ايش فيها
ريم كانت ساكتة هي عارفة باللي في ندى لكنها وعدت ندى انها ماتقول لأحد
سارة: يمكن متضايقة
مريم: بس ماكان فيها شيء اول
ريم: سيبوها في حالها يمكن متضايقة
نوف: انا بقوم اشوف ايش فيها
سارة: سيبيها يمكن ماتبغى تقول لاحد
مها: ايه صح ترى ندى كتومة شوية
نوف: انا بحاول لو مارضيت براحتها مابجبرها مدري احس اني انا السبب في اللي صار لها
مها: كيف يعني
نوف: يمكن من كلامي
.................................................. ..........

بدر كان يفكر بسارة واتذكر اللي صار له معاها في الملاهي وقرب سارة منه
بدر: اه ياحلاة القرب منها قد ايش حسيت بالحنان يوم حضنتني يارب يجمعني بيكي ياسارة حتى تكتمل حياتي اللي ناقصة من دونك ااااااااه يناس احبها واموت فيها الله يحفظك ياسارة ان لازم اخطبها خايف تضيع مني هي حلوة وطيوبة والف واحد يتمناها
..................................................
راحت نوف عند ندى ولقيتها جالسة على كرسي وقاعدة تبكي
حطت نوف يدها على كتف ندى وعلى طول ندى ارتعشت ورفعت راسها
نوف: ندوج حبيبتي ايش فيكي
ندى: ايش اقول
نوف: قولي لي اللي بقلبك واوعدك اللي بتقوليه ليه ماراح يطلع من بيننا انا وانتي
ندى: كلامك يانوف اثر فيه
نوف: والله حسيت
ندى: كلامك يانوف كله ينطبق عليه كأنك حاسة باللي فيه
نوف: ليكون مجبورة على احد
ندى: ايوه اخوي جبرني اني اتزوج صاحبه
نوف انفجعت: ندى انتي متزوجة
ندى: ايوه
نوف: من متى
ندى: من من شهرين ونصف
نوف: وهو صاحب اخوكي
ندى: ايوه انتي زي ماتعرفي انا ماعندي ابو واخويه الكبير هو ولي امري وهو غصبني اني اتزوج صاحبه
نوف: طيب يمكن صاحبه طيب اعطي نفسك فرصة تتعودي عليه
ونوف في قلبها: انتي ادرى وحدة بأنو الوحدة مستحيل تعيش مع احد ماتبغاه وقاعدة اواسيها وان اكثر منها معاناة
ندى: عبد الله طيب
نوف: ليه ايش فيه
ندى: ايش اقولك يانوف
نوف: ندى لو ماتبغي تقولي ترى عادي مو لازم
ندى: لا والله عادي شوفي انا صح اني تجبرت على عبد الله لكن في النهاية سلمت امري لله وقلت يمكن يكون طيب وانا ظالمته وفي الملكة اثبتلي عبد الله اللي قلته عنه بأنه طيب وكمان لمن تزوجنا الشهر الأول عيشني بسعادة من جد ماأقدر اوصفها لكن من يوم خلصنا 30 يوم من زواجنا انقلب عليه وصار يجرحني ويهينني ويصبحني ويمسيني بكف
نوف: معقولة
ندى: واكثر من كذا تخيلي لمن دري اني حامل رفسني ببطني لين ماسقطت الجنين
نوف: اييييييش لا لا كل هذا واحنا محنا حاسيين فيكي
ندى: وانتوا ايش دراكم انا ماقلت لاحد الا ريم
نوف: اها اشوفها ريم ساكتة يوم قمتي
ندى: ايوه انا قلت لريم بس قلت لها لاتقولي لأحد
نوف: ودحين انتي ايش مسوية معاه
ندى: على حالي والله مابيدي حيلة
نوف: طيب كلمي اهلك امك اخوانك
ندى: هههه امي مابيدها حيلة وانا ماعندي الا اخويه الكبير ووحدة اخت
نوف: الله يعينك طيب هو فيه شيء يمكن معاه حالة نفسية
ندى: مدري عنه انا مااكلمه مطنشته
نوف: بس انتي لازم تكلميه تعرفي منه ليش يسوي كذا
ندى: انا مشكلتي اخاف منه مقدر اكلمه لانو دايما معصب وانا اخاف اني يضربني
نوف: والله مدري ياندى الله يهديه
ندى: اميييييييين الا بسألك انتي ايش فيكي حاسة انه عندك شيء من كلامك اللي قلتيه اول
وحكت نوف ندى عن يوسف
ندى: انصحك يانوف انك تحاولي ماتتزوجيه والله بعدين يتندمي انتي لسه على البر
نوف: انا قلت لأخويه وهو بيحاول والله يعينني ماليه الا اني اصبر عسى ربي يفرجها عليه وعليكي
ندى: امييييييييين والله اني ارتحت شوية لمن فضفضت عن اللي في قلبي لكي
نوف: تسلمين حبيبتي والله لايحرمنا من بعض
ندى: امييييييييين
نوف: يلا قومي نروح التواليت تغسلي وجهك وبعدين خلينا نروح عند البنات
ندى: يلا
..................................................

في بيت ابو يوسف
كانت العيلة متجمعة
يوسف: ابويه متى بملك على نوف
مي: مرررررررررررة مستعجل الاخ
يوسف: مو شغلك فاهمة
أبو يوسف: هي مو تبغى الزواج بعد ماتتخرج
يوسف: ايوه صح بس خلاص باقي شهرين وتتخرج وانا ابي الزواج على طول
ام يوسف: لا على طول ماينفع البنت يدوب تخلص على طول بتتزوج لازم تأخذلها وقت ترتاح فيه
يوسف: انا مستعد اريحها بس تتزوجني
أبو يوسف: مافي الا اني اشور ابو بندر ونشوف متى يبغون الزواج
يوسف: وكلمه على الملكة
ابو يوسف: خلاص انشاء الله بدق عليه وأشاوره
مي: الله يعينك ياخوي على نوف وثقالة دمها اوف ياربي مدري كيف بعيش معاها
ابويوسف: مي عيب عليكي هذي بنت عمك
أم يوسف: وانتي ايش عليكي فيها
مي: اوف مااطيقها وانتم شكلكم بتطولون في سالفتها خليني اروح غرفتي ماني طايقة اسمع اسمها
يوسف: احسن لكي
وراحت مي غرفتها
مي: خليني ادخل النت احسن لي اوفففف طفش
ودخلت النت وكان مي تكلم صاحبتها سمية على الماسنجر
وشوية الا احد يدخل عليها

&& مرسول الحب &&
السلام عليكم

^^ احلى بنت في الكون ^^
مين

&& مرسول الحب &&
ردي السلام ترى السلام لله

^^ احلى بنت في الكون ^^
وعليكم السلام مين معاي

&& مرسول الحب &&
معاكي ياسر

^^ احلى بنت في الكون ^^
مين ياسر انت تعرفني

&& مرسول الحب &&
ممكن اتعرف عليكي

مي: خليني اتعرف عليه ايش بيسوي ليه يعني وكمان انا طفشانة

^^ احلى بنت في الكون ^^
ايوه ممكن معاك مي

&& مرسول الحب &&
هلا مي عاشت الأسامي

^^ احلى بنت في الكون ^^
تسلم

&& مرسول الحب &&
مي كيفك

^^ احلى بنت في الكون ^^
بخير وانت كيفك

&& مرسول الحب &&
انا بخير دامك بخير

&& مرسول الحب &&
مدري ليه احس انك احلى بنت في الكون >>>>> الله على البكش

^^ احلى بنت في الكون ^^
تسلم ياقلبي
&& مرسول الحب &&
أموووووووووووووت انا

وظلوا ياسر ومي على الماسنجر حوالي 3 ساعات

^^ احلى بنت في الكون ^^
وي ياسر الصراحة الوقت مر معاك بسرعة ودحين انا استاذن

&& مرسول الحب &&
والله ماينمل منك بس براحتك متى نتقابل

^^ احلى بنت في الكون ^^
امممممممممممم خلاص بكرة ايش رأيك

&& مرسول الحب &&
اوكي بااااااااااااااي حبي

^^ احلى بنت في الكون ^^
بااااااااااااااااااي

وقفلت مي النت وهي تفكر بياسر وكلامه
مي: والله اسلوبه مررررة حلو يلا لقيت لي شيء يسليني
.................................................

في البيت كانت نوف مررررررة مضايقة من اللي صار لندى
نوف: ندى الناعمة اللي دايما في حالها يصير لها كذا
بدر: بسم الله جنت البنت تكلم نفسها
نور: الحقها يابدر حرام البنت بتضيع مننا
بدر+ نور: هههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه هههه
نوف مااستحملت وصارت تبكي
بدر ونور انفجعوا وتوقفوا عن الضحك
بدر: نوف حبيبتي ايش فيكي
نور: نوف والله نمزح
نوف: اصلا محد فيكم حاس فيني كل واحد مشغول بنفسه مافي الا سارة هي اللي تشاركني همومي وتسال عني
بدر: افا نوف ليه تقولي كذا وانا رحت فين
نوف: انت
بدر: ايش فيكي قولي ليه ايش صار لكي
نوف: انت عارف ايش فيني
بدر: قصدك زواجك
نوف: ايوه في غيره منكد عليه
بدر: وتحسبيني ناسيكي لاتخافين انا بكلم ابويه
نوف: متى
بدر: في الوقت المناسب
نوف: خلاص مابقي شيء كلها شهرين واتخرج اكيد يبغون الزواج على طول
بدر: مو على كيفهم
نوف: والله انك مسكين الا على كيفهم متى ماحددوا ماراح ابويه يقلهم لا
بدر: خلاص انا انشاء الله الايام هذي اكلم ابويه
نوف: الله يخليك يابدر والله اني خايفة
بدر: لا لا تخافين ودحين قومي غسلي وجهك ويلا بخرجكم
نوف: لا بدر ماليه نفس اخرج
نور: نوف يلا عشان تغيري جو
بدر: على شان خاطري
ابتسمت نوف: طيب مقدر ارفض لك طلب
بدر: تسلمين ياقلبي ويلا انا في السيارة انتظركم
.................................................. ......

سارة جالسة مع ابوها وامها بعد مانادوها
سارة: خير يابويه
أبوسارة: خير انشاء الله سارة انا بتكلم على طول انتي متقدم لكي عريس وفكري زين قبل ماترفضي
ام سارة: يابنتي انتي كبرتي دحين وكم مرة تقدمولك عرسان وترفضي وهذه ماشاء الله عليه من كلام ابوكي عنه ماينعاب
سارة: ........................
ابو سارة: انتي فكري براحتك واعطيني رايك عشان يجيوا
سارة: طيب انا افكر واردلكم
ام سارة فرحت: خذي راحتك حبيبتي والخير يقدمه لكي ربي انشاء الله
سارة: انشاء الله ودحين عن اذنكم رايحة غرفتي
أبوسارة: تفضلي حبيبتي
وراحت سارة لغرفتها وهي تفكر
سارة: حرام عليه اللي اسويه في امي وابويه هما يبغوني اتزوج ويشوفون عيالي وان لساتي معلقة نفسي باوهام اصحي ياسارة بدر مايحبك ولا يهتم فيكي وانتي بنفسك سمعتي البنت اللي يكلمها وبرضو مصرة على حبك
مافي الا اني اتزوج يمكن مع الايام بنسى انا اصلي استخارة لربي وربي انشاء الله يدلني على طريق الخير
.................................................. ................

نروح لبدرونوف ونور
بدر طلعهم الكورنيش ودحين هم جالسين على البحر ومستمتعين بالجو
بدر: ها نوف كيف نفسيتك دحين
نوف: الحمد لله شوية
نور: نوف بقولك شيء
نوف: قولي
نور: مدري ليه عندي احساس انه يوسف ماحيتزوجك
نوف: انشاء الله احساسك يكون صح
نور: انشاء الله
بدر: ياربي على اللي يحسون
نور: ههههههههههههههههههههههههههههههههه
وبعدين سكتوا وكل واحد فيهم يفكر
بدر في قلبه: خلاص انا تعبت لازم اتكلم وجات الفرصة خليني اقول لنوف ونور واشوف رايهم
بدر: بنات اسمعوني بقلكم شيء
نوف: تفضل سامعينك
نور: كلنا اذان صاغية
بدر: ههههههههه انا قررت اتزوج
نور: كلللللللللللللللللللوش
بدر: اسكتي فضحتينا
نور: والله فرحانة اخيرا بتتزوج
بدر: ايوه اخيرا وانتي نوف ايش رايك اشوفك ساكتة
نوف: الله يوفقك انشاء الله
بدر: امييييييييييييين
نور: ومين العروسة
نوف: ليكون صحبتك
بدر: أي صحبة
نوف: انا اسفة بدر بس اول سمعتك تكلم وحدة اسمها جوليا
بدر: اها جوليا لا مابتزوجها
نور: مين جوليا هذي
بدر حكاهم عن جوليا وكيف اتعرف عليها
بدر: يعني هي بس صديقتي في الغربة بس هي تتصل فيه ولا عليه مادق عليها هي اللي تسأل عني
نور: خلاص ولا يهمك نقول لأمي وندور لك على عروس
بدر: العروسة موجودة
نور ونوف: مين هي
بدر: ايش رأيكم بسارة
نوف انصدمت: مييييييييييييين سارة
بدر: ليه ايش فيها
نور: ماشاء الله عليها سارة مافيها شيء
نوف: لا بس ماني مصدقة اخيرا يابدر
بدر: اخيرا ايش
نوف: اخيرا بتتزوج سارة
بدر: صراحة انا احس انها مناسبة ليه
نوف: والله مابتلاقي احسن من سارة زوجة
بدر: خلاص انا اليوم بكلم ابويه وامي
......................................
كانت خلود في بيت صحبتها لينا وحكتها كل اللي صار لها لمن سمعت انه فهد تزوج
لينة: خلود لو فهدطلع ا تزوج ايش بتسوي
خلود:والله مدري بس من جد كانت حالتي في الفترة هذيك زفت كنت ماني طايقة احد
لينة: انا اشوف انك تلحقي نفسك لايضيع منك
خلود: والله انا محتارة
لينة: طيب ليه ماتقولي لسامي
خلود: ايه مجنونة انتي
لينة: ليه طيب
خلود: ياحبيبتي سامي مايحب هالحركات
لينة: والله احترت معاكي
خلود: خلاص مافي الا اني اكلمه
لينة: انا صح ياخلود مااحب هذي الحركات انك تكلمي واحد بس والله انتي محزنتني
خلود: يعني انا اللي هاينة عليه نفسي والله احس اني اللي بسويه مذلة بس والله انا احب فهد ونفسي الله يجمع بيننا
لينة: خلاص كلميه وخذي منه وعد انه مايقول لسامي
خلود: اكلمه دحين
لينة: بكيفك
خلود: احسن اكلمه عندك في بيتنا ماينفع هنا اخذ راحتي
ومسكت خلود الجوال ودقت على رقم فهد
.................................................. .........

&&& الجزء الثالث عشر &&&

ومسكت خلود الجوال ودقت على رقم فهد
فهد: الووووو
خلود: الوو السلام عليكم
فهد: وعليكم السلام
خلود: ممكن اكلم فهد
فهد استغرب: معاكي فهد
خلود: اهلين فهد كيفك
فهد: بخير بس مين معايا
خلود: انا خلود
فهد: مين خلود
خلود: بعدين اقولك انا مين بس انا بقولك شيء ممكن تسمعني
فهد: قولي
خلود تكلم لينة: بداية طيبة
فهد: ايش تقولي
خلود: ها ابقولك انا انا انا
فهد: انتي ايه
خلود: انا احبك
فهد: ايش طيب مين انتي شكلك غلطانة
خلود: لا ماني غلطانة مو انت فهد ال........
فهد: ايوه انا بس انتي مين
خلود: قلت لك بقولك بعدين انا مين بس دحين بوضحلك شيء
فهد: تفضلي
خلود: فهد انا ماانكر اني غلطانة باللي سويته لكن والله تعبت وانا كاتمة حبك تصدق اني احبك ليه سبع سنوات
فهد: اقول شكلك قاعدة تلعبي عليه
خلود: فهد حرام عليك والله انا صادقة وصارت خلود تبكي
فهد في قلبه: مين هذي وصح هي تحبني
فهد: خلود لاتبكي كملي
خلود ارتاحت : فهد انا بقولك كل شيء بس اوعدني اذا كلامي ماعجبك انك ماتجرحني
فهد: ...............
خلود: اوعدني
فهد: اوكي اوعدك
وحكت خلود فهد كيف حبته وفهد قاعد يسمع لها ومو مصدق معقولة اللي تقوله صح
فهد: صراحة خلود انتي فاجأتيني ماني عارف ايش اقولك
خلود: انا عارفة وصدقني ماكنت بقولك بس لمن سمعت بالغلط انك تزوجت صراحة انصدمت وصارت حالتي حالة
فهد: اتزوجت
خلود: الصراحة لمن تزوج وليد انا سمعت بالغلط انه انت بس بعدين لمن عرفت ارتحت كثير وتحسنت حالتي فقررت اني اكلمك واقولك على اللي في قلبي عشان ماتضيع مني
فهد: حتى وليد تعرفيه
خلود: محد يهمني الا انت
فهد: طيب قولي لي انتي مين
خلود: توعدني انك ماتقول لأحد
فهد: اوعدك
خلود: قول والله
فهد: والله العظيم اوعدك مااقول لأحد
خلود: خلاص مصدقتك انا خ خـ ـ ـلود ال....... اخت سامي
فهد: والله
خلود: والله بس الله يخليك لاتقول لسامي
فهد: لا لاتخافي ماراح اقوله
خلود: ريحتني وانا دحين ابغى رايك في اللي قلته لك وصدقني ماراح ازعل انا اهم شيء عندي اني قلتلك وحتى لو صديتني ماعليه لأني احبك وماراح ازعل منك ودحين باااااااااااااااااي
وقفلت خلود على طول وصارت تبكي وصحبتها لينة تهدي فيها
.................................................. .
نوف الدنيا ماهي سايعتها: اخيرا يابدر بتتزوج سارة الله قد ايش بتفرح سارة بالخبرهذا
نوف خرجت من غرفتها وراحت عند اهلها
بدر: ابويه انا بتزوج
ابو بندر: خلاص اكيييييييييد
بدر: ايه اكيد
ام بندر: كللللللللللللللللللللللللللللوش
الكل: هههههههههههههههههههههههههههههههههههههه
أم بندر: اخيرا بشوفك عريس كللللللللللللللللللوش
بدر: ههههههههههههه شايفة كيف
نايف: الحمد لله اخيرا بتنقلع عشان اشوف حالي
نوف: اخونا ماحسب
نايف: طبعا سنين وهو كاتم عليه
بدر: روح اتزوج احد قلك لا
ابو بندر: لا بنزوجكم مع بعض
نوف: الله يامحلاهم مع بعض
ابو بندر: خلاص انا بكلم ابو يوسف عشان نخطب بنته مي
نوف: مييييييييييييييييييين
بدر: تخطبها لمين
ابو بندر: لك ونايف تدور له امك
بدر: انا مابغى مي
ابو بندر: وايش فيها بنت عمك
بدر: مافيها شيء بس انا ماابغاها>>>>> تعجبني بدر
نوف: اصلا مي ماتنفع
ابو بندر: نوف عيب عليكي هذي بنت عمك
بدر: انا ماابغى مي زوجوها نايف
نايف: ايش لا حبيبي مابغاها فكوني منها >>>>>>> ياليتك تدرين يامي لغير تموتي ههههههههههههههههههههه
ابو بندر: عيب عليكم ايش فيها بنت عمكم
ام بندر: ابو بندر خلاص خلينا نشوف هم يبغون مين
بدر: انا ابغى سارة
أم بندر: والنعم بسارة ينت اجواد
نوف: صراحة سارة مناسبة مرة لبدر
أبو بندر: والله سارة ماتنعاب خلاص اللي تشوفونه
أم بندر: وانت يانايف
نايف: انا ابغى اختها سمر
ام بندر: بس سمر صغيرة عليك
ابو بندر: يابوي هذي صغيرة
نابف: بس انا ابغاها
نوف: احنا نخطبها ونشوف
نايف يرسل بوسة لنوف: اممممممممممممممممممواه دحين احبك
نوف: ههههههههههههههههههههه مصلحجي
ابو يندر: والله بنات محمد مافيهم شيء
نوف: الله سارة وسمر بيسكنون معانا
ام بندر: حتى انتي بتتزوجي
نوف بصوت منخفض: من زينها من زواجة
ابو بندر: صح ذكرتوني اليوم دق عليه اخويه ابو يوسف يسأل متى تبغون موعد الملكة والزواج
نوف: اوفففف انا ماابغى اتزوج يوسف
ابوبندر: نوف ايش الكلام هذا اللي تقوليه
نوف: ابويه حرام عليك لاتغصبني على شيء ماابيه
ابوبندر: ايش نوف اسكتي خلاص الموضوع هذا انتهينا منه ولا قومي روحي غرفتك ماابغى اشوف وجهك

نوف قامت وراحت غرفتها لانها ماهي قادرة تتحمل
بدر: ابويه حرام نغصبها
ابو بندر: بدر تكفى خلاص انتهينا من هذا الموضوع
نايف: بس والله حرام نغصبها بعدين يوسف ماينفع لنوف
ابوبندر: يوسف مافيه شيء رجال وماينعاب بشيء
بدر: بيجي اليوم اللي بيبان فيه يوسف على حقيقته
ابوبندر: سيبوكم من الكلام الفاضي حقكم ومتى تبغونا نكلم اهل سارة
ام بندر: والله بكيفك تبغاني انا اقول لام سارة ولا انت
ابوبندر: لا انتي احسن كلمي ام سارة واذا وافقوا انا بروح اخطبهم رسمي
ام بندر: خلاص انشاء الله
.................................................. ..........

نروح لفهد
فهد كان مستغرب مرة من كلام خلود
فهد: معقولة اللي قالته خلود معقولة هي تحبني اوف والله محتار بس هي ليه تكذب يمكن هي تحبني بس سالفة سبع سنين ماني مصدقها شكلها مزودتها تبغى تستعطفني فيها ماليه غير اني اطنشها انا ماحب هذه الحركات وسامي لو دري اكيد بيزعل بس انا ايش دخلني اخته هي اللي بدت احسن ليه اطنشها عشان ماتصير مشاكل بيني وبين سامي
.................................................. .....
نوف كانت في غرفتها تبكي ودقت عليها سارة
نوف: الو
سارة: نوف انتي تبكي
نوف: ايوه
سارة: ليييه
نوف: في غيريوسف منكد عليه
سارة: ليه ايش سوى كمان
نوف: تخيلي اليوم متصلين على ابويه يسالونه متى نبغى الملكة والزواج
سارة: ياللله الله يعينك
نوف: سارة انا تعبانة احس اني بموت
سارة: لا نوف حبيبتي لاتقولي كذا بتنحل انشاء الله
نوف: ااااااااااااااااااه سارة بعدين اكلمك
سارة: اوكي حبيبتي بس انتي دحين ارتاحي وبعدين قومي صلي لربك وانشاء الله بيهونها عليكي
نوف: اميييييييييييييييين
سارة: يلا مع السلامة الله معاكي
نوف: مع السلامة
وصارت نوف تبكي بعدين حست بنغزة بقلبها وانها ماهي قادرة تاخذ نفس وبعدين اغمى عليها
..................................................
خلود: اه يالينة ماني عارفة ايش اسوي
لينه: الله عليكي سويتيه ودحين ارتاحي والله بيفرجها عليكي
ودق جوال خلود
خلود: هذا سامي ليكون فهد قاله ياويلي
لينة: الله يستر ردي عليه بسرعة
خلود: الوووو
سامي: الو خلود يلا انزلي انا في السيارة
خلود بخوف: انت فين
سامي: خلود انا عند بيت صحبتكي امي قالتلي اجيبك
خلود ارتاحت: اوكي دحين نازلة
لينة: ها ايش يقول
خلود ابتسمت: لا بس امي قالتله يجيني الحمد لله ظننا غلط
لينة: الحمدلله
خلود: يلا بااااااااااااااااااااي
لينة: بااااااااااااااااااااي واتصليبي اذا سار شيء
خلود: اوكي باااااااااااااااي
.................................................. ........
بدر راح لغرفة نوف عشان يشوفها
بدر: نوف فكي الباب
ومحد رد عليه وفتح بدر الباب ولقي نوف على السرير يحسبها نايمة وراح عندها
بدر: نوف حبيبتي نمتي
نوف:.....................
بدر: نوف نوف وصار يحركها ونوف ماترد وكانت يدها ثقيلة وجسمها كله لونه اصفر
وقام بدر شالها بسرعة وطلع من الغرفة وشافته نور
نور: بدر ايش فيها نوف
بدر: مدري عنها دخلت عليها لقيتها كذا بسرعة جيبي عبايتها بوديها للمستشفى بسرعة تحركي
بسرعة نور مشيت وراحت جابت عباية نوف
وهما نازلين شافوهم ام بندر وابو بندر
ام بندر: ايش فيها نوف
بدر: بعدين لازم نوديها المستشفى
ام بندر: اااااااااااااه بنتي وصارت تبكي بروح معاكم
بدر: خلاص الحقوني
ابوبندر كان مصدوم مو عارف ايش يقول
ام بندر: ابو بندر تحرك بنتك بتموت
ابوبندر: يلا انا في السيارة بسرعة
...............................................
سارة كانت خايفة على نوف
سارة: مدري ليه قلبي ناغزني احس نوف فيها شيء الله يستر صوتها مايطمن
ام سارة: سارة مارديتي علينا
سارة: في ايش
ام سارة: على العريس
سارة: والله ياامي ماني عارفة
ام سارة: سارة حبيبتي احنا ماراح نجبرك بس انا وابوكي حاسين انه في سبب عندك حتى ترفضي العرسان
سارة : لا مافيه شيء
ام سارة: سارة حبيبتي كنتي دايما تقولي ليه على اللي في قلبك بس دحين كبرتي وصرتي تخبي عليه
سارة: امي
ام سارة: تعالي حبيبتي نجلس وقولي لي ايش فيكي
سارة: طيب
وراحوا سارة وامها وجلسوا في المطبخ وصبت ام سارة عصير لسارة واعطتها اياه وجلست عندها
ام سارة: يلا حبيبتي قولي ليه عن اللي في قلبك
وحكت سارة امها عن حبها لبدر
ام سارة: ياحبيبتي كل هذا شايلته في قلبك
سارة: امي والله انا تعبت
ام سارة: طيب هو يحبك
سارة: والله مااعرف بس اعتقد انه مايحبني
ام سارة: سارة انا امك وادرى بمصلحتك الافضل لكي انك تبعدي بدر عن تفكيرك مادام هو مايبغاكي لا تفرضي نفسك عليه ترى الزم ماعلى البنت كرامتها واذا لكي فيه نصيب ربي بجيبه لحدك
سارة: والله ياامي انا ماابغى اهين نفسي اكثر من كذا
ام سارة: انتي فكري وترى العريس واهله يستنون موافقتك
سارة: خلاص امي قولي لابويه اني موافقة
ام سارة فرحت وحضنت سارة: مبروك يابنتي الله يسعدك انشاء الله
سارة ابتسمت: الله يبارك فيكي
وتركت سارة امها وراحت غرفتها وماحسبت وصلت غرفتها وصارت تبكي اااااااااااااه يابدر خلاص بدرماحكون لكي انتي اللي بنفسك وافقتي على العريس اااااااه ياربي كيف اعيش مع احد غير بدر ااااااااه يارب ساعدني**** واتذكرت بعدين نوف
سارة: خليني ادق على نوف اطمن عليها وبالمرة اقولها على خطبتي
ودقت سارة على جوال نوف ومحد يرد عليها وحاولت 3 مرات بس مافي فايدة برضو مايرد
سارة قلقت: ايش فيها ماترد يمكن نايمة وازعجتها ادق على بيتهم
ودقت على تلفون بيتهم برضو محد يرد
وبعدين دقت على جوال نور وردت عليها نور
نور: الووووو
سارة: الووو نور اخيرا رديتوا
نور وهي تبكي: سارة
سارة انفجعت: نور ايش فيكي انتي تبكي نوف صح نوف فيها شيء
نور: نوف اغمى عليها وجبناها المستشفى
سارة وهي تبكي: والله كنت حاسة ياحبيبتي يانوف ودحين كيفها
نور: والله كلنا ننتظر الدكتور لسه ماطلع من الغرفة
سارة: انا دحين جاية بأي مستشفى
نور: ماله داعي تعبين نفسك انا بقولك ايش بيصير
سارة: لا لا بجي ايش يصبرني
نور: براحتك
وقالت سارة لامها وابوها اللي انصدموا وبسرعة تحركوا وراحوا للمستشفى
...........................................
في المستشفى
كانوا ابو بندر وام بندر وعيالهم واقفين منتظرين الدكتور
ام بندر: ياربي ايش فيه اتاخر الله يستر
بندر: امي ريحي نفسك دحين يطلع وانشاء الله يطمنا عليها
ام بندر: اميييييين يارب وصارت تقرا قران وتبكي
شوية طلع الدكتور
بدر: خير يادكتور
الدكتور: والله مدري ايش اقولكم صراحة المريضة بغيبوبة وحاولنا معاها لكن محاولاتنا فشلت
ام بندر تبكي: اااااااااااه سترك يارب
بدر: يعني ايش فيها بالضبط
الدكتور: على مااعتقد انها تعرضت لصدمة كبيرة اثرت على قلبها وسببت لها جلطة قلبية
ابو بندر من يوم سمع كلام الدكتور طاح مغمي عليه وعلى طول شالوه واسعفوه
وام بندر ونور يبكون حتى بدر ماقدريمسك نفسه وصار يبكي
بدر في قلبه: نوف الصغيرة اللي لسه في عز شبابها تجيلها جلطة الله يشفيها نوف وردة بيتهم ونوره بتضيع لالالالا يارب اشفيها
ام بندر: كله من ابوها جبرها والمسكينة شايله في قلبها وهي لسه صغيرة اااااااااااااه يابنتي ضيعك ابوكي بعناده
نايف: امي هدي نفسك وانشاء الله بتقوم بالسلامة
ام بندر: امييييييييييييين يارب
وجات نور وطاحت في حضن امها وصاروا يبكون
وجاتهم سارة واهلها

ابو سارة: خير يابدر
بدر: والله ماني عارفة ايش اقولك ياعم
سارة: ايش فيها نوف
بدر: ........................
سارة لاشعوريا قامت تهز بدر: بدرنوف ايش فيها
بدر: نوف في غيبوبة جاتها جلطة قلبية
سارة: لاااااااااااااااااااااااااااااااا وعلى طول طاحت عليهم
ام سارة: سارة اااااااااه الحقوا بنتي
ابو سارة: صار يحرك سارة عشان تصحى
بدر مااستحمل وعلى طول شال سارة
بدر: يادكتور الحقنا
وجاه الدكتور والممرضات تجمعوا وحاولوا يسعفونها
.................................................. .....

&&& الجزء الرابع عشر &&&
بعد مرور ساعة
في المستشفى
بدر: كيفك دحين ياابويه
ابو بندر: الحمدلله بس نوف طمينوني عليها
بندر: لاتشيل هم انشاء الله تقوم بالسلامة
ابوبندرصار يبكي وعياله استغربوا من بكاء ابوهم وهم عمرهم ماشافوا ابوهم بالضعف هذا
ابوبندر: انا السبب في اللي بنوف حملتها شيء فوق طاقتها لغاية المسكينة ماقدرت تشيل في قلبها اكثر من كذا
ام بندروهي تبكي: كل شيء مقدر واللي صار مكتوب لها خليك بنفسك الدكتور يقول الضغط مرتفع عندك ولا تشيلنا هم اثنين كفاية نوف الله يقومك بالسلامة يابنتي
الكل: امييييييييييين
دخلت عليهم نور
بدر: هاااا كيف سارة
نور: لا هي بخير بس كانت مرهقة شوي ومع الصدمة ماقدرت تتحمل عشان كذا اغمى عليها
ام بندر: والله انها اصيلة المسكينة ماقدرت تتحمل انه صاحبتها مريضة
نور: سارة مافي زيها
بدر: انا رايح اشوف نوف
وخرج بدر وشاف سارة مع امها وابوها خارجين
بدر: الحمد لله على سلامة سارة
ابوسارة: الله يسلمك وكيف الوالد ونوف دحين
بدر: والله الوالد بخير الحمد لله ونوف لسه في غيبوبة الله يشفيها انشاء الله
الكل: اميييين
سارة: ابغى اروح اشوف نوف
ام سارة: حبيبتي انتي دحين تعبانة نروح البيت وبكرة نجيبك
ابو سارة: امك صادقة انتي دحين تعبانة
سارة صارت تبكي: لا لا مابروح الا لمن اشوف نوف
ابو سارة: خلاص ولا يهمك نروح نشوف نوف
بدر في قلبه: الله عليكي ياسارة وعلى قلبك الكبيرمعقولة في هذا الزمن احد يحب احد لهذه الدرجة المسكينة لمن دريت انه صحبتها تعبانة ماقدرت تتحمل
وراحوا بدر واهل سارة لنوف ودخلوا بدر وسارة وامها وابو سارة انتظرهم عند الباب
كانت نوف نايمة في السرير ووجها مصفر من التعب لكنها كانت جميلة بمعنى الكلمة وجهها كان طفولي سارة من يوم شافت نوف على قربت عندها ومسكت يد نوف وحضنتها
سارة: نوف حبيبتي عشان خاطري لاتروحي وتسيبيني انا اتعودت عليكي من صغري من يوم فتحت عيني على الدنيا وانا اشوفك ملكتي حياتي ماتوقع يوم مااشوفك مااسمع صوتك نوف لاتسبيني لوحدي انا من دونك مااعيش نوف حبيبتي ردي عليه قومي وخلينا نحقق اللي اتمنيناه مع بعض ......... وصارت تبكي وبدر وام سارة مااستحملوا ونزلت دموعهم لانه اللي يسمع كلام سارة وبكاها اتحداه يقدر مايبكي

ام سارة: سارة حبيبتي يكفي حرام اللي تسويه يلا حبيبتي خلينا نروح وبكرة نجيبك
وراحت ام سارة عند سارة وباست نوف ومسكت يد سارة وقومتها وسارة قامت مع امها وحضنت ام سارة بنتها وصاروا يبكوا الثنتين وبعدين خرجوا من الغرفة واخذهم ابوسارة ومشيوا وبدر ودعهم بعدين جلس يفكر بسارة وطيبتها وحبها لنوف
.................................................. ...

بعد مرور يومين من الأحداث السابقة
تحسنت حالة ابو بندر وخرج من المستشفى
ونوف لسه في غيبوبة بس الدكتور قال انه في تحسن بسيط
اما سارة فكانت كل يوم تبكي على نوف تخاف تفقدها حتى الجامعة ماصارت تروحها كرهتها وتحس انها ماهي حلوة بدون نوف
ام سارة: سارة حبيبتي حرام اللي تسويه بنفسك نوف الله يشفيها انشاء الله يعني البكاء بيفيدك
سارة: والله ماني قادرة خايفة افقدها جلطة مرة وحدة والله نوف ماتستاهل
ام سارة: سارة ايش هذا الكلام خليكي مؤمنة بقدر ربك
سارة: استغفر الله يارب سامحني واشفي نوف
ام سارة: امين ودحين قومي روحي الجامعة فاتك الكثير ولا تنسي انتي اخر سنة
سارة: والله مالي نفس اروح لها
ام سارة: لا لازم تروحين لا تضيعي نفسك ونوف ترى بتزعل منك لو دريت
سارة: انشاء الله بحاول بس اليوم ماني رايحة خليها بكرة
ام سارة: لو ليه خاطر عندك قومي دحين روحي اليوم زي بكرة
سارة: طيب
ام سارة: عشتي بنتي يلا قومي لاتتاخري
سارة: انشاء الله
.................................................. ..
في بيت ابو بندر كانوا بو بندر وام بندر وبدر جالسين مع بعض
ابو بندر: ماراح اسامح نفسي على اللي سويته بنوف المسكينة قسيت عليها وغصبتها على شيء ماتبغاه
بدر: انت غلطت يابويه بس يلا نصيبها والله يشفيها
ابوبندر: الله يشفيها وخلاص بكيفها اذا ماتبغى يوسف انا بكلم اخويه وهم بيتفهمون الموضوع انشاء الله
ام بندر: ااااااااااه لوكان هذا الكلام من زمان
بدر: خلاص اللي صار لنوف قضاء وقدر
ابويندر: انشاء الله بس تسامحني
ام بندر: نوف قلبها كبير وعمرها ماحقدت على احد
.......................................
في الجامعة كانت سارة جالسة لوحدها وكان باين عليها التعب
ومروا من عندها ريم وندى
ريم: سارة ايش فيكي ووين نوف عنك اول مرة مااشوفكم مع بعض
سارة: نوف ااااااااااااه نوف ادعولها ربي يقومها بالسلامة
ريم وندى انفجعوا
ندى: ليه ايش فيها
سارة: نوف في غيبوبة جاتها جلطة قلبية
ندى مااستحملت على طول جلست على الكرسي جنب سارة
ريم: من متى هذا الكلام
سارة: لها يومين
ندى: لين دحين ماقامت
سارة: لا ماقامت وانا خايفة عليها
ريم: الله يشفيها مسكينة صغيرة على الجلطة بس كل شيء مقدر ومكتوب
سارة: لوصار لنوف شيء بموت مااقدر اعيش من دونها
ندى: لا انشاء الله تقوم بالسلامة خلي ايمانك بالله قوي
سارة: ونعم بالله
ريم: طيب ايش السبب
سارة: يقول الدكتور انها تعرضت لصدمة كبيرة
ندى في قلبها: اكيد سالفة زواجها هي اول قالتلي انها مغصوبة عليه الله يعينك يانوف
ريم: الله يشفيها
سارة + ندى: امييييييييييين

نروح لمي اللي علاقتها مع ياسر اتخذت مجرى ثاني
طبعا هي كل يوم تكلمه بالمسنجر وتستمر معاه 5 او 6 ساعات بالكثير
لكن ياسر ماعجبه انهم يتكلموا بس بالمسنجر

## عاشــ مي ــــق ## <<<<<<<<(متى عشقتها ؟؟ ياكبرها من كذبة)
مي انا متلهف نفسي اسمع صوتك
^^ احلى بنت في الكون ^^
ياسر حبيبي لسه بدري

## عاشــ مي ــــق ##
والله انه بموت واسمع صوتك صدقيني يامي انا احبك واعشقك واتمنى اني اسمع صوتك

^^ احلى بنت في الكون ^^
والله انااكثر منك ياسرانت ملكت حياتي انت حليت الدنيا بعيني

## عاشــ مي ــــق ##
ولو كلمتيني بتشوفين مني شيء عمرك ماشوفتيه والله لسمعك احلى كلام اصلا الكلام الحلو بيطلع من قلبي لانه يحبك ويموت فيكي

مي : الله على كلامه الحلو والله اني حبيته ايش فيها لو كلمته مابيصير لي شيء وبعدين هو طلب يكلمني وبس ماطلب يشوفني

## عاشــ مي ــــق ##
الووووووووو

## عاشــ مي ــــق ##
مي حبيبتي وينك

## عاشــ مي ــــق ##
مي

^^ احلى بنت في الكون ^^
موجودة بس سرحت شوية

## عاشــ مي ــــق ##
هااا ايش قولتي بتكلميني ولا لا

^^ احلى بنت في الكون ^^
اوكي حبيبي انا موافقة اكلمك
واعطت مي ياسر رقمها وهو محسب خبر على طول اتصل فيها
ياسر: اخيرا ياعمري سمعت صوتك
مي: ههههههههههه بس كيف صوتي
ياسر: جنان يهبل ايش اقولك بس
مي: تسلم حبيبي
ياسر: الله عيديها
مي: هههههههههههههه تسلم
ياسر: لا الثانية
مي: لا استحي
ياسر: ميمي حبيبتي قوليها
مي: ميمي هههههههههههههههههههههههههه
ياسر: ليه تضحكي حبيبتي ومن حقي ادلعك
مي: من جدك ياسر انت تحبني
ياسر: انا مااحبك انا اموووووووووووووووووت فيكي واموت في التراب اللي تمشي عليه
مي: تصدق ياسر حتى انا احبك
ياسر: ايش لا لا ماني مصدق
مي: هههههههههههههه ليه
ياسر: اخيرا حنيتي عليه وحبيتيني
مي: ياسر ترى ازعل
ياسر: لا لا حبيبتي الا زعلك مااقدر عليه
مي: طيب حبيبي ممكن اسالك سؤال
ياسر: اسالي ياقلبي
مي: ايش نهاية علاقتنا هذه
ياسر: مي حبيبتي انا ماراح اقدر اعيش من دونك يعني اكييد بتزوجك ياقلبي
مي فرحت: من جدك ياسر
ياسر: مي انا احبك ومستحيل افكر بغيرك بعد ماعرفتك
مي: والله حتى انا احبك واتمنى اننا نتزوج
ياسر: انشاء الله ياحبيبتي مايفرق بيننا غير الموت بس انا ابغى اشوفك
مي: حبيبي والله مااقدر
ياسر: مي لاتزعليني منك والله انا احبك وانا مابطلب الا اني اشوفك بمكان عام يعني لاتخافين
وبعد الحاح من ياسر وافقت مي واتفقوا انهم يتقابلوا
(اللي ماتعرفوه انه ياسر يخدع مي وهو لايحبها ولاشيء ارسلته وحده اسمها عبير كانت صديقة مي بعدين تضاربوا وحقدت عبير على مي لانه مي هزأتها قدام البنات فحلفت عبير انها اتدفع مي ثمن اللي قالته عنها غالي وبعد تفكير
توصلت عبير بما انها تعرف ايميل مي انها ترسلها واحد يمثل عليها الحب واللي هو ياسر)
.................................................. .....
نروح لفهد
فهد كان نايم والظاهر انه يحلم
فهد: ايش هذا الحلم انشاء الله خير ياربي بس ايش دخل اخت سامي في الحلم لا انا لازم اسال احد يفسر لي الحلم بس انشاء الله يكون خير
..................................................
في بيت ابو سامي كانت ريم عند البنات
خلود: ها ريم كيف الحبيب
ريم: ايش اقولك ياخلود احس اني عايشة سعادة محد عاشها مثلي
سامية: ماشاء الله الله يديمها عليكي انشاء الله
ريم: اميييييييييين
ام سامي: ليه امك ماجات معك
ريم: والله كانت بتجي بس باخر لحظة دقت عليها صاحبتها تبغى تجيها
خلود: ايوه صح ريم انتي تعرفي وحدة اسمها نوف ال........
ريم: ايوه هذه صحبتي بس انتي ايش عرفك فيها
خلود حكت ريم كيف تعرفت على نوف
ريم: سبحان الله على الصدف
ام سامي: ايوه والله صحيح الدنيا صغيرة
ريم: بس مسكينة نوف ادعولها الله يقومها بالسلامة
خلود انفجعت: ليه ايش فيها
ريم: مسكينة هي في غيبوبة جاتها جلطة قلبية
ام سامي: لا حول ولاقوة الا بالله مسكينة لساتها صغيرة
سامية: طيب ايش سبب الغيبوبة
ريم: اعتقد انها اتعرضت لصدمة كبيرة بس والله مدري ايش هي
خلود صارت تبكي : نوف في غيبوبة وانا ماادري انا لازم ازورها
سامية: انشاء الله بنزورها بس هي في غيبوبة ماتدري عننا
خلود: مالي انا ابغى اروح لها
ام سامي: انشاء الله بنروح لها بس انتي هدي شوية
.............................................
بعد مرو اسبوع
بدأت نوف تحرك اطرافها شوية
وفي يوم كان بدر قاعد عند نوف ولاحظ انه في احد يتحرك
بدر: نوف الحمدلله على السلامة
نوف: انا وين وايش فيه وحاولت تقوم
بدر: نوف ريحي نفسك انتي في المستشفى تعبانة شوية
نوف: بدر ابغى موية
بدر: لحظة انادي الدكتور اسأله
وراح بدر للدكتور وناداه
وبعد ماكشف الدكتور على نوف طمن بدر
بدر: خير يادكتور
الدكتور ابتسم: لا الحمدلله اتعدت مرحلة الخطر وبتقعد كم يوم حتى نتأكد على صحتها
بدر: مشكور يادكتور
الدكتور: لاشكرعلى واجب
بدر كانت الفرحة ماهي سايعته وعلى طول اتصل باهله يبشرهم
وبعدين تذكرسارة واتصل على نور وبعد الحاح منه قدر يأخذ منها رقم سارة واتصل عليها
بدر: الوووو السلام عليكم
سارة: وعليكم السلام
بدر: سارة انا بدر
سارة انفجعت: نوف فيها شيء
بدر: حبيت اطمنك انو نوف فاقت من الغيبوبة
سارة فرحت وصارت تبكي: بدر نوف قامت الحمد لله الحمدلله
بدر: يلا سارة اسيبك دحين بروح لنوف
سارة: مع السلامة ومشكورة يابدر
بدر: احنا المفروض نشكرك على وقفتك مع نوف
سارة: لا تقول كذا نوف اكثر من اختي
بدر: الله يخليكم لبعض
سارة: اميييييييييييين
بدر: يلا سارة بااااااااااااااي <<<<<<<< وفي قلبه بااااااااااي ياعمري
سارة: باااااااااااااااااي

في المستشفى كانوا اهل نوف كلهم موجودين
نايف: يعني لازم تسوين كذا عشان تعرفين غلاتك عندنا
ام بندر: نايف اسكت عن اختك والله انك فاضي حتى وهي تعبانة يتناقرها
بدر: يموت لو يسكت
نايف: حشى أكلتوني كنت امزح وسوى نفسه زعلان على العموم انا خارج وسايبكم
نوف: لا لا نايف لا تروح ابغاكم كلكم عندي
نايف راح عند نوف وحضنها: وصدقتي انتي اني بسيبك انتي روحي
ابو بندر: الله يخليكم لبعض
الكل: امييييييييييين
بندر: الحمدلله على السلامة نوف
نوف: الله يسلمك
مها: الحمد لله على السلامة نوف والله خوفتينا عليكي
نوف: الله يسلمك
ابوبندر راح عند نوف: زعلانة مني حبيبتي
نوف باست يد ابوها: في احد يزعل من ابوه
ابوبندر: عشتي بنتي واذا على موضوعك ولا يهمك انا اليوم بنهيه وماراح يصير الا اللي تبغيه
نوف حضنت ابوها: الله لايحرمني منك
مها انحرجت حست انه عمها يقصد موضوع اخوها يوسف وهي عارفة من زمان انه نوف ماتبغى يوسف سمعت بالصدفة نوف ونور يتكلمون
وشوية دق الباب
وراح بدر يشوف مين لقي سارة واهلها
بدر: تفضلوا الله يحيكم
ودخلوا سارة وسمر وامهم
سارة من يوم شافت نوف جريت عليها وحضنتها وصارت تبكي
نوف: الله كل هذه الدموع ليه
سارة تمسح دموعها: كذا يانوف تسوين فيني والله كنت بموت من دونك
نوف: الله يخليكي ليه والله اللي صار مو بيدي
بدر كانت عيونه على سارة ويفكر قد ايش يحبها هذه البنت وكيف يزداد حبها في قلبه يوم عن يوم
ونايف كانت عيونه على سمر اللي لاحظت نظرات نايف واستحت منها ونزلت راسها
بعدين خرجوا ابو بندر وعياله عن الحريم وراحوا عند أبو سارة
ام سارة: الحمد على السلامة نوف
نوف: الله يسلمك ياخالة
سمر: نوف حبيبتي الحمدلله على السلامة
نوف: الله يسلمك ياقلبي
وجلسوا سارة ونور وسمرومها حوالين نوف
وام بندر وام سارة جالسين مع بعض
وبعد ساعة طلب ابو سارة من ام سارة انهم يمشون وسارة زعلت وجلست تبكي وبعدين ابوها حن عليها وسابهم هي وسمر على اساس انه يرجعلهم
وبعد ماراحوا ام سارة وابوها وطلعت ام بندر عند زوجها مابقي بالغرفة الا البنات
نور: سمر يلا نطلع نروح نجيب شيء لنا نشربه
سمر: يلا قومي
وهما خارجين شافوا نايف
نايف: وين رايحين
نور: بنروح نتمشى شوية و نجيب شيء لنا نشربه
نايف: خليكم انا بجيب لكم
نور: نايف اقولك بنتمشى شوية
نايف: طيب اخليكم تروحون بس بشرط
نور: اللي هو
نايف: اجي معاكم
سمر تدق نوف: خلاص خليه يجي
نايف يغمز لسمر: شايفة كيف اللي يفهمون
نور: عشان سمر بس برضى
نايف: تكفين اقول اسكتي لاعطيكي كف وارجعك البيت
نور خافت: نايف ايش فيك امزح
نايف: حسبت ناس ماتجي الا بالعين الحمراء

بدر مل من جلسة الشياب ( امه وابوه) و بندر اخذ زوجته وراح عشان عيالهم سايبينهم لوحدهم ونايف انتوا عارفين فينه<<<<<<<ههههههههههههههههههههه
بدر في قلبه: خليني اروح عندهم واشوف سارة وحشتني من زمان ماشفتها
ودخل بدرالغرفة: ممكن ادخل
نوف: تفضل
بدر: وين الباقين
نوف: خرجوا يتمشوا
بدر: كيفك سارة
سارة: انا بخير الحمد لله على سلامة نوف
بدر: الله يسلمك
وصاروا بدر وسارة يطالعوا بعض
نوف: احم احم نحن هنا
سارة استحت وقرصت نوف بشويش
نوف: أي أي ياقلبي
سارة انفجعت: نوف ايش فيكي
نوف: هههههههههههههه الحب تعبني قلبي خلاص
بدر: ههههههههههههههههههه الله يرجك
سارة استحت من كلام نوف: عن اذنكم بروح عند نور وسمر
وخرجت سارة وهي مكسوفة من كلام نوف ومن نظرات بدر
بدر: حرام عليكي احرجتيها
نوف: لا عادي انا بالعنية سويت كذا
وبعد ساعة راحوا سارة وسمر وجوا بعدهم عم نوف ابو يوسف
نوف تضايقت في البداية من زيارتهم بس بعدين تذكرت كلام ابوها وارتاحت
.................................................. ....
في بيت سارة
ابوسارة: ها سارة امك قالتلي انك وافقتي بس انا انشغلت بسالفة نوف والحين ابغى اتأكد منك انتي خلاص موافقة
سارة: ............................
ابو سارة: ها سارة ايش قولتي
سارة صارت تبكي وتذكرت نظرات بدر: والله مدري انا محتارة
ابو سارة عصب: طيب كيف قولتي اول انك موافقة الحمد لله اني ماقلت للرجال والا تلاقيني دحين اتفشلت
ام سارة: محمد هدي نفسك موصاير الا الخير انشاء الله
ابوسارة: منتي شايفة بنتك قرار واحد ماهي قادرة تاخذه
سارة مااستحملت قالت لأبوها: خلاص موافقة وبعدين قامت تجري لغرفتها

&&& الجزء الخامس عشر &&&

في غرفة سارة كانت سارة تبكي
سارة: ااااااااااااه ياربي ايش سويت انا ليه وافقت كيف بعيش مع واحد غير بدر انا احبه ولايمكن انساه مااقدر ليه انا حظي كذا ليه اللي احبه مايدري عني ااااااااااااه ياربي كيف افهم ابويه على اللي فيه كيف انا ابغى بدر ماابغى غيره بس كيف كيف؟؟؟؟؟؟
ودخل عليها ابوها وجلس جنبها
ابوسارة: سارة حبيبتي ارفعي راسك بكلمك
رفعت سارة راسها بس عيونها ماقدرت تحطها بعيون ابوها مكسوفة منه
ابوسارة: سارة قولي ليه ايش فيكي
سارة في قلبها: ايش اقولك ياابويه اقولك اني احب بدر
سارة: مافي شيء بس ماابغى اتزوج
ابوسارة: سارة انا مابغصبك على الزواج لكن من حقي اعرف انتي ليه ترفضي العرسان اللي يخطبوكي ابغى اعرف السبب
سارة: ابويه مافي سبب بس انا ماارتحت لاي احد من اللي خطبوني
ابو سارة حس انه سارة مخبية عنه شيء بس هو مايبغى يجبرها على شيء
ابوسارة: سارة انا دحين بسيبك واذا على العريس خلاص الله يرزقك بغيره بس انا لازم اعرف السبب اللي خليكي ترفضي لاتحسبيني مصدق اللي قولتيه لي بس انا مااجبرك لكن ابغاكي توعديني انه يجي يوم وتقوليلي
سارة: .............
ابو سارة: سارة اعتبريني صديقك مو ابوكي
سارة حضنت ابوها: اوعدك ياابويه
ابوسارة: خلاص حبيبتي ودحين ارتاحي وامسحي دموعك تراها غالية عليه
سارة باست ابوها: الله لايحرمني منك
ابوسارة: اميييييين ويخليكم ليه
وخرج ابوسارة عن سارة
سارة: الحمدلله ياربي بس لين متى برفض اااااه يابدر اتحرك سوي شيء
.................................................. .........
نروح لفهد اللي شغله الحلم اللي شافه وراح سأل شيخ فقاله انه الحلم خير وانه البنت اللي شافها بالحلم (اللي هي خلود) طبعا فهد مايعرفها بس شيء في الحلم حسسه انها خلود اخت صاحبه سامي
طبعا الشيخ بشره انها انشاء الله البنت تكون من نصيبه والله اعلم
فهد: معقولة خلود تحبني واللي قالته ليه صح الا اكيد ولا ماتجيني في الحلم اااااااااااااااااااااااااه ياخلود لوتدرين انك شغلتي تفكيري وعقلي من يوم اتصلتي عليه وانا افكرفيكي وكمان هي ماعاد اتصلت صح هي قالت ماعاد بتتصل مافي الا اني انا اتصل عليها طيب اتصل ايش اقولها ياربي والله محتار ماني عارف ايش اسوي يارب ساعدني ودلني على طريق الخير
.................................................. ............
في المستشفى
نوف: افففف طفشت من المستشفى ابغى اروح البيت الله وحشتني غرفتي
ودخلوا عليها بدر وامه ونور
ام بندر+ بدر+ نور: السلام عليكم
نوف: وعليكم السلام
بدر:الحمدلله والشكر اختنا اتجنت تكلم نفسها
ام بندر: بسم الله على بنتي
نوف: اكلم نفسي من الطفش نور جبتي جوالي
نور: ايوه خذيه
نوف اخذت جوالها ولقيت مسجات ومكالمات واغلبها من خلود
بدر: على طول على الجوال طيب سلمي علينا قولي وحشتوني
نوف: تصدق جوالي وحشني اكثر منك هههههههههههههه
بدر: ههههههههه بايخة
نور: طيب دامها بايخة ليه تضحك
بدر: اضحك من بياختها
نور: الحمدلله امي اليوم عيالك فيهم شيء
ام بندر: مافيهم الا العافية
وهنا دق جوال نوف
خلود: الووو السلام عليكم
نوف: هلا وعليكم السلام
خلود: كيف حالك نوف الحمد لله على السلامة
نوف: بخير الله يسلمك انتي كيفك وكيف اهلك
خلود: كلنا بخير والله من يوم ريم قالتلي انفجعت عليكي
نوف: الله يسلمك
خلود: طيب نوف اسيبك دحين وانشاء الله نزورك
نوف: مالو داعي تعبون نفسكم
خلود: تعبك راحة ولا ماتبغيني اجي
نوف: لا والله الله يحيكي
خلود: تسلمين ويلا مع السلامة
نوف: مع السلامة
ام بندر: مين هذي اللي بتزورك
نوف: هذي صحبتي خلود
بدر: سارة ماجات اليوم
نوف + نور: ياهوووووووووووووووووووووووووووووووو
بدر: ايش فيكم
نوف: ولاشيء ياقلبو على اللي يحبون
ام بندر: ايش فيكي انتي وهي على اخوكم
بدر: شايفة ياامي
نوف: على العموم سارة لسه ماجات
وماتخلص نوف من كلمتها الا ويدق الباب وتدخل سارة ومعاها سمر
نوف: جبنا سيرة القط قام ينط
بدر: بسم الله عليها من القط
سارة استحت من كلام بدر
سارة + سمر: السلام عليكم
الكل: وعليكم السلام
سمر: ليكون كنتوا تحشون فينا
ام بندر: لا والله انتوا تنذكرون بالخير دايما
سارة: تسلمي ياخالة تعرفين سمر وحركاتها
بدر: كيف حالك سارة
سارة: بخير وانت كيفك
بدر: انا بخير
نوف بصوت عالي: ااااااااااااااااااااااااه
ام بندر: ايش فيكي تحسي بشيء
نوف: قلبي ياامي قلبي
ام بندر انفجعت: ايش فيه قلبك انادي الدكتور
نوف: لا قلبي يحب هههههههههههههه
ام بندر: من جد منتهية ايش هذا الكلام والله فجعتيني
بدر: حتى وهي مريضة لسانها طويل
نور: ماتكون نوف لو ماسوت كذا
سارة ابتسمت بس ابتاسمتها كانت من خجلها
بدر: يلا عن اذنكم انا رايح
نوف: لا حرام اجلس كمل اللي بديته
ام بندر: لا انتي اليوم فيكي شيء
بدر: سيبيكي منها يلا مع السلامة
الكل: مع السلامة
سارة راحت عند نوف
سارة: مجنونة انتي ليش تسوين كذا فيه والله احرجتيني
نوف: عليه ياحبيبتي انا اسوي كذا لمصلحتك
سارة: لا حبيبتي اذا كذا ماابغى
نوف: مو بكيفك حبيبتي
نور: ايش تقولون انتي وهي ماتبغونا نسمعوا
سمر: شكلهم عندهم اسرار
نوف: ترى اللقافة قرافة
سمر: وانتي الصادقة اللقافة ثقافة
نور: هههههههههههههههههههههههههههههه يدك
نوف: الحمد لله والشكر في شيء يضحك
نور+ سمر: ههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ه
ام بندر: ايش فيكم هب هذا كله ضحك
نور: بتنك ضحكتني
نوف: تكفين من زين وجهك
سارة: اقول نوف حبيبتي لاتعبين نفسك على ناس فاضية
نوف: صدقتي والله
سمر: محد قدها اختنا حالها كيف كان وكيف صار دحين
نوف: ليه ايش فيكي سارة
سارة: بعدين اقولك
سمر: اقول نور خلينا نخرج شوية الجو هنا كتم
نور: ايوه والله يلا خليهم يكملوا اسرارهم
نوف: اشوف كل ماجيتوا هنا خرجتوا وين تروحون ها
نور: يعني وين بنروح بنتمشى هنا شوية
ام بندر: لا انا بروح معاكم
نور مدت بوزها: طيب
نوف: ههههههههههههههههههههههههههههه احسن
نور: اصلا انا ابغى امي تجي معانا لانه شكلهم بعض الناس عندهم اسرار مايبغون حد يسمعها
نوف تمد لسانها: انا عارفة انك بتموتين وتعرفين بس والله لوتموتين قدامي ماراح اقولك
نور: مسكينة مصدقة نفسك انتي اقول ترى عطيتك وجه
نوف: مسكينة
امهم: خلاص انتي وهي ياربي ايش اسويلكم كل ساعة مناقرة خلاص ارحمونا يلا انتي قومي امشي
نور: افففففف طيب يلا
وخرجت ام بندر معاها نور وسمر
..................................................

خلود: سامي ابغاك توديني المستشفى
سامي: ليه فيكي شيء
خلود: لا موقصدي اتعالج بروح ازور نوف
سامي: مين نوف
خلود: نوف اللي تعرفت عليها قريب
سامي: ايوه عرفتها ليه ايش فيها
خلود: مسكينة تعبت شوية
سامي انفجع: ليه
خلود: مسكينة جاتها جلطة
سامي: احلفيييييييي
خلود: والله حتى كانت في غيبوبة بس دحين قامت منها
سامي: مسكينة والله ماتستاهل
خلود: ايوه والله بس يلا نصيبها
سامي: طيب من ايش يعني
خلود: والله ماادري بس اذا روحت لها بأسالها ها توديني
سامي: افا طبعا بوديكي زيارة المريض واجبة
خلود: ايش رايك نروح دحين
سامي: اوكي يلا
.................................................. .......

نوف: ها سارة صرنا لوحدنا قولي ليه ايش فيكي صاير شيء
سارة: جاني خطيب
نوف: ليكون وافقتي
سارة: في البداية قلت لامي موافقة ولمن سالني ابويه قلتله مدري محتارة وقام عصب عليه يقولي منتي قادرة تتخذي قرار المهم مااستحملت وقلت له موافقة
نوف: احلفيييييييي
سارة: والله هذا اللي صار بس ابويه مااقتنع وجاني لغرفتي وقالي خلاص مابغى اجبرك على شيء ولمن ضغط عليه بيعرف ليه انا ارفض العرسان قلتله اني ماارتحت لاي احد منهم
نوف: يعني ماوافقتي
سارة: لا ابويه كلمهم وقالهم اني ماني موافقة والله كان هم كاتم عليه بس الحمد لله ربي ريحني منه
نوف: ايوه والله الحمدلله
..................................................

في السيارة
خلود:سامي حبيبي لين دحين مصمم على رأيك بالزواج
سامي: يعني
خلود: كيف
سامي: خلود بقولك شيء بس اوعديني ماتقولي لاحد ولا تضحكي عليه
خلود: اوعدك مااقول لاحد ولا اضحك عليك
سامي: انا الصراحة كنت رافض اني اتزوج بعد اللي سوته نهى فيه بس لين اليوم اللي عرفت فيه نوف احس انه تراجعت شوية
خلود بإهتمام: كيف
سامي: مدري بس احس انها شغلت تفكيري
خلود: يعني حبيتها
سامي: شوية احس اني مرتاح لها
خلود: والله نوف طيوبة ومن جد اتمنى انها تصير زوجتك
سامي: يعني لو خطبتها بتوافق
خلود: وايش فيك عشان ماتوافق انت الف وحدة تتمناك
سامي: لا يمكن عشان طريقة تعرفنا بيها
خلود: لا عادي يمكن اللي صاربينك وبينها خيرلكم
سامي: يمكن
خلود: الصراحة انت ونوف مناسبين لبعض
وهنا دق جوال سامي
سامي: هلا فهد
خلود ارتجفت : فهد ياويلي ليكون متصل بيقول لسامي الله يستر
فهد: هلا سامي كيفك
سامي: بخير وينك يالقاطع محد يشوفك
فهد: والله مشاغل
سامي: الله يعينك
فهد: ايش رأيك اليوم نتقابل
سامي: اوكي
فهد: وينك انت دحين
سامي: انا في السيارة رايح المستشفى
فهد: ليه ايش فيك
سامي: لا مافيه شيء بس بودي اختي
فهد: سلامات
سامي: لا بتزور صحبتها
فهد: ها خلاص اليوم نتقابل يلا بااااااااااااي
سامي: انشاء الله بااااااااااااااااااي
وقفل سامي من فهد
سامي: ها ايش كنا نقول
خلود: ههههههههههههههههههه لا كنت اقول انت ونوف مناسبين لبعض
سامي: هههههههههههه انشاء الله
خلود: انشاء الله والله لوتدري امي بتنبسط
سامي: لا بس لا تقوليلها دحين كل شيء بوقته حلو
خلود: عارفة واصلا الوقت دحين مرة مو مناسب وخصوصا انه نوف لساتها في المستشفى
سامي: ايوه صح
خلود: اقول سامي وقف بشتري بوكيه ورد لنوف
سامي: وأحلى ورد
خلود: هههههههههههههههههههه ياقلبي على اللي يحبون
سامي: والله انها تستاهل ولو تبغى عيوني اعطيها هي
خلود: لا لا الأخ رايح فيها وينك يانوف تسمعي نيالك على هالحب والله اللهم ارزقنا
سامي: هههههههههههههه انشاء الله تلاقين اللي يحبك ويسعدك
خلود: انشاء الله من بؤك لباب السما
سامي: والله البنات استزوجوا ماعاد يستحون
خلود: هههههههههههههههههههههههههههههههههههههههههههه

نروح لمي اللي اتفقت مع ياسر انها تقابله
ياسريدق على مي في الجوال
ياسر: مي حبي وينك
مي: تعال انا شايفتك مو انت لابس بنطلون جنز وبلوزة صفراء
ياسر: ايوه انا بس كيف عرفتيني
مي: ههههههههههه باين عليك تدق في الجوال وعيونك تدور عليه يمين ويسار
ياسر: ههههههههههههههههههههههههه طيب انتي وينك
مي: انا اللي جالسة يمينك ها وبرفع لك يدي
ياسر انتبه لها: ايوه خلاص شفتك يلا جاي
وراح ياسر مكان مامي جالسة
ياسر: مرحبا هلا والله
مي: هلا بيك
ياسر: الله ايش هذا الجمال يابختي ياناس
مي ضحكت بدلع: ههههههههههههه تسلم ياقلبي
ياسر: الله يازينها منك اخ لوتدرين ايش سويتي فيه
مي: ياسر انت تحبني
ياسر: لا مااحبك
مي بدلع: لييييييييه
ياسر ابتسم: انا مااحبك الا امووووووووووت فيكي
مي: والله حتى انا احبك وامووت فيك
ياسر: من زمان وان انتظر هذه اللحظة اللي اشوفك فيها
مي: وانا كمان والله
ياسر: مي ابغاكي توعديني
مي: في ايش
ياسر: انك تحبيني طول عمرك وماتتخلين عني لاي سبب
مي: اوعدك حبيبي اصلا انا ماتمنيت شيء قد ماتمنيتك
ياسرصار يغني: عمري ماتمنيت شيء قد ماتمنيت اشوفك
مي: هههههههههههههههههههههه الله صوتك حلو
ياسر: وانتي احلى
وجلسوا ياسر ومي مع بعض وياسر معطيها كلام كله كذب بس عشان مي تتعلق فيه اكثر واكثر من جد ممثل كبير
.................................................. ........
وصلوا سامي وخلود المستشفى وسالوا عن الغرفة اللي فيها نوف
سامي: خلود يلا ادخلي واذا خلاص بتروحي دقي عليه
خلود: وين يتروح
سامي: بتمشى شوية هنا بس انتي خذي راحتك لاتشيلين همي
خلود:ا وكي
طق طق طق
نوف: تفضل
خلود: السلام عليكم
نوف: وعليكم السلام مين الاخت
وتشيل خلود غطوتها عشان نوف تعرفها
نوف: هلا خلود
وتروح خلود وتسلم على نوف وسارة
خلود: كيف حالك دحين
نوف: الحمدلله بخير باقي ليه يومين واطلع انتي كيفك وكيف اهلك
خلود: كلنا بخير.......اسارة كيفك
سارة: بخير انتي كيفك
خلود: الحمدلله بخير
نوف: الا اقول خلود مين قالك اني تعبانة
خلود: والله اللي قالي ريم صحبتك مو هي بنت خالتي
نوف: ايوه صح نسيت اتذكرت قولتيلي لمن اتصلتي
خلود: نوف انتي ليه تعبتي يعني كنتي متضايقة من شيء
نوف: ايوه والله كنت اعاني من هم كبير بس الحمد لله انزاح تصدقون اني فرحانة باللي صار لي
خلود+ سارة: اييييييييييييش
نوف: ايوه والله فرحانة لانو لو ماصار فيه كذا كان ابويه ماغير رأيه وزوجني يوسف
سارة: بس برضو هذا مايخليكي تفرحي انتي يانوف جاتك جلطة يعني ربي رحمك
نوف: الحمد لله على كل حال
خلود: ليه انتي كنتي بتتزوجي
نوف: ايوه بس الحمدلله ربي فكني من هالزواجة
خلود: كيف
وحكت نوف خلود كل شيء عن زواجتها ليوسف وعن يوسف واخلاقه
خلود: يالله يانوف والله شيء كبير خصوصا في الزمن هذا نادرا ماصار احد يغصب احد على شيء مايبغاه
نوف: ايش تقولي في ابويه عاد
خلود: بس شكلك مررة تكرهي يوسف ولا ماكان صار اللي صارلك
نوف: اكرهه كلمة اكرهه قليلة في حقه وجععععع في شكله الله فكني منه ومن شره
سارة+خلود: الحمدلله
وتموا خلود ونوف وسارة سوالف بعدين جو صحبات نوف اللي اتفقوا يزورون نوف مع بعض وصارت غرفة نوف مليانة بنات وضحك وسوالف
نوف: الله معقولة لهذه الدرجة محبوبة
ريم: وغلاتك أكثر من كذا
مها: والله الجامعة مظلمة من دونك
مريم: يلا شدي حيلك وارجعي لنا
نوف: الله الله كل هذا ليه
نور: بس يابنات لاتأخذ مقلب بنفسها وتشوف حالها علينا
ندى: والله نوف تستاهل
نوف تمد لسانها لنور
نور: هيييييييه من زينك عاد
نوف: احلى منك
ام بندر: ابغى اعرف انتي وهي متى بتكبرون والله الصغار مايسوون زيكم
مريم: والله ياخالة كلنا كذا لازم الاخوات يتناقروا ليه ماادري
ام بندر: والله ايام اول كان الواحد من جد يعرف قيمة الاخت او الأخو اما دحين كل واحد نفسي نفسي
ندى بحسرة: زمان الاول تحول ماعاد كل شيء زي اول
خلود: ايوه والله الله يعيننا على هذا الزمن
الكل: اميييييييييييييييين
................................................
ابو بندر: والله ياخوي ماني عارف ايش اقولك وماكان ودي يحصل كذا بس البنت ماتبغى يوسف
ابو يوسف: طيب ليه من اول ماقلت هذا الكلام
ابو بندر انحرج: صدقني انا اول كنت جابر نوف على يوسف لكن مرضها هو اللي خلاني اغير رايي حرام اغصبها على شيء ماتبغاه
ابويوسف: هو الل صار لنوف كله عشان ماتبغى يوسف شكلها مرة تكرهه
ابوبندر: لاكره ولاحاجة ولد عمها واكيد تعزه بس هي تقول تعتبره زي اخوها
ابويوسف: خلاص كل شيء قسمة ونصيب والله يرزقها انشاء الله بولد الحلال نوف مهما كان زي بنتي وان ماخطبتها لولدي الا لاني احبها
ابوبندر: والله احرجتني ياخويه بكلامك الله يكملك بعقلك
ابويوسف: لا احراج ولا شيء كل شيء مقدر ومكتوب
ابو بندر: المهم هذا الشيء مايفرق بيننا انشاء الله
ابويوسف: اكيد انشاء الله احنا اخوان
ابوبندر: هذا الكلام ويلا مشكور ياخويه ومع السلامة
ابويوسف: مع السلامة
.................................................. .....
بعد مرور ساعة وربع البنات كلهم راحوا ومابقي الا نوف وسارة
نوف: الحمد لله باقي يومين واطلع من هنا والله خلاص طفشت احس اني في سجن
سارة: يلا هانت
نوف: على فكرة سارة انتي دحين خلاص رفضتي
سارة: رفضت ايش
نوف: ههههههههههههههه عريس الغفلة
سارة: ههههههههههههههه الله يرجك ايوه رفضته
نوف: ايوه احسن انتي محد بيتزوجك غير بدر انشاء الله
سارة: ماشكله بيصير كذا
نوف: الا انشاء الله لاتقولي كذا انشاء الله بدر بيخطبك
سارة: نوف انتي ايش قاعدة تقولي الله يخليكي خلاص لاتأمليني بسراب تعبت وانا اتأمل انه بيجي اليوم وبدر بيخطبني
نوف: والله انا اتكلم صدق
سارة: كيف يعني
نوف: انا اقولك
وحكت نوف سارة السالفة اللي صارت بين اهل نوف عن خطبة سارة وسمر لأخوانها بدر ونايف قبل ماتمرض وسارة كانت متفاعلة مع نوف وماهي مصدقة اللي قاعدة تسمعه
:::::::::::::::::::::::::::::::::::::::::::::::::: ::::::::::::

&&& الجزء السادس عشر &&&
في السيارة
سامي: ها خلود كيف نوف
خلود: الحمدلله بخير
سامي: الحمدلله
خلود: ههههههههه ياقلبووووو على اللي يحبون اللهم ارزقنا
سامي: هههههه انشاء الله
خلود: ايوه صح نسيت اقولك
سامي بإهتمام : قولي
خلود: تصدق انه ابو نوف غاصبها انها تتزوج ولد عمها
سامي وهو منصدم: والله
خلود: والله هي قالتلي
سامي: وهذا خبر انتي ووجهك عاد تقول ياقلبو على اللي يحبون (ويقلد صوت خلود)
خلود: هههههههههههههههههه ابلع ريقك خليني اكملك الهرجة
سامي: وايش فيه كمان
خلود: ياحبيبي خطبها ولد عمها ياربي ايش اسمه مو مهم نسيت المهم نوف ماتبغاه وابوها ملزم انها تاخذه المهم حاولت معاه مافي فايدة وقرب موعد شوفتها ولمن شافته طلبت منه انو يخلي الزواج لمن تتخرج ووافق وهي سوت كذا عشان تطول الفترة ويمكن في هذه المدة تقدر تغير رأي ابوها
سامي: وبعدين
خلود: ههههه المهم مرت السنة ويوم قالها ابوها انو خطيبها يبغى يملك طبعا نوف ماعجبها وحاولت في ابوها وصارخ عليها وبعدين اغمى عليها وطبعا جاتها جلطة نتيجة لتعرضها لصدمة كبيرة
سامي: ماشاء الله بالتفصيل الممل وبعدين كملي
خلود: هههههههه شايف كيف احمد ربك على هالاخت
سامي: يلا كملي
خلود: المهم ابوها لمن شاف حالتها اتأثر وطلب من عمها انهم يفسخوا الخطوبة
سامي: يعني نوف دحين ماهي مخطوبة
خلود: ايوه مين قدك افرح ياعم
سامي لاشعوريا وقف السيارة على جنب مسك خلود وحضنها
خلود: سامي وي وي ايش هذا
سامي وهو فرحان: اموت فيكي يااحلى اخت
خلود وهي تمد يدها: اشوف طلع حق البشارة
سامي: انتي تامرين أمر وطلع من جيبه 500 ريال
خلود: بس هذا اللي قدرت عليه معقولة خبر زي هذا يساوي عندك 500
سامي: لا والله يساوي اكثر بس هذا اللي معايا دحين بعدين اعطيكي
خلود: ايوه خليك كذا طيب ايش رايك تمشيني
سامي: من عيوني
خلود: تسلملي عيونك
.................................................. ............
نروح لنوف وسارة
طبعا سارة ماهي مصدقة اللي قالته لها نوف
سارة: نوف الله يخليكي بطلي مزح
نوف: حبيبتي سارة والله ماامزح هدا اللي صار
سارة: نوف
نوف: خلاص لاتصدقين
سارة: يعني بدر يحبني
نوف: صراحة ماادري بس هو قال انه يبغى يتزوجك
سارة وهي تبكي: اااااااااااااااه ياربي اخيرا الحمد لله
وباست نوف بقوة: احبك يااحلى نوف
نوف: هههههههههههههه مبروك ياحلوة عقبالي
سارة: الله يبارك فيكي وانشاء الله انا وانتي في يوم واحد
نوف: هههههه انشاء الله بس شكلها اللي بتكون معاكي سمر مو انا
سارة: ايوه تعالي صح معقولة نايف يبغى سمر
نوف: تصدقي كلنا استغربنا بس شكله الاخ ميت فيها
سارة: العقربة سمر اكيد معطيته ريق حلو
نوف: ههههههههههههههههه حلوة ريق حلو والله محد يدري ياما تحت السواهي دواهي
ودخلوا نور وسمر عليهم
نوف: ههههههههههههههههه جبنا سيرة الؤط ام ينط
نور + سمر: اؤط بعينك
سارة: وين كنتي انتي وهي
سمر: اوفففف يعني وين كنا نتمشى
نوف: وين امي
نور: امي مع نايف دحين يجوا
سارة: اها قولتيلي نايف
نوف: حبيب قلب بعض الناس
سمر استحت حست انها هي المقصودة: ياربي معقولة يبان عليه
نور: قصدك مين
نوف وهي تطالع بسمر: هي عارفة نفسها
نور تطالع بسمر: طيب يادبة تحبين وماتقوليلي
سمربدلع: نور خلاص
نوف: ياربي على اللي يستحون ههههههههههههههه
سارة: هههههههههههههههههههههههههههههههههههههههههههههههه
سمر: هههههههههه بايخات
نور: ليكون نايف هههههههههههه
سمر: نووووووووووور
نور: خلاص بعدين قولي ليه عشان نكيد العزال
نوف: وجعع من زينكم ومن زين اسراركم بايخة زي وجيهكم
سمر: والله هذا من قهرك
سارة: سيبيكي من الكلام الزايد ويلا خلينا نروح ابويه دحين بيجي
نور: بدرررررررررري
سارة: بدري من عمرك من متى واحنا هنا قلبنا المستشفى بيت
نوف: اصلا المستشفى له الشرف يكون فيه نوف وسارة بجلالة قدرهم
نور+ سمر: هههههههههههههههههههههههههههههههههههههههههههه
هههههههههههههههههههههههههههههههههههههههههههههههههه
نوف: ايش اللي يضحك
نور: اضحك على بياختك
نوف: والله محد بايخ غيرك
نور: انا احسن اروح البيت خلاص طفشت
نوف: لا لا الله يخليكي استني اموووووووت لو رحتي ههههه فكة انقلعي
نور: اوففففففف بروح اقول لنايف يوصلني البيت باااااااااااااااااااي
سمر: بااااااااااااااااااااي ياقمر
نوف: احسسسسسسسسن
سارة: هههههههههههههههههههههه الله يرجكم
بدر: السلام عليكم
الكل: وعليكم السلام
بدر: نوف ايش فيكي
نوف: ولاشيء راحوا امي ونايف
بدر: ايوه توي شفتهم راكبين السيارة
ودق جوال سارة
سارة: هلا ابويه طيب خلاص
سارة: يلا سمر ابويه بره
بدر: بدرررري
سارة: خلاص ابويه جا
سار + سمر: يلا مع السلامة
بدر+ نوف: مع السلامة
وراحوا سارة وسمر
نوف: بدر قلت لسارة
بدر: على ايش
نوف: على انك بتخطبها
بدرفرح: والله وايش قالت
نوف: يووو فرحت لا لا <<<<<< تذكرت نوف انه يكمن تزعل سارة
بدر: ايش هو اللي لا
نوف: يو بدر خلاص لمن تخطبها تعرف
بدر: لا ابغى اعرف دحين
نوف:............
بدر: نوف بلا بياخة قولي يلا بسرعة
نوف:بدر مااقدر اخاف سارة تزعل
بدر: يعني انا بقول لسارة
نوف: اوفف خلاص بقول سارة تحبك
بدر: احلفييييييي
نوف: والله سارة تحبك
بدر: نوف بطلي مزح
نوف: اوف لهذه الدرجة اخذين فكرة عني اني كدابة
بدر: لا موكذابة بس ماني مصدق
نوف: لاصدق سارة من زمان تحبك من يوم كانت صغيرة وتقدمو لها خطاب كثير بس هي ترفض كله عشانها تحبك حتى دحين متقدم لها واحد ووافقت عليه بس بعدين رفضت
بدر: ياحبيبتي ياسارة معقولة تحبني
نوف: مين قدك ياعم
بدر: والله حتى انا احبها
نوف: بدر انا في البداية حسيت انك مطنش سارة بس هذه الايام اثبت ليه العكس
بدر: الصراحة انا كنت اتجاهلها لاني في البداية مالقيت سارة الاولية حسيتها تكرهني وماتعطيني وجه
نوف: سارة بعد اللي شافته منك كانت تحاول انها تتناساك
بدروهو مستغرب: وايش اللي شافته مني
نوف: بدر لاتستهبل
بدر: والله ماني عارف ايش سويت
نوف: لمن جابتلك الهدية طنشتها وماقلت لها شكرا
بدر: أيت هدية
نوف: بدر لاتفرسني الهدية اللي جابتها لك في الحفلة اللي سويناها لك لمن رجعت من السفر
بدر: بس انا ماشفت ولا هدية لسارة
نوف: بدر يعني تكذبني انا اللي حطيتها بنفسي في غرفتك
بدر: والله يانوف انه مافي هدية في غرفتي من سارة
نوف وهي تفكر: غريبة والله انا حطيتها
بدر: انا بدور عليها ولااني متأكد انه ماشفتها
نوف: خلاص انت دورعليها وانا لمن اطلع ادور معاك انا اعرف شكلها
بدر: اوكي بس والله فرحتيني سارة تجيب لي هدية والله ماني مصدق يارب القاها
نوف: انشاء الله
يوسف: معقولة لهذه الدرجة نوف تكرهني تجيها جلطة عشان ماتبغاني
مي: من زينها عاد ياليتها ماتت وفكتنا منها
ابويوسف: مي عيب لاتدعي على بنت عمك بعدين هي ماتكرهك يايوسف هي ماتبغى تتزوجك لانك بالنسبة لها زي اخوها
مي: لا والله ايش جابها ليوسف اصلا هي اكيد تحب واحد ولا ماتسوي كذا
ام يوسف: ايوه صح مافي الا كذا اكيد انه ببالها واحد
ابويوسف: ياحرمة انتي وبنتك اسكتوا ايش هذا الكلام اللي تقولونه
يوسف: خلاص بكيفها عاد انا اللي ابغاها فكه منها ومن اخوانها المغرورين
ابويوسف: خلاص ياولدي كل شيء قسمة ونصيب
ويوسف قام بيروح
ام يوسف: حبيبي وين رايح تعال لاتزعل نفسك على شيء مايستاهل
يوسف: انا خارج بروح ولاتشيلوا همي مع السلامة
الكل: مع السلامة
ام يوسف: الله يحطم قلبها زي ماحطمت قلب ولدي
مي: اميييييييييييين من زينها المغرورة
ابويوسف: ياحول لله ايش هذا الكلام الله يهديكم مايجوز الدعاء على الناس
وعاد من زين ولدك شوفي وين رايح دحين اكيد عند السرابيت حقينه
ام يوسف: ابويوسف ايش فيك على الولد خليه يفرح يغير جو بعدين هو ولد ماينخاف عليه
ابويوسف: ايوه دلعيهم بس ترى ربك يمهل ولايهمل
ام يوسف: اعوذ بالله من كلامك
مي: ابويه حرام عليك اذا انتم ماتدلعونا مين يدلعنا
ابويوسف: الله يهديكم
.................................................. ..........

نروح لبدر اللي قلب غرفته قلب كله عشان يدور هدية سارة بس مالقيها
بدر: ياربي انا متاكد انها ماهي في يوووو وين راحت يعني
بس اهم شيء انه سارة تحبني يالله من زمان وانا استنى اللحظة هذه خلاص دحين بكلم امي تخطبها ليه ماعاد اصبر اكثر انا اتمناها من هي صغيرة يارب اجمعني بسارة اللهم اجعلها من نصيبي احبك ياسارة احبك
واموووووووت فيكي وصار بدر يتذكر سارة وهي صغيرة والمواقف اللي بينهم
.................................................. ........

يوسف بعد ماخرج من بيتهم راح عند بيت الشلة اللي مسوينه للتجمعات حقتهم وكان يوسف لسه مادخل في الجو لانه كان مقهور من نوف انا ترفضيني يانوف لا وتجيها جلطة كل هذا كره فيني معقولة لهذه الدرجة ماتحبيني صادقة مي يوم قالت عنك مغرورة
عبير كانت عيونها على يوسف ومستغربة من حالته
عبيرمالت على يوسف: يوسف حبي ايش فيك من يوم ماجيت وانا شايفتك مو رايق صار شيء
يوسف: لابس متضايق شوية
عبير: ماعاش اللي يضايقك حبيبي
يوسف ابتسم: تسلمين ياعمري
عبير: اموت في هذي الابتسامة وصاحبها يلا حبيبي فرفش وسيبك من اللي تفكر فيه والله مااحب اشوفك متضايق
يوسف: اوكي
.................................................. ..........

بعد مرور يومين
طلعت نوف من المستشفى وهي فرحانة كانها طالعة من سجن بس الدكتور وصى انها ماتتعرض لصدمة ثانية لانها لساتها صغيرة وماتتحمل الصدمات
ابوبندر: الحمد لله على سلامتك ياعيوني تو يبتنا نور
نوف: الله يسلمك والبيت منور فيكم
ام بندر: نوف حبيبتي اطلعي غرفتك ارتاحي احسن
نوف: لا امي خلوني معاكم شوية والله وحشتني لمتكم
بدر: ها نوف كيف المستشفى حلو
نوف: اوفففف لاتذكرني والله كأني بسجن
نايف: الله سجن مرو وحدة
نوف: ايوه والله الا وين بندر
وماتكمل كلمتها الا ويدخل اخوها بندر ومعاه زوجته وأولاده
بندر: الحمد لله على السلامة
نوف: الله يسلمك
مها: الحمد لله على السلامة نوف
نوف حست بمها انه مكسوفة من اللي صار نوف تحب مها من دون عيال عمها كلهم لانها مرة طيبة
نوف: الله يسلمك ياعيوني وركزت على كلمة عيوني عشان تحسس مها انها ماهي اخذه موقف منها
نوف: مها اعطيني ريم ورنا
وقامت مها وجلست عند نوف واعطتها البنات ونوف ماصدقت خبر طاحت تبويس فيهم
بندر: بشويش على بناتي قتلتيهم
نوف: هههههههه والله مشتاقة لهم امووووووووووووووووووواه
رامي: وانا ياعمة مااشتقتي ليه
نوف: هلا والله بحيب عمته الا والله كلكم وحشتوني
نور: ولا يهمك رامي حبيبي انا احبك ايش تبغى فيها
نوف: انتي ايش فيكي الحمد لله والشكر
ابوبندر: نور ايش فيكي على اختك
نور: هههههههه ابويه امزح
ام بندر: هذا حالهم مايرتاحون لو ماسوو كذا
نوف: والله هي تحب تأذيني دايما تتلزق فيني كأنها ذبابة
نايف: ههههههههههههه حلوة ذبابة طيب رشيها بفليت ترا يمدحونه
بدر: ههههههههههههههههههههه لا ريد احسن
نوف: ههههههه مو مشكلة اجرب الإثنين
الكل الا نور: ههههههههههههههههههههههههههههههههههههه
نور: بايخة زي وجيهكم ماتضحك
بندر: كلنا ضحكنا اكيد تضحك
نور: سخييييييييييييييييف
ابو بندر: نور اخوكي الكبير عيب كذا
نور: وايش معنى لمن يتريقوا عليه ماتقولهم شيء ولا بس انا
ام بندر: اخوانك يمزحون على طول قلبتيها زعل
نايف: يلا ياذبابة قومي روحي لانرشك بفليت هههههههههههههههه
نوف: ههههههههههههههههههههههههههههههه
نور: طيب يانايف اوريك موبعدين تجي تترجاني
نايف: انا اترجاك وفي ايش
نور: انت عارف بإيش لا تستهبل
نايف: والله ماعندك سالفة بس اسكتي
نور: لا والله عندي حرف السين
نايف: ايوه لا حبيبتي نور ماعاش مين يقول عن ذبانة
نور: ايوه خليك كذا
ابوبندر: انتوا ايش عندكم اسرار
نور: لا ولاشيء بس نايف يعرف
نوف: بس عرفته ولايهمك نايف انا اتوسطلك لاتخاف سيبك منها
بندر: ايش فيكم انتوا اتكلموا عدل
نايف: لاخلاص سالفة بيني وبين نور
ابوبندر: خلاص غيروا الهرجة ماغير تتناقرون والله كأنكم صغار
نواف: بابا ودينا الملاهي
رامي: ايوه جدو والله من زمان مارحنا
بندر: رامي موقبل اسبوع موديكم وتقول من زمان مارحنا
رامي: قبل اسبوع يعني من زمان مرررة
وضحكوا كلهم على كلام رامي
نور: اسبوع من زمان اجل شهر كيف ههههههههههههههه
بدر: والله انكم عائلة نكته هههههههههههههههههه
الكل: هههههههههههههههههههههههههههههههههههههههههههههههه
ام بندر: الله يدوم البسطة علينا
الكل: امييييييييييييييييييييين


سارة: سمر بقولك شيء
سمر: قولي
سارة: انتي تحبي نايف
سمر: ايوه فيها شيء
سارة تضرب سمر من كتفها: وجعععع لا مافيها شيء بس استحي شوية
سمر: وليه استحي
سارة: لانك بنت والبنت لازم تخجل شوية
سمر: والله واستحي من اختي كمان
سارة: ايوه
سمر: والله انك فاضية
سارة: انا فاضية طيب كنت بقولك شيء بس لانك طولتي لسانك ماني قايلة لكي فارقي
سمر بدلع: سوسو حبيبتي
سارة: لا لا
سمر: سارة وتحضن سارة بقوة وتبوسها
سارة تدفها: وجععع خلاص بقول جاكي خطيب
سمر: وجع ذليتيني عشان كذا
سارة: انتي ماعرفتي لسه مين هو الخطيب
سمر: ميييين
سارة: نايف
سمر: قولي والله
سارة: يعني هو ماخطبك رسمي بس بيخطبك انشاء الله
سمر: مين قالك
سارة: نوف قالتلي انه بدر بيخطبني ونايف بيخطبك
سمر: هههههههههههههههههههه حلووووووووووة
سارة: ليه تضحكي
سمر: لا بس شيء يضحك يخطبونا احنا الثنتين
سارة: مافيها شيء عادي ولا انتي ماتبغي تتزوجي
سمر: انا احب نايف بس احس اني صغيرة على الزواج
سارة: ايوه صح نسيت انك صغيرة بس لسانك ياطوله
سمر تمد لسانها: والله صغير هههههههههههه
سارة: هههههههههههههههههههههههههههههه
سمر: بس متى بيخطبوا
سارة: ايش فيكي مستعجلة كل شيء بوقته حلو
سمر: بس تتوقعين امي وابويه يوافقوا يزوجوني
سارة: والله انا اتوقع انهم يوافقوا لانه نايف ماينعاب
سمر: يالله يعني انا وانتي بنتزوج بيوم واحد
سارة: شايفة كيف
سمر: بس انتي اكيد مبسوطة لانه بدر طلع يحبك
سارة: يعني عشانه بيتزوجني معناه يحبني
سمر: يالغبية اكيد يحبك ولا ليش يبلش نفسه فيك واصلا بدر باين من نظراته انه يحبك كل ماشافك بحلق عيونه فيك ومايقول كيف الحال الا لكي كأنه مو شايف غيرك
سارة فرحت: بالله باين عليه
سمر: والله مرررة باين عليه حتى نور حست بكذا اول قالتلي
سارة: الله يسمع منك
سمر حضنت سارة: الله يوفقك انشاء الله مع بدر
سارة: امين ويوفقك انتي كمان
سمر: اميييييييييييييين اموووووووووووووووواه
.................................................. ..................

بدر طلع مع نوف غرفتها بس نوف وقفت في الممر
بدر: نوف ايش فيكي ادخلي غرفتك
نوف: لا بروح غرفتك اوريك هدية سارة
بدر: نوف مو وقته انتي دحين تعبانة خليها بوقت ثاني
نوف: لا دحين انا من يوم قلتلي انك ماشفت هدية لسارة وانا بالي مشغول ماني مصدقة لاني انا بيدي حطيتها
بدر: براحتك يلا
نوف: يلا
ودخلوا بدر ونوف الغرفة وجلسوا يدوروا الهدية ومالقيوها
نوف: ياربي يعني وين راحت والله انا حطيتها بنفسي
بدر: طيب وين حطيتيها
نوف صارت تفكر: امممممممممم ايوه تذكرت حطيتها على السرير
بدر: على السرير على السرير ايوه صح الهدية كانت صندوق احمر
نوف: ايييييييييوه صندوق احمر كبير
بدرراح وطلع الصندوق من تحت السرير
بدر: قصدك هذا
نوف راحت عند بدر ومسكته
نوف: ايوه هو هذا
بدر: متأكدة
نوف: ايوه متأكدة 100%
بدر وهو مستغرب: بس هذه هدية مي بنت عمي
نوف صرخت: اييييييييييييش
..................................................

&&& الجزء السابع عشر &&&

بدر وهو مستغرب: بس هذه هدية مي بنت عمي
نوف صرخت: اييييييييييييش
بدر: ايش فيكي
نوف: هدية مي ؟؟؟
بدر: ايوه
نوف: يابنت ال استغفر الله العظيم
بدر: ايش فيكي نوف
نوف: بدر هذه هدية سارة مو مي
بدر: لاهدية مي حتى شوفي كاتبة اسمها عليها
نوف تطالع في الورقة نفس الكلام اللي شافته يوم سارة فتحت الهدية وكتبت اسمها بس ايش جاب اسم مي ايش هذا
نوف: اها خلاص فهمت
بدر: ايش فهمتي
نوف: شوف الشخمطة هذي كانت اسم سارة بس مي مسحت اسم سارة وحطت اسمها
بدر منصدم: معقولة
نوف: والله اتوقعها من مي تراها جنية
بدر: ياحياتي ياسارة اتاري الهدية منك وانا اللي كنت اتمنى منك شيء وطلع عندي ومدري عنه حسبي الله عليكي يامي
نوف: والله لفضحها التافهه هذي عمله تسويها
بدر: لا خلاص سيبيكي منها
نوف: بس
بدر: لابس ولاشيء نوف لو تحبيني من جد انسي اللي صار ولاتقولي لاحد
نوف: تيب
بدر: هههههههههههههه اموت في الصغيرونة الحلوة
نوف: ههههههههههههههههههههههههه لا خليك ميت بسارة احسن
بدر: ااااااه سارة معشعشة في قلبي من زمان
نوف: ااااااااااااااه على الحب الله يوفقكم
بدر: امييييييين وعقبالك انشاء الله
نوف: انشاء الله
بدر: بس خسارة
نوف: ليه
بدر: العطر اللي كان في الهدية انكسر
نوف: اها مو مشكلة اهم شيء باقي الهدية
بدر: ايوه صح اهم شيء انه في شيء من ريحة سارة
نوف: هههههههههههههههههه
بدر: ليش تضحكي
نوف: لا ولا شيء ههههههههههههههه
بدر: الحمد لله والشكر
نوف: يلا بس خليني اروح غرفتي وانت اجلس على الاطلال ههههههههههههههههههههههههههههههههههههههههههههه
بدر: فارقي يلا اشوف
نوف: اقول بس لاتنسى تحضنها وانت نايم
بدر: مو شغلك
نوف وهي طالعة: هههههههههههههههههههههههههههههههههههه
بدر: تافهه
وجلس بدر على السرير ومسك الهدية وهو يتحضنها بعدين رفع الور قة وقرأها

أهلا أهلا بك يابعد كل من لي
ياأغلى من الغالين ياروح روحي
يفز لك قلبي وارحـــب وأهلي
ويطيب في قلبك جميع الجروحي
بدر: يالله معقولة سارة تحبني وانا كل هذي الفترة ماادري عنها كله منك يامي الله ياخذك استغفر الله العظيم
وصار بدر يشوف الأشياء الثانية وهو منبسط ومستمتع
.................................................. ...........

طبعا نوف ماخلاها قلبها ماتقول لسارة اللي صار ودقت عليها
نوف: الوووووووو مرحبا
سارة: هلا والله الحمد لله على السلامة
نوف: الله يسلمك كيفك حياتي
سارة: انا بخير وانتي
نوف: بخير
سارة: والله كان نفسي اجيكي بس امي قالت احسن نزوركم في البيت
نوف: لا ماله داعي جيتك المستشفى
سارة: لا عادي
نوف: متى بتجون
سارة: على المغرب انشاء الله
نوف: ايوه حلووو
سارة: ههههههههههه ايش هو اللي حلو
نوف: لا كنت ابغاكي بموضوع بس ماينفع على التليفون
سارة ارتبكت: ايش هو
نوف: ههههههههههه لاتخافي لمن تجي بقولك
سارة: اوكي
نوف: ايوه وانتي ايش اخر اخبارك
سارة: ولا شيء الحال هو هو
نوف: يلا انشاء الله يتغير للاحسن
سارة: انشاء الله
نوف: طيب سارة اسيبك دحين نشوفك انشاء الله
سارة: انشاء الله
نوف: مع السلامة
سارة: مع السلامة
.................................................. ..........

نروح لمي اللي علاقتها مع ياسر صارت وثيقة وصارت ماتستغنى عنه وكل يوم تكلمه وفي بعض الاحيان يتواعدوا ويخرجوا مع بعض
ياسر: مي ايش رايك اليوم نخرج
مي: امممممممم مدري
ياسر: يلا ياعمري والله بننبسط
مي: افكر
ياسر: ميمي حبيبتي
مي: اوكي
ياسر: خلاص نتقابل الساعة 8 ايش رايك
مي: اوكي
.................................................

في بيت ابو سامي
ابوسامي: سامي تتذكر خالد
سامي: مين خالد
ابوسامي: خالد ولد ابو علي جيراننا اول
سامي: ايوه اتذكره ايش فيه
ابوسامي: اليوم لقيته انا ماعرفته بس هو عرفني وجا سلم عليه
ام سامي: ياحليلهم كانوا جيران طيبين بس هم نقلوا قبلنا
خلود: ايوه ان شفت بنتهم مرام في الجامعة
ابوسامي: المهم قالي انه بيتزوج وعزمنا على زواجه
ام سامي: ماشاء الله اذكره صغير
سامي: امي خالد قدي يعني عمره 27 موصغير
ام سامي: أي والله الايام تمر بسرعة وكيف بنتهم مرام
خلود: طيبة وماشاء الله مررة حلوة
ام سامي تطالع بسامي: يلا الله يوفقها ويرزقها بولد الحلال
سامي: ههههههههههههههههههه امي ترى عارف حركاتك
ام سامي: ايش فيك ادعي للبنت حرام يعني
سامي: ماشاء الله ياخالد بتسبقني وتتزوج
ام سامي ماحسبت: والله انت اللي موراضي ولا البنات كثار
سامي: وفي منهم تناسبني
ام سامي: انت اشر بس
خلود: هههههههههههههههههههههههه
سامي: ايش فيكي تضحكي
خلود: لا تذكرت شيء
سامي: احسب
ام سامي: خلود لاتغيري الموضوع ايوه حبيبي سامي كمل
سامي: ايوه طيب خلاص
ام سامي: ايش هو اللي خلاص
سامي: خلاص الموضوع ههههههههههههههه
ام سامي تصد عنه: روووووووووووح ماعندك سالفة
ابو سامي+ سامي + خلود: هههههههههههههههههههههههههههههههههههه
ابوسامي: سامي حرام عليك
سامي: امي ايش هذا وين العروسة
ام سامي: سامي يالله اسكت ماني فايقتلك
سامي: خلاص اجل بروح لخالتي تدور ليه عروسة امي ماهي فاضية
ام سامي فرحت: سامي من جدك
سامي: والله من جدي دحين بتصل على خالتي
ام سامي: وخالتك اشلها امك موجودة
ابو سامي: توك تقوليله روح
ام سامي: امزح يعني حرام
وضحكوا عليها الكل
سامي: يعني بدورين ليه
خلود: العروسة موجودة
ام سامي: سامي خلاص من جدك
سامي: امي موانا قلت لكي يوم اللي ابغى اتزوج بجي وبقولك ها جا اليوم امي الحبيبة اريد ان اتزوج
ام سامي تقوم وتحضن ولدها: ياحبيبي ابشر والله لزوجك احسن واحلى البنات
سامي: تسلمين يالغالية
خلود: انا عندي عروسة مناسبة وتغمز لبدر
ام سامي: مين
خلود: نوف صحبتي
ابو سامي: طيب هي بنت مين
خلود: نوف بنت عبدالله ال........
ابوسامي: والنعم ناس طيبين
سامي: ها ايش رايك امي
ام سامي: والله نوف ماتنعاب خلاص متى نروح نخطبها
خلود: الخطوبة خلوها شوية البنت توها طالعة من المستشفى
ابوسامي: ليه ايش فيها
وحكت خلود ابوها عن اللي صار لنوف بس من غير ماتذكر انه بسبب انه ابوها غاصبها على ولد عمها
ابو سامي: مسكينة يلا الله يساعدها ويشفيها
الكل: اميييييييييين
ام سامي: خلاص نستنى مافيها شيء
خلود: انا بزور نوف في بيتها بتروحين معايا
ام سامي: ايوه بروح خلينا نتعرف على امها
خلود: خلاص بروح بكرة سامي تودينا
سامي: انشاءالله.
.................................................. ....


بعد المغرب
كانوا اهل سارة عند اهل نوف
ام سارة: الحمدلله على سلامتك نوف ماتشوفين شر
نوف: الله يسلمك الشر مايجيكي
وظلوا الحريم والبنات يسولفون مع بعض والهروج كانت حلوة وممتعة طبعا بوجود الثنائي المرح نور وسمر ههههههههههههههه
نور: سمر تعالي بوريكي شيء
سمر: يلا
وراحوا سمر ونور
سمر: نور وقفي ابغى موية
نور: سمر انتي روحي جيبي لكي
سمر: لا نور استحي اخاف احد من اخوانك يجي
نور: لا اخواني مو موجودين يلا روحي وانا استناكي فوق
سمر: وجععع فارقي
نور: هههههههههههههههههههههه
وكملت نور طريقها وراحت سمر المطبخ وبعد ماصبت لها موية في الكاسة طلعت وتوه الا واحد يصدم فيها
نايف: اوووووووووو اسف اسف
سمر: لا عادي
بعدين انتبه نايف: مين سمر ياهلا والله اشوف البيت منور
سمر استحي: هلا فيك منور باصحابه
نايف: كيفك سمر
سمر: بخير كيفك انت
نايف: دام اني شفتك اكيد بكون بخير
سمر استحت مرررررة من كلام نايف
نايف: وكيف الدراسة
سمر: تمام يلا انا استأذن
نايف: بدري
سمر: لا بس نور مستنيتني في غرفتها
نايف: اها والله ماابغاكي تروحي بس يلا الجايات اكثر
سمر: يلا باااااااااااي
نايف: باااااااااااي ياقلبي
سمر في قلبها: اموت بجرأته
وعدت سمر من عند نايف اللي قعد يسويلها حركات يجي يمين ويجي يسار عشان ماتمر
سمر بدلع: نااااااااايف
نايف: امووووووووت بالدلع ههههههههههه
ووسع طرق لسمر عشان تمر
نايف: ياربي وش هالجنون اللي سكن دمي ماعاد فيه طاري غير طارها غير طارها هالادمية اموت ان شفتها يمي واتوه في كلمتي وافقد معانيها وافقد معانيها
سمر: في قلبها الله عليه وعلى صوته الحلو ياناس احبه اموت فيه
وانتبهت سمر وعلى طول تحركت
نايف: سمورة
سمر التفتت له: هااااا
نايف وهو مغمض عيونه: احبـــــــــــــك
سمر استحت وبسرعة راحت وقلبها من كثر ماينبض تحس نفسها ماهي قادرة تشم هوا
سمر: يااي اخيرا نطقها اخيرا اااه يانايف احبك احبك
نور لمن شافت سمر: ايش فيكي
سمر: نور بموت الحقيني
نور: سمورة
سمر: قالها قالها قال احبك قالها قالها قالها اخيرا قالها
نور: ههههههههههههههه الحمد لله والشكر يابنت ايش فيكي جنيتي
سمر: ااااااااااه يانور اخيرا قالها
نور: مين هو وايش قال
سمر: نايف قالي احبك
نور: هههههههههههههههههههههههههههههههههههههههههههههههههه هه
هههههههههههههههههههههههههههههههههههههههههههههههههه هه أي بطني بموووووووت
سمر: هييه انتي ليش تضحكي
نور: اضحك عليكي ارحمي نفسك قال احبك وتقلد صوت سمر
سمر: اقول فارقي الشره عللى اللي يقولك
نور: سمر انتي تحبي نايف
سمر: احبه كلمة احبه قليلة الا اموووووووت فيه
نور: الله يوفقكم انشاء الله تستاهلون بعض
سمؤ وهي تحضن نور: الله يسعدك انتي كمان
نور: انشاء الله
سمر: ايوه صح وين الشيء اللي بتوريني هو
نور: ايوه شوفي سمر بس اوعديني ماتقولي لاحد
سمر: افا سرك في بير
نور: سمر انا انا
سمر: انتي ايش
نور: سمر انا احب ماجد
سمر: مين ماجد
نور: ماجد ولد عمي
سمر: والله من متى
نور: والله احبه ليه سنة
سمر: سنة ولا تقولي يادبة
نور: وحدة بوحدة زيك
سمر: بس انا استحيت اقولك لانه نايف اخوكي بس انا مااعرف ماجد حقك
نوروهي تضرب سمر من كتفها: سيدك هذا تكلمي عنه عدل
سمر: بدينا لا انا كذا اغار
نور: ههههههههههههههههههههه
سمر: ههههههههههههههههههههه
سمر: طيب هو يحبك
نور: اظن انه يموووووت فيه
سمر وهي تصفر: ياهوووووووووووووووووو اموت انا بالواثقين
نور: شايفة كيف
سمر: طيب قولي ليه الهرجة من البداية
..............................................
نروح لنوف وسارة وامهاتهم
نوف: تصدقون نفسي بإيه
ام بندر: تبغي اسويلك شيء تاكلينه
نوف: لا مابغى اكل نفسي نخرج كلنا نتمشى مع بعض والله زمان ماطلعنا مع بعض
سارة: ايوه والله من زمان
ام بندر: خلاص انشاء الله بنشوف يوم ونطلع مع بعض كم نوف وسارة عندنا
سارة: تسلمين ياخالة
نوف: ههههههههه هما ثنتين مافيش غيرهم وتحضن سارة
ام سارة: الله يخليكم لبعض
الكل: امييييييييييين
وشوية قاموا نوف وسارة وراحوا غرفة نوف لان نوف ماهي قادرة تجلس بتمووووت وتقول لسارة عن مي <<<<< حريييييييم عااااااد مايخبون شيء في قلوبهم هههههههههههههههههههههههههههههههههه
واعتذرت انها بتروح غرفتها ترتاح واخذت معاها سارة وتركوا امهاتهم لوحدهم اللي طاقينها هروج
المهم نروح لبطلتينا
نوف: تعالي سارة عندي لكي هرجة
سارة: يلا قولي
نوف: تصدقين انه بدر ماشاف هديتك
سارة: احلفييييييي
نوف: لا هو شافها بس مايدري انها منك
سارة متحيرة: كييييييييف؟؟
نوف: انا اقلك لمن قلت لبدر عن هديتك قالي أي هدية وحلف انه ماشاف هدية منك وانا ماصدقته وقلت له انا حطيتها بنفسي بس هو اكد ليه انه ماشافها
سارة: وبعدين
نوف: المهم قالي انه بيدور ودور مرات كثيرو ومالقيها المهم لمن طلعت من المستشفى دورناها انا وهو وطبعا ماليقناها لانه حاطها تحت السريرانا عرفتها
سارة: ايوه
نوف: المهم قلتله هذي هي قالي متاكدة قلت له ايوه تدرين ايش قالي
سارة: ايش
نوف: قالي بس هذي هدية مي بنت عمي
سارة: هااااا
نوف: انا زيك انصدمت وماصدقت الا لمن شفت اسمها على الهدية
سارة: نوف وضحيلي
نوف: تصدقين طلعت الخايسة ماسحة اسمك وحاطة اسمها بدالك
سارة صرخت: اييييييييش معقولة
نوف: والله انا انقهرت حتى بدر انقهر بس اللي برد عليه انه انتي جبتيله هدية قالي هذا اهم شيء ههههههههههههههههه
سارة استحت: الله يخليه ليه يارب
نوف: ههههههههههه بس والله مقهورة نفسي اتصلبها واعطيها ذاك الكلام وجع ماتستحي
سارة: خلاص سييكي منها
نوف: سبحان الله نفس كلام بدر والله من جد انتوا الاثنين قلوبكم كبيرة
سارة: الحمد لله اهم شي ههههههههههههههههههه
نوف: أي والله
..........................................

نروح لنور ولسمر
نور: اقولك الحكاية ياستي انا اول قبل سنة كنت في بيت اخوبه بندر والحوا عليه انام عندهم المهم ويوم زارهم ماجد طبعا انتي عارفة مها مو اخته
سمر: ايوه
نور: المهم هناك شافني وكنت بشعري مو لابسه شيلة فقعد يطالع فيه وانا زيه الصراحة اناا كنت منهبلة من جماله ماشااء الله عليه مررررة حلو ماكنت اتوقع انو عمي عنده ولد حلو زيه
سمر: ههههههههههه كملي
نور: المهم صرنا نطالع ببعض بعدين قالي
ماجد: انتي مين
نور: انتى اللي مين داخل بيوت الناس ليه هي وكالة من غير بواب
صدق ماتستحي ولك عين تسأل بعد
ماجد: هذا مو بيت اختي مها
نور انبلهت: انت اخو مها
ماجد: ايوه انتي مين
نور: انا نور اخت بندر
ماجد: نور بنت عمي
نور: ايوه
ماجد: هلا والله ماكنت ادري انه عمي عنده بنت حلوة زي كذا
نور انتبهت لنفسه انها بدون شيلة: اوووووووو لحظة
وراحت نور ولبست شيلتها وتغطت ورجعت له ولقيته جالس مع مها
نور: السلام عليكم
مها + ماجد: وعليكم السلام
مها: ماجد هذي نور بنت عمي
ماجد: هلا والله كيفك نور
نور: بخير كيفك انت
ماجد: بخير

سمر: وبعدين
نور: المهم من بعدها صرت افكر فيه احس اني حبيته
سمر: حب من اول نظرة ههههههههه
نور: ايوه والله المهم
سمر: انتي ماعندك غير كلمة المهم>>>>>>>>>>>> حتى نوف مثلها شكلها الكلمة متوارثة هههههههههههههههههه
نور: اوفففففف طيب المهم لا
سمر: ههههههههههههههه خلاص كملي فيها
نور: زي ماقلتلك من بعد ذاك اليوم وانا افكر فيه لين ذاك اليوم اللي لقيته عند مدرستي الصراحة اتفأجات منه وبنفس الوقت فرحت لاني من شهر ماشفته المهم هو كلمني وقالي انه يبغى يقولي شيء واعطاني رقمه
سمر: وانتي ايش قولتيله
نور: مدري اخذت منه الرقم بس ماكلمته الا بعد مرور اسبوعين بس قلت في البداية بختبره
سمر: والله انك جنية
نور: طبعا اعجبك المهم دقيت عليه وقلت له
نور: الووووووو
ماجد: الوووووووو
نور: كيفك ماجد
ماجد: بخير مين معاي
نور: معجبة
ماجد: والله وايش تبغي
نور: قولتلك معجبة وابي اتعرف عليك
ماجد: بس انا ماابغى اتعرف ودحين اسيبك
وقفل الخط بوجهها
سمر: ايوه
نور: بعد اسبوعين ثانيين دقيت عليه وقلت له
نور: الووووووو السلام عليكم
ماجد: وعليكم السلام
نور: كيفك
ماجد: مين معاي
نور: انا نور بنت عمك
ماجد تغير صوته: هلا والله بدري توك تدقي
نور: والله كنت مترددة
ماجد: خلاص سامحتك
نور: ماجد ايش تبغى مني انت ترى والله انا مااحب اكلم اولاد بالتليفون
ماجد: والنعم ببنت عمي ابغاكي كذا على طول
نور: انشاء الله
ماجد: نور صراحة انا ماكنت ادري انه عمي عنده بنتين انا بس اتذكر نوف ولمن شفتك انصدمت والصراحة دخلتي قلبي ونفسي اني ارتبط فيكي
نور: ها
ماجد: نور والله انا ماامزح انا حبيتك
نور: وبعد الحب
ماجد: اكيد بتزوجك
نور: ...............
ماجد: نور انا والله حبيتك وانشاء الله بقول لابويه يخطبك ليه
نور: والله مدري ايش اقول
وسكتت نور
سمر: وبعدين
نور: المهم صار كل يوم يكلمني بعدين انا حسيت بالغلط وقلت له احسن تنكلم بالمسنجر وهو وافق وهذا لنا شهرين ماسمعنا صوت بعض
سمر: طيب هو متى بيجي يخطبك
نور: هو وعدني لمن اتخرج من الثانوية يخطبني
سمر: الله مبررررررررروك
نور: الله يبارك فيكي بس انا خايفة
سمر: من ايش
نور: من بعد سالفة نوف ويوسف
سمر: لاتقولي كذا لا انشاء الله يخطبك توكلي انتي بس على الله
نور: ونعم بالله بس الله يخليكي سمر لاتقولي لاحد
سمر: لاتخافي ياقلبي
نور: تسلمين ويلا تعالي اوريكي صوره ورسايله
وسمر يوم شافت ماجد انهبلت
سمر: ماشاء الله مرررررة حلو والله وعرفتي تختاري
نور: مو اهم شيء جماله اهم شيء قلبه
سمر: ايوه والله اهم شيء الله يوفقك وياه
نور: امييييين ةانتي كمان
سمر: اميييييييييييييين
وقعدوا نور وسمر يقروا رسائل ماجد
.................................................. ..

( انا ماعرفتكم بماجد ترى ماجد غير عن يوسف ومي ماجد مرة طيب وحبوب طبعه مثل اخته مها وهو من جده يحب نور وناوي يخطبها بس لمن تتخرج وحتى هو مثل نورخايف من سالفة نوف ويوسف انها تاثر على زواجه من نور بس ربي يحلها انشاء الله هو متوكل على الله بكل شيء وربي انشاء الله بيتوج حبهم بالزواج)
.................................................. ........

نوف: بس تدرين بدر مقهور
سارة: من ايش
نوف: العطر اللي جبتيه انكسر
سارة: والله بس ولا يهمك انا عندي واحد زيه انا اشتريت اثنين عشان اتذكر ريحته
نوف: والله انك داهية
سارة: ههههههههههههههههههههههههه
نوف: يعني بتعطينه هو
سارة: ايوه بعطيكي هو وانتي اعطيه هو
نوف: اوكي
وهنا دقت خلود على جوال نوف
نوف: هلا خلود
خلود: هلا حبيبتي كيفك
نوف: بخير وانتوا كيفكم
خلود: والله كلنا بخير
نوف: الحمد لله
خلود: نوف بكرة بتخرجوا
نوف: لا
خلود: حلووو ترى بكرة بنزوركم
نوف: الله يحيكم البيت بيتكم
خلود: تسلمين ياقلبي
وتموا نوف وخلود سوالف وسارة طفشت وخرجت من غرفة نوف
وهي طالعة لقيت بدر
بدر: سارة هلا والله اشوف البيت منور
سارة: ههههه هلا بيك منور بأصحابه
بدر: كيفك سارة
سارة: انا بخير انت كيفك
بدر: بخير ايوه صح شكرا على الهدية ولو انه متأخر بس والله توي شفتها
سارة: عفوا انا عارفة اللي صار
بدر: قالتلك نوف
سارة: ايوه قالتلي والله يسامح مي
بدر في قلبه: الله عليكي ياسارة وعلى قلبك
بدر: ايوه صح الله يسامحها
سارة: يلا عن اذنك بدر
بدر: تفضلي
ومشيت سارة ورجعت غرفة نوف
بدر: سارة
سارة التفتت له: هلا
بدر: لو خطبتك توافقي عليه
سارة ابتسمت وهزت رأسها ودخلت الغرفة
بدر: الله يازينها ويازين حياها احبها ياناس احبها
.................................................
نروح لمي وياسر اللي اتعشوا مع بعض وبعدين صاروا يتمشوا شوية بالسيارة
ياسر: مي
مي: عيونها
ياسر: احبك
مي: وانا كمان
ياسر: مي ايش رايك نروح شقتي
مي انصدمت: وليش انشاء الله
ياسر: مي ايش فيكي خفتي انا بس بوريكي هيا
مي: لا ماخفت بس شقة لا
ياسر: يعني منتي واثقة فيا
مي: ياسر انا واثقة فيك بس شقة لا
ياسر: مي والله انا احبك يعني مستحيل اسوي فيكي شيء لاتخافي
مي: ياسر انا عارفة بس دحين الوقت اتاخر وابغى اروح البيت خليها وقت ثاني
ياسر: وعد
مي ابتسمت: وعد
ياسر ضحك في قلبه الخطة بدأت تنجح شوية شوية ان مانزلت غرورك وضيعتك واخليكي تندمي على اللي سويتيه بسمية يامي مااكون ياسر..
.................................................. ................................

&&& الجزء الثامن عشر &&&

بعد مرور شهر
نوف وسارة مشغولين بالدراسة وخصوصا انهم اخر سنة
بدر يستنى اليوم اللي يجي ويخطب سارة وكذلك الحال بالنسبة لسامي
فهد محتار في انه يخطب خلود ولا لا وخصوصا انها بدات تشغل اغلب تفكيره
مي لساتها على خرجاتها مع ياسر <<<< الله يستر
نور علاقتها مع ماجد مثل ماهي
سمر تحس بحياة جديدة خصوصا بعد ماقالها نايف احبك

في الجامعة البنات كانوا مجتمعين
نوف: اووففففففف من هذا الدكتور بس يتشرط مو عاجبه شيء
ريم: ليه ايش فيه
نوف: يعني مايعجبه العجب ولا الصيام في رجب اوففففف كلها شهور وارتاح من وجهه
سارة: نوف احنا بنسوي اللي علينا وهو بكيفه والله خلاص طفشت
مريم: ايش فيكم انتوا الثنتين اتحملوا شوية مرة يعني
نوف: يلا الله يعيننا الا اقول ايش اخر اخباركم
مها: من وين نجيب الاخبار واحنا من الجامعة للبيت ومن البيت للجامعة
نوف: هههههههههههههههههه ياحرام
مها: هههههههه بايخة
سارة: بدأنا اقول انتي وهي اسكتي
ريم: يدورون المناقرة تدوير
نوف: اوف خلاص طيب وين ندى
ريم: ندى اليوم ماجات
نوف: ليه خير
مها: وي البنت غايبة يعني على طول فيها شيء
ريم: مها ياربي ايش فيكي
نوف: مافيها شيء لو اسال عنها
ريم: لا مافيها شيء بس دقت عليه وقالتلي انها هي وزوجها بيتمشون
نوف فرحت: الله يسعدهم
مريم: الله متى اتزوج وزوجي يمشيني
مها: هههههههههههههه عريسك عندي وانا ام هندي
نوف: وووووووووع ليكون هندي
مها: وايش فيهم الهنود حلا حلا
مريم: لا والله هندي بعينك قال حلا حلا خليه لكي مشكورة
مها: لا ياحبيبتي الله يخليلي مهند حبيبي
نوف: ومين مهند هذا ماقيد سمعنابه
مها: هذي ختيبي ااااااااااااااه احبه
نوف: ختيبي ههههههههههه
مها: ايوه ختيبي عندك شيء ليكون تبغيه بدل خطيبك السابق <<<<< مها قالتها بدون ماتقصد
نوف اللي انحرجت من كلام مها: لا ماعندي شيء الله يخليك هو
مها: امييييييييين
والبنات كلهم لاحظوا تغير نوف
نوف: نوف عن اذنكم
وقامت نوف وقامت معاها سارة ولكن قبل ماتروح لفت على مها واعطتها نظرة عتب انصدمت منها مها
مها وهي تطالع في البنات: غلطت صح
ريم وهي معصبة: انتي غلطتي وبس حرام عليكي البنت توها فايقة من الصدمة وانتي قاعدة تتفلسفين حرام عليكي ياظالمة حسبي الله عليكي
مها: والله ماكنت اقصد انا دايما امزح مع نوف وانتوا تعرفون
مريم: وانتي بلي قولتيه تسمينه مزاح هذا جرح كرامة يامها
مها: ياجماعة والله مااقصد ياربي انا ايش سويت وقامت مها
ريم: وين رايحة
مها: بروح اتسامح منها
ريم: يكون احسن
وراحت مها تدور على نوف لقيتها جالسة في الكافتيريا ومعاها سارة اللي كانت تحاول تكلم نوف اللي سرحانة
مها: نوف
نوف: .............................
مها: نوف والله اسفة ماكنت اقصد والله انتي تعرفين انا دايما امزح معاكي
نوف ساكتة
مها: نوف والله انا احبك ومايهون عليه زعلك الله يخليكي نوف كلميني سامحيني ولو تبغيني اعتذر قدام الجامعة كلها بعتذر
نوف: لا خلاص مها انا مسامحتك بس انا من زمان متضايقة وكلامك زادني
مها: نوف يعني سامحتيني
نوف ابتسمت: روحي يامها ياخطيبة اقصد ياختيبة مهند انا مسامحتك
مها: ههههههههههههه الله لا يحرمني منك
وحضنت مها نوف وباستها بقوة
(الله على الصحبات لمن يحبون بعض )
مها: طيب يلا قومي وخلينا نروح للبنات
نوف: طيب
وراحو نوف ومها وسارة لعند البنات وكملوا هروجهم
.................................................. ..........

في الشركة كان بدر يفكر بسارة
بدر: انا خلاص والله مليت لازم اكلم امي اخليها تخطب ليه سارة
واثناء تفكيره دخل عليه صاحبه خالد اللي يشتغل في الشركة
خالد: هيييييه بدر
بدر: هلا
خالد: هلا فيك وينك من اليوم اناديك اللي ماخذ عقلك
بدر: ااااااااااااااااااه خلي اللي في القلب في القلب
خالد: بدر انت تحب
بدر: الا قول ميت في الحب
خالد: ههههههههههههه لا هذي يبغالها جلسة
وجلس خالد على الكرسي
بدر: هههههههههه الله يرجك
خالد: يلا حكيني
بدر: لا بس احب بنت جيراننا وانشاء الله بخطبها قريب
خالد مبتسم: اوووووووووو مبروك والله بتتزوج
بدر: ههههههههههه شايف كيف الله يبارك فيك عقبالك
خالد: انشاء الله
.................................................. .........

في بيت ابو بندر بدر قرر انه اليوم يكلم امه ماعاد فيه يصبر اكثر
بدر: امي ابغاكي تخطبي ليه سارة
نوف: الله اخيرا كللللللللللللللللللللللللويش
ام بندر: هذي الساعة المباركة متى تبغاني اخطبها
بدر: اليوم
نايف: ايوه اليوم
ابو بندر: وانت ايش دخلك
نايف: ايش فيك ياابويه مو انا ابغى الثانية كمان
ام بندر: نايف انت لسه بدري
نايف وهو زعلان: لا مو بدري ايش معنى بدر
نوف: سمر لسه صغيرة مااظن اهلها يوافقوا
نايف: مو لازم اتزوجها دحين اخطبها ونملك وبعد ماتتخرج نتزوج
ام بندر: انا اكلم امها ونشوف
بدر: بس اول اخطبيلي انا
نور: مررررررررة مستعجل
بدر: موشغلك
نور: ياربي ايش فيك انت والله لااحرش سارة واخليها ترفضك
نوف: ههههههههه ماتقدري انا صحبتها وتأثيري عليها بيكون اقوى
بدر: كفو والله
نوف بإبتسامة ناصعة: يسلمووووووووووووووووووو
نور: وجعععععع من زينك
نوف وهي تمد لسانها: احلى منك
ابو بندر: ايش فيكي انتي وهي خلاص اسكتوا مافي احترام ليه
نوف: انت فوق الراس ياابويه
بدر: خليكم بسالفتي متى بتروحين
ام بندر: والله مدري انت متى تبغى
بدر: لو عليه اليوم ابغى بس ايش رايك الاربعاء
ام بندر وهي تحسب: الأربعاء اليوم احنا احد يعني.......... بعد يومين
بدر: ايوه خلاص
ام بندر وهي تبتسم: خلاص الله يوفقك ياولدي
بدر: امييييييييين
نايف: وانا لاتنسيني
ام بندر: ههههههههههههههه لا مابنساك لاتخاف
نايف: كفو والله يااحلى ام بالدنيا وقام حضن امه
نوف: ههههههههههههههههه اااااااااااه من الحب وسوالفه
الكل ضحك على كلام نوف
.................................................. ..............

نروح لفهد اللي قرر انه خلاص بيخطب خلود لانه احتلت مكانة كبيرة بقلبه كل مايتذكرها بالحلم
فهد: الله عليها وعلى جمالها وادبها يعني بتكون زي في الحلم انشاء الله
وفتح جواله لقى رقمها لانه سجله اول لمن دقت عليه
فهد: ادق عليها ولا ماادق اتصل واقولها
اتصل فهد بجوال خلود
خلود اللي شافت الرقم اتفاجأت:هذا رقم فهد ياتري ايش يبغى خليني ارد
فهد: الوووووو السلام عليكم
خلود: وعليكم السلام
فهد: عرفتيني
خلود بإبتسامة: ايوه عرفتك مو فهد
فهد: ايوه انا كيفك
خلود: انا بخير انت كيفك
فهد: بخير خلود بقولك شيء
خلود: تفضل
فهد: انا بقولك الصراحة
خلود بثبات: هذا اللي ابغاه
فهد: خلود انا لمن دقيتي عليه اول وقولتيلي عن حبك الصراحة انصدمت بس قررت اني اطنشك لاني احب سامي وماابغى احط نفسي بمشاكل معاه وكلامي معاكي احسه خيانة له المهم نسيت الموضوع لمن جيتيني بالحلم وكان الحلم ولااروع انا طبعا مااعرفك بس احساس في داخلي قالي انه انتي وانا من اليوم هذا وانا افكرفيكي شغلتي تفكيري وبدات احبك
خلود تسمع فهد وماهي مصدقة اللي يقول انا في حلم ولاعلم
فهد: انا اليوم كلمتك وبقولك اني قررت اخطبك بس قبل كل شيء انا بسألك
خلود: تفضل
فهد: خلود لو خطبتك بتوافقي
خلود: امممممممممممم
فهد: خلود لاتستحي انا ابغى رايك
خلود: انت تعال اخطب وبتشوف ردي
فهد: طيب لو قلتلك عشان خاطري
خلود استحت ماعرفت ايش تقول وبعد تردد: ايوه بوافق
فهد وهو مبتسم: الحمد لله يلا انا ماعاد بكلمك الا لمن املك عليكي انشاء الله انا بس اتصلت بأخذ رأيك ويلا دحين مع السلامة
خلود: مع السلامة
بعد ماقفل فهد خلود جلست تبكي معقولة اللي اتمنيته من سبع سنين بيتحقق ماني مصدقة الحمدلله لك يارب اااااااااااه اشكرك ياربي اشكرك
واتصلت خلود على صحبتها لينا وقالتلها طبعا فرحت لها وبعدين قامت خلود تصلي ركعتين تشكر فيها ربها
.................................................. .......................

يوم الاربعاء
يوم خطبة سارة وبدر ونايف وسمر
طبعا ام بندر اتصلت على ام سارة وقالتلها انها بتزورهم بس مابينت لها ليه ونوف كمان ماقالت لسارة على اساس تخليها مفاجأة
سارة وامها رتبوا البيت وبخروه سارة كان قلبها طول اليوم يدق حاسة انه في شيء بيصير
ام سارة: سارة حبيبتي ايش فيكي مسرحة بإيه
سارة انتبهت لأمها: هااا لا ولاشيء
ام سارة: طيب قومي سوي العصير مابقي شيء عن جيتهم
سارة: طيب
وراحت سارة سوت العصير وبعدين راحت تستحم ولبست تنورة زيتي قصيرة شوية وبلوزة بدون أكمام لونها احمر ولبست حزام جلدي احمر وصندل احمر وكان شكلها جنان وسرحت شعرها وتركته منساب على كتوفها وبعدين راحت عند امها تساعدها
ام سارة: ماشاء الله الله يحفظك يابنتي
سارة وهي مبتسمة: انا حلوة
ام سارة: انتي قولي للقمر قوم واقعد محلك
سارة: ههههههههههههههه القرد في عيون امه غزال
ام سارة: هههههههههه الله يسعدك يابنتي ويرزقك بولد الحلال قولي امين
سارة: امين
وفي هذا الوقت دق جرس الباب وراحت سارة تفتح الباب
سارة: هلا والله
ام بندر: السلام عليكم
سارة: وعليكم السلام تفضلوا حياكم
وسلموا الحريم على بعض
نوف كانت مع سارة في المطبخ
نوف: سارة يسلم عليكي بدر
سارة ابتسمت: الله يسلمك ويسلمه
نوف: انتي عارفة ليه اليوم احنا جايين
سارة: لا
نوف: احنا جينا عشان نخطب سمر لنايف
سارة: والله
نوف: وانتي لبدر
سارة كانت تصب العصير وارتجفت يدها وانكب العصير على الصحن
نوف: هههههههههههههههههه
سارة استحت من نوف
نوف: سارة ايش فيكي
سارة: مافيه شيء
نوف: طيب اتكلمي قولي شيء
سارة: ايش تبغني اقول
نوف: يعني زغردي ههههههههههههه
سارة: ههههههههههههه الله يرجك
نوف: يالله نفس كلمة بدر
سارة: ايت كلمة
نوف: الله يرجك دايما يقولها
سارة: فديته
نوف: هههههههههه قلبتي إماراتي
سارة: هههههههههههههههههه
نوف وهي تحضن سارة: الله يسعدكم انشاء الله والله تستاهلون بعض
سارة: امين وعقبالك
نوف: انشاء الله من بؤك لباب السما
سارة: هههههههههههههههه انشاء الله ويلا خلينا نروح عندهم
نوف: اوكي يلا وصارت تغني تدرج يامليح وامشي على العود
سارة: ههههههههههههههههههههههههههههههههه
.................................................. ...............
ام بندر: احنا اليوم جايينكم ياام سارة ونبغى نتقرب منكم اكثر انشاء الله
ام سارة: والله انتوا اهل وحبايب
ام بندر: تسلمين حبيبتي والله نا بزوج اولادي بدر ونايف وقلت مافي الا بنات دلال يشيلون اولادي ويسعدونهم في حياتهم وانا اليوم جايه اخطب بدر لسارة ونايف لسمر ويكون لنا الشرف بمناسبتكم
ام سارة: واحنا لنا الشرف اكثر وسارة وسمر بناتك
ام بندر: تسلمين والله انه معزتهم من معزة نوف ونور
ام سارة: الله يخليهم لكي وهاا البنات موجودين وإسأليهم
سارة وسمر من يوم سمعوا كلمة امهم وهم مختبصين وكل وحدة فيهم قلبها يرقع رقع <<<<<<<<<< مالومهم هههههههههههههه
ام بندر: هاا ايش قولتوا يمه لاتستحون مني انا زي امكم
سارة: براحتكم
نوف: احنا راحتنا انك تتزوجي بدر وسمر تتزوج نايف
ام بندر: يعني موافقة
سارة تحس نفسها خلاص شوية وتذوب: مواافقة
نوف: كللللللللللللللللللللللللللويش مبروك وتحضن سارة
سارة: الله يبارك فيكي وعقبالك
ام سارة: بس يامنى سمر لسه صغيرة
ام بندر: والله تعبت وانا اقول لنايف بس هو مصر يقول مو لازم نتزوج دحين بس نملك ونتزوج بعد ماتتخرج ها ايش رايك؟؟؟
سمر ارتبكت لمن سمعت كلام ام بندر
وتقول في قلبها: الله عليه امووووت فيه
ام سارة: والله على راحتكم
ام بندر: ها يمه سمر موافقة
سمر: هااا
نوف: هههههههه تقولك موافقة
سمربإبتسامة: موافقة
نور: دحين دوري عاد كللللللللللللللللللويش
الكل ضحك على نور
نور تكلم سمر بشويش: يادبة بتسبقيني وتتزوجي
سكر: مو توك سمعتي امك تقول بعد مااتخرج
نور: ايوه صح يلا انشاء الله نتزوج بيوم واحد
سمر: انشاء الله
نوف: ايش عندك انتي وهي اتكلموا جماعي ماله داعي الاسرار
نور: ياربي على اللقافة
نوف: خلاص مو وقتك لاتخربين علينا فرحتنا
نور: انا ولا انتي
ام بندر: خلاص انتي وهي ولاكلمة
ام سارة: احنا دحين موافقين بس باقي ابوهم تعرفين لازم ناخذ رايه
ام بندر: خذوا راحتكم احنا اهل
وتموا الحريم سوالف مع بعض واغلبها تتعلق بالزواج
.................................................. ........
نروح لبدر اللي مو قادر يجلس على بعضه خايف ومرتبك
بدر: الحمارة نوف قولتلها ترسلي مسج لمن يوافقوا ولين دحين ماجاني شيء
نايف: لاتشيل هم ياخويه اللي كاتبه الله بيصير
بدر: ونعم بالله الله يستر
نايف: انشاء الله
طبعا نايف ماكانت حالته اقل من بدر بس هو يتظاهر انه ثقيل
وشوية الا يدق جوال بدر بدر لقي مسج من نوف
بدر وهو يقرا: يادبببببة افرحوا (وافقوا ) بس لاتفرحوا مرة استنونا ههههه
نايف: الحمدلله مبروك لنا
بدر: الله يبارك فيك اخيرا تحقق حلمي وااااااااه
نايف: الله يقدرنا على اسعادهم
بدر: امييييييييين
وحضنوا الأخوان بعض
...............................................

في غرفة سارة
نوف: هاا سارة ايش شعورك دحين
سارة: اااااااااه شعوري مايتوصف ماااقدر اقول الا انه الحمدلله الحلم اللي تمنيته من سنين تحقق وانشاء الله اقدر اكون على قد ثقة بدر فيني واقدر اسعده واتوج حياتنا بحب ومودة ونعيش بهناء ولايكدر سعادتنا شيء
نوف: الله يوفقكم ويسعدكم
سارة: انشاء الله وعقبالك انتي
نوف: انشاء الله
سارة: ايوه صح ذكرتيني
نوف: ايش فيه
سارة: لحظة
وقامت سارة وفتحت الدولاب وطلعت كرتون صغير واعطته نوف
نوف: هدية لمين؟؟
سارة: هذا بدل العطر اللي جبته لبدر وانكسر
نوف: اها اكيد بدر بيفرح فيها مين قدك يااخويه اخذت لك وحدة رومانسية
سارة: ههههههههههههههه
.................................................. ........

في البيت كانت نوف عند بدر
بدر: الله يقدرني واسعدها
نوف: عاد هذي سارة حبيبتي هالله هالله فيها
بدر: ههههههههههه لاتوصي هي حبيبتي قبلك
نوف: هههههههههههههه صح ذكرتني
بدر: ايش فيه
وراحت نوف غرفتها وجابت هدية يارة
نوف: تفضل
بدر: غريبة تهديني بس مشكورة نردها لكي
نوف: ابلع ريقك هذي مو مني
بدر: بس عرفت اكيد من سارة
نوف: ايش عرفك
بدر: قلب المحب دليله ههههههههههه
نوف: الله الله مااقدر على كلامك
وفتح بدر الهدية وشاف العطر وفتحه وشمه
بدر: ريحته موغريبه عليه
نوف: هذا بدل اللي انكسر
بدر فرح: اها الله عليكي ياسارة وعلى ذوقك
نوف بفخر: طبعا موصحبتي
بدر: نوف هاتي جوالك
نوف: ليييييييييييييه
بدر: هاتيه وبس
واعطته نوف جوالها
وكتب بدر رسالة لسارة
اذا بها الدنيا حب غالي اكيد بيكون حبي لك
واذا في شوق مو عادي اكيد ياعمري شوقي لك

مشكورة على الهدية الحلوة يأغلى هدية ربي حطها بدربي
بدر
وارسل بدر المسج
نوف: ارسلت لسارة
بدر: ايوه
نوف: وريني طيب
وورى بدر نوف ايش كتب
نوف: الله الله اموووووت انا
بدر: ههههههههههههههه سارة تستاهل
نروح لسارة اللي كانت تقرا المسج
سارة: ااااااااااااه عليه وعلى كلامه ياربي ماني مصدقة اخيرا تحقق حلمي
خليني ارسله مسج ولا اتغلى شوي
لا برسله انا بحكم خطيبته وكفاية اللي راح مني
وارسلت لبدر مسج
*************
نوف مصرة انه بدر يقرا المسج عشان تسمعه
بدريقرا: ياساكن القلب والروح انت دمي في عروقي والنفس والحياة والعمر بإختصار انت الحب
نوف: ياسوسة ياسارة كل هذا يطلع منك
بدر: وانتي ايشلك يلا فارقي روحي
نوف: شوية شوية اصلا انا قايمة
بدر: لحظة هاتي جوالك
واخذ الجوال وسجل رقم سارة عنده
نوف: اخذت رقم سارة
بدر: ايوه عندك شيء
نوف:وجعع بشويش لاتصارخ يلا بااااااااااي اخليك مع الحبيبة هههههههههههههههههههههههههههههههههههههه
بدر: يكون احسن
وطلعت نوف وتركت بدر لوحده
بدر: احبك يامورتي خليني ارسلها مسج ثاني
**********
سارة تقراالمسج
يمكن انا اكون أعزالناس في عيونك بس انتي والله كل الناس في عيوني
بـــــدر
سارة: ياويلي بيجنني هذا
وارسلت سارة مسج على رقم بدر
************
بدريقرأ: من اول ماعرفتك انت في قلبي ووجداني
زرعتك داخل ضلوعي ورسمتك بأول كتابي
راح ارسلها بدر
احبـــــــــــــــــــــك
****************
سارة: اااااااااااااه ياربي عليه والله وانا اكثراحبك
وارسلتله سارة: احبك
*************
بدربعد ماشاف المسج يكلم نفسه: تسلميلي والله ياروحي وياقلبي دحين انام وانا مرتاح
..........................................
بعد مرور اسبوع
دقت ام سارة على ام بندر وبلغتها موافقة ابو سارة وفرحت ام بندر بالخبر
ووعدتها انه ابو بندر يزورهم ويخطبهم رسمي
وراح ابو بندر وعياله بندر وبدر ونايف<<< العرسان هههههههههههه
وخطبوا البنات واتفقوا على انه زواج بدر وسارة في الإجازة والملكة بعد شهراما بالنسبة لزواج نايف وسمر اتفقوا انه زواجهم بعد سنتين بعد ماتتخرج سمر من الثانوية
.................................................. .....
في بيت سامي
خلود: امي تسلم عليكم نوف
ام سامي: الله يسلمها كيف حالهم
خلود: والله طيبين
(طبعا خلود وامها زاروا اهل نوف وانبسطوا كثير مع بعض)
سامي: متى تخطبولي نوف
خلود: يويو ماشاء الله اخيرا جا اليوم اللي سامي يوقلنا فيه روحي اخطبولي
سامي: تبغوني ابطل
ام سامي: لا ياحبيبي ماعليك منها يوم المنى اللي اشوفك فيه عريس
سامي: تسلمين يالغالية ها متى تخطبولي
ام سامي: بكيفك
سامي: لو عليه اليوم هههههههههه
خلود: الله الله على الحب انا من رأيي نروح نخطب بكرة الخميس ايش رأيكم خير البر عاجله
ام سامي: خلاص قومي دقي على نوف وقوليلها بنزورهم
خلود: اوكي ها سام ايش رأيك
سامي: براحتكم
...........................

يوم الخميس زاروا ام سامي وخلود وسامية بيت نوف
نوف ونور في المطبخ
نور: مو تحسين زيارتهم غريبة
نوف: ليه يعني
نور: مدري بس هم زارونا قبل شه لهدرجة وحشناهم
نوف: مدري بس انا احسها عادي
نور: لا انا حاسة انهم يبغون شيء
نوف: اقول خلينا نروح عندهم
................................
ام بندر: الله يحيكم زارتنا البركة
ام سامي: تسلمين حبيبتي
سامية: كيف الدراسة معاكي نوف
نوف: الله يعين والله تعبت هذي السنة تعب
خلود: مين سمعك الله يمرها على خير ونتخرج ونرتاح
ام بندر: يلا مابقي شيء على الإختبارات كلها شهرين شدوا حيلكم
خلود: انشاء الله ياخالة بس دعواتكم
ام بندر: الله يوفقكم
الكل: اميييييين
.......................................
بعد ماراحوا اهل سامي
نور سمعت امها تقول لابوها وبدر على خطبة نوف وعلى طول ماصدقت خبر وراحت قالت لنوف
نور: نوف نوف
نوف: بسم الله ايش فيكي
نور: شفتوا كيف انه احساسي صح
نوف: احساس ايه
نور: موقلتلك انه جيت ام سامي وبناتها فيها شيء
نوف: وايش فيها جيتهم يافيلسوفة زمانك انتي
نور: استعدي للمفاجأة الكبرى
نوف: يلا قولي خلينا نشوف نهايتها معاكي
نور: ههههههههه طيب اسمعي واعي
نوف: هيييه انتي بتقولي محاضرة
نور: احسن من المحاضرة ههههههههههه
نوف وصبرها نفذ: بسرعة قولي
نور: ام سامي خطبتكي لولدها سامي
..................................................

&&& الجزء التاسع عشر &&&
نوف ماصدقت نور وصارت ساكتة ومسرحة
نور: نوف نوف ايش فيكي
نوف: ولاشيء بس ماتصورت في يوم انو سامي يخطبني سامي يالله
نور: ايوه والله بس النصيب يمكن ربي خلاكي تصدمي فيه وتتعرفي عليهم كل هذا لانه بيصير زوجك
نوف: يمكن .... سبحان الله
نور: طيب انتي ايش رأيك
نوف: مدري صراحة عمري ماتوقعت انه يخطبني
نور: هو الصراحة حلو ورزة
نوف: قولي ماشاء الله
نور: الله الله بدأنا
نوف: لا بس حرام
نور: طيب ماشاء الله الله يحفظك ياسامي يازوج اختي
نوف تدف نور: اقول اسكتي خلاص على طول خليتيه زوجي
نور: احساسي يقول انه من نصيبك وعاد يلا نبغى نفرح اخرمرة كان زواج بندر وكنا صغار
نوف: انشاء الله بتفرحي بنفسك مع ماجد
نور: ايش دراكي
نوف: هههههههه ياحبيبتي مافي شيء يخفى عليه
نور: عادي مافيها شيء ماجد طيب واي بنت تتمناه
نوف: اصلا احسن عيال عمي مها وماجد و الله يسعدك معاه
نور وهي خارجة من الغرفة : امييييين وانا من رايي انه سامي مافيه شيء عريس لقطة
وتركت نوف لوحدها والأفكار توديها وتجيبها
وبعدين قررت انها تدق على سارة وتقولها
نوف: الووو مرحبا
سارة تتثاوب: هلا
نوف: هييه سكي فمك وجععععع
سارة: نعم ايش تبغي تتصل وتصارخ
نوف: نعم الله عليك قومي كل هذا نوم
سارة: حرام عليكي والله ماصرت انام كثير
نوف: ايوه اكيد البال مشغول هههههههههههههه
سارة: هههههههههههههههه
نوف: نسيتيني ايش بقولك
سارة: اممممممم
نوف: انخطبت
سارة: لااا
نوف: والله
سارة: مبروك
نوف: هههههههه على ايش تباركي توهم رايحين من عندنا حتى امي لسه ماقالتلي الملقوفة نورهي اللي قالتلي
سارة: ومين عريس الغفلة هذه
نوف: غفلة بعينك يلا بااي الشرهة عليه انا روحي كملي نومك بااااااااااااي
سارة: الوو نوف بلا بياخة
نوف: مين البايخ بالله
سارة: خلاص انا
نوف: لا والله سلامتك خلينا نحطها في احد غيرك ياربي مين خلاص نور البايخة ههههههههه
سارة: هههههههههههههههه والله انك نكتة عفوا عفوا حلوة
نوف: احم احم ايوه خليكي كذا
سارة: انتي تؤمري بس ويلا قولي مين العريس
نوف: لا اول شيء حزري انتي
سارة: اممممممم واحد اعرفه
نوف: ايوه وشوفتيه كمان
سارة: شوفته مين هذا نوف والله مدري اااه لحظة لحظة ليكون سامي
نوف: هههههههه اجابة صحيحة لكن ايش عرفك
سارة: ههههههه مدري بس كان عندي احساس من زمان انه بيخطبكي
نوف: ومن وين جاء هالاحساس ياحساسة انتي
سارة: هههههههه لا بس كذا سيبيكي مني دحين ومن احاسيسي وقولي ايش رايك انتي
نوف: مدري انا معجبة فيه بس محتارة
سارة: حبيبتي انتي صلي الإستخارة وشوفي طبعا بعد مايسألوا عنه اهلك
نوف: اكيييد بسوي كذا والله اعلم
سارة: الله يوفقك انشاء الله معاه اذا كان من نصيبك
نوف: اميييييييييين وانتي كمان
..............................................
بعد مرور يومين
سامي ماخلى خلود في حالها كل شوية طالعلها بسؤال
خلود: ياحبيبي ياسامي والله مدري عنها ماكلمتها
سامي: طيب كلميها
خلود: سامي مجنون انت صح هي صحبتي لكن استحي اكلمها ايش اقولها خلاص اصبر شوية وهم بيدقوا علينا
عهود: هههههههه والله انك تحفة
سامي: اقول اسكتي انتي
خلود: حبيبي خليك ريلاكس انشاء الله بتكون من نصيبك
سامي: اقول انتي وهي ماعندكم سالفة
خلود: وين رايح
سامي: بروح اخرج مليت منكم الواحد ماياخذ منكم شيء الا الهواش وجععع
خلود: ههههههه سام حبيبي لاتزعل
عهود: طيب قول اخرج اخواتي معايا حرام طفشانات
سامي: توك تتريقي عليه يلا فارقي هذا اللي ناقصني
عهود: حبوبي والله امزح
سامي: نوووو انا اصلا خارج مع فهد يلا باااااي
وراح سامي عنهم وخلود من يوم سمعت اسم فهد سرحت
عهود: خلود خلود ايش فيها هذي البنت
عهود صارت تصارخ : خلللللللود
خلود : وجعععع قصري صوتك
عهود: ايش فيكي سرحتي ها اعترفي بسرعة
خلود: موشغلك يلا فارقي
وراحت عنها ودخل عليها اخوها عبدالرحمن
عهود: اهليين اخيرا فارقت غرفتك
عبدالرحمن: ومين قالك اني فارقتها دحين راجعلها
عهود: حاسب على نفسك ليطقلك عرق وتموت وانت تذاكر
عبدالرحمن: على الاقل احسن من اللي كل همهم الاكل والتلفزيون والهرج الفاضي قومي ذاكري لكي كم كلمة احسن لكي
وتقرب عهود من اخوها وتمسك يده: رحموني حبيبي ايش رايك تغير جو عن المذاكرة ونخرج انا وياك والله بننبسط
دفها عبدالرحمن: لا والله انا فاضيلك يعني يلا فارقي عني اوففففففف
عهود: وجععععع ايش فيهم اليوم كل واحد يقط بلاه عليه اوففففف منهم خيني اروح عند ابويه حبيبي اقنعه انه يخرجني بموت طفش
.................................................. ..................

في بيت ابو بندر
نادى ابو بندر بنته
وراحت نوف وهي مرتبكة وخايفه وبنفس الوقت مستحية وتحس بشعور غريب حتى ايام ماقلها ابوها عن خطبة يوسف ماجاها مثل هالشعور والارتباك
نوف: السلام عليكم
ابو + ام بندر: وعليكم السلام
ابوبندر: تعالي يانوف جنبي
ابوبندر بعد ماصار في نوف حلف انه مايغصبها على أي احد وهي حره في اختيارها
وراحت نوف وجلست عند ابوها
ابويندر: حبيبتي نوف اليوم جوا ناس يخطبوكي وانت تعرفينهم سامي اخو خلود صحبتك وانتي ادرى مننا فيهم وانا ماكلمت الا بعد ماسالت عن الولد والحمدلله طلعوا ناس ماعليهم كلام سامي مدرس وعمره 27 سنة وماشاء الله عليه رجال ماينعاب انا بنفسي رحت وسالت عنه في المدرسة اللي يدرس فيها والكل مدحه والقرار النهائي بيدك وتأكدي اننا مابنغصبك على شيء ماتبغيه ها ايش قولتي
نوف مستحية : الله يخليك ليه ياابويه
ام بندر: امييين ايش رايك يابنتي
نوف: اعطوني فرصة أفكر
ابوبندر: هذا الكلام .... الله يكملك بعقلك يابنتي
..................................................

في الجامعة
البنات كلهم باركوا لسارة على خطوبتها
مها: يؤ يؤ شوفوا خدودها كيف حمرة ياقلبو عليها وتمط خدود سارة
نوف: مها شيلي يدك ترى هذي من ممتلكات اخويه
سارة تضرب نوف: اقول اسكتي
نوف: آآآآآي طيب عند بدر
مها: هذي من دحين تهدد الله يعينك عليها لمن يتزوجك اخوها
ريم وهي تغمز: لا اكيد نوف بتكون مشغولة
مها: مشغولة بإيش؟؟؟
ريم: هاا اقول نوف ولا انتي تقولي
نوف: بس انا لسه ماوفقت
مريم: على ايش توافق
ريم: اسمعوا المفاجأة سامي ولد خالتي خطب نوف
نوف استحت وجاء دورها بحمرة الخدود هههههههههههههه
مها: الله مبروك والله
مريم: مبروك
نوف: لسه ماوفقت على ايش تباركوا
مها: انشاء الله توافقي ونفرح فيكي وتقوم وتبوس نوف
نوف: وانشاء الله نفرح فيكي انتي كمان
سارة تبغى تحرج نوف: ريم ايش شعور سامي
ريم: يو طاير من الفرح تصدقون انه يحلم بنوف ومسكينة خلود تقول مجننها كل شوي يجيب طاري نوف
مريم: يؤيؤ ياحظك يانوف اللهم ارزقنا
نوف بدلع: رررريم
مها: اول مرة اشوف نوف تنكسف طالعوا خدودها حمر
البنات: هههههههههههههههههههههههههههه
نوف: صدق ماتستحون يلا اشوف غيروا الهرجة
مها: هههه لا مانبغى نغيرها عاجبتنا
نوف: وانا مو عاجبتني
مها بعناد: انا عاجبتني
نوف: بالغصب بتغيرينها الهرجة تخصني وانا ماابغى اكملها
مها: وانا عاجبتني
سارة: يووووو رجعنا انتي وهي ماتعقلون
ريم: وكل وحدة فيهم عروسة ياشيخات استحوا
مريم: ماظني نوف ومها بيعقلون
نوف: ههههههه خلينا العقل لكم
مها: أي والله من زينكم عاد اصلا الجلسة من دوننا ان ونوف ولاشيء
سارة: اشوف صرتوا حبايب توكم تتناقرون والله محد يعرفلكم
ريم: زين خليكم كذا وياويلكم لو رجعتوا تتهاوشوا
وضحكوا البنات وكملوا سوالفهم لين جاء وقت محاضراتهم
.................................................. ...........
في البيت
بدر: نوف سارة ليه ماصارت تجي بيتنا
نوف: كرهت البيت بلي فيه
بدر: نوف تكلمي عدل لاهفك دحين
نوف: يمه خوفت والله انك فاااضي
بدر: طيب يانوف يجيلك يوم
نوف: هههههههههه لا بالله
نايف دخل عليهم وهو يغني: من يقول اني لغيرك انا لك ماني لغيرك
نوف: هههههههههههه ايش عنده العاشق الثاني
نايف: هههه احب
نوف: ياقلبووووو عليهم والله يابنات محمد جننتوا اخواني
نايف: انا بالنسبة ليه راضي بالجنان
بدر: وانا معاك على طول
نوف: هههههههههههههههههههههههههههههههههههههههههههههههههه ه
ههههههههههههههههههههههههههههههههههههههههههههههه
بدر: خير مرة لهذه الدرجة قلت شيء يضحك
نوف: اضحك عليك انت واخوك صحيح اصحاب العقول براحة
نايف: اقول اسكتي ياحقت سامي
نايف باللي قاله جابها على الجرح هههههههههههههه
نوف على طول وجهها حمروصفر وصار الوان وانكسفت
نايف: هههههههههه شوف وجهها حمر وصفر وخضر
بدر: تقول اشارة ههههههههههههه
نايف: ههههههههههههههههههههههههههههههههههههههه
نورجات: ايش فيكم تضحكوا قولولي ترى نفسي اضحك
بدر: تعالي شوفي نوف كيف شكلها
نور: هههههههههه نوف ايش فيكي
نوف: موشغلك
نايف اللي قاعد لسه يضحك: ااااااااه بموت
نوف: مرررررة كثرمنها
نورتبغى تغايض نوف: نايف الله يخليك خلاص بموت من الضحك
نوف: من جد منتهين خليني اروح غرفتي احسن ليه
بدر: فين شاردة ها اعترفي قولي انك موافقة وارتاحي
نوف: مو شغلكم ها وانت يالاخ بدر ترى مصلحتك عندي يلا اهجد
بدر: لا كل شيء ولا سارة يلا خلاص اسكتوا
نوف: ايوه خليك كذا ماشاء الله على طول فهمها
نور: والله انا حرة بضحك على كيفي الضحك ببلاش صح نايف
نايف: صح يانورتي انتي
نور: احم احم انا عارفة انه هذي الدحلسة مو عشاني بس يلا مقبولة منك
نايف: هههههههههههههه
نوف: دحين انت وهو واحد فيكم يخرجنا نتمشى
نورصارت تناقز: وااااو بنخرج بنخرج
بدربإبتسامة: ولايهمكم كم نوف ونور عندي يلا كلنا بنخرج حتى امي وابويه
نوف:ايوه خليكم كذا اسمعوا الكلام خلاص انا بروح اقولهم
وراحت نوف تقول لامها وابوها واعتذر ابوها يقول تعبان شوية وراحت امهم معاهم وداهم بدر البحر بعدين راحوا مطعم واتعشوا وانبسطوا بالطلعة كثير
..................................................

بعد مرور اسبوع و3 ايام
كانت نوف في غرفتها وتصلي
نوف مترددة كثير هي صح انها معجبة في سامي وهو الف بنت تتمناه لكنها خايفة هي ماتعرفهم الا من فترة صح هم طيبين بس برضو محتارة هي تعودت على حياة مع ناس تعرفهم وكمان لانه سارة وسمر بياخذون اخوانها وهما عارفين اخوانها ومتعودين على بعض من الصغر وكمان نور اذا اتزوجت ماجد تعرفوا لكن انا ياربي والله تعبت ياربي ساعدني
وقامت تصلي وبعد الصلاة صارت تدعي
اللهم اني استخيرك بعلمك واستقدرك بقدرتك واسألك من فضلك العظيم فإنك تقدر ولا اقدر وتعلم ولااعلم وانت علام الغيوب اللهم ان كنت تعلم ان زواجي من سامي محمد خير لي في عاجل امري واجله فاقدره لي ويسره ثم بارك لي فيه اللهم وان كنت تعلمه شر لي في عاجل امري واجله فاصرفه عني واصرفني عنه واقدر لي الخير حيث كان ثم رضني به
اللهم امين
وبعد ماخلصت صلاتها راحت عند نور
ودخلت على نور لقيتها عالكمبيوتر
نور: بسم الله خرعتيني
نوف: بسم الله من وجهك شايفتني جنية... ايش قاعدة تسوي
نور: قاعدة على الكمبيوتر شايفة شيء ثاني يعني
نوف: طيب لاتدفي لا انتي لمن سمعتي صوتي على طول غيرتي الصفحة قاعدة تكلمي مين عالماسنجر
نورارتبكت : اكلم صحبتي
نوف: نور لاتلفي وتدوري لو صحبتكي ماغيرتي الصفحة
نور: اوففففف هو تحقيق صحبتي وبيني وبينها اسرار
نوف: لا والله نور ترى كاشفتكي كاشفتكي
نور حست انه مافي مفر ولازم تقول لنوف
نور: اقولك بس لاتقولي لاحد
نوف: على حسب
نور: ايش قصدك
نوف: على حسب اللي بتقوليه
نور: اوف منك انا اكلم ماجد
نوف: اها ماجد وليه يعني
نور: عادي احبه واكلمه
نوف: وهو طيب
نور: اكيد يحبني
نوف: وايش يضمنلك
نور: انا عارفة ماجد كويس ومستحيل يكذب عليه
نوف: طيب قولي ليه ايش اللي يخليكي ضامنته بهذا الشكل
وحكت نور اختها كل شيء عن تعارفها هي وماجد
نوف: ماشاء الله عليه ماجد والله فرق بينه وبين يوسف
نور: ماجد طيووب
نوف: طيب انتي تكلمي معاه كويس لاتقولي شيء كذا ولاكذا تتغير نظرة الرجال عنك
نور: اصلا انا وماجد نتكلم عادي وعمره ماقال شيء خارج عن الادب وانا مثله
نوف: كويس كذا وانتي دحين قفلتي
نور: يؤ يؤ المسكين نسيت
وفنحت الماسنجر لقيته مسكين طالبهاا كذا مرة
واعتذرت له نور وحكته عن نوف وارتاح ماجد لانه يبغى احد يعاونهم على اللي هما فيه
نوف: نور قفلي منه ابغى اكلمك
نور: طيب دقيقة
واعتذرت نور من ماجد وقفلت منه
نور: هاا ايش تبغي
نوف: لابس كنت بتكلم معاكي شوية
نور: في موضوع خطبتك
نوف: ايوه
نور: واي قررتي
نوف: يعني احس اني مرتاحة له
نور: وايش مستنيه وافقي وريحي نفسك عيب ترى طولنا على الناس
نوف: مو مرة عاد وايش فيها يصبروا شوية هذا زواج مولعب عيال
نور: بكيفك بس دامك مرتاحتله خلاص وافقي
نوف: انشاء الله افكر
نور: ههههههههه
نوف: ليش تضحكي
نور: اضحك عليكي انا عارفة انك تبغي سامي بس تكابري
نوف: لا والله عادي بس
نور: بس ايه
نوف: لا ولاشيء يلا انا رايحة ومااوصيك خليكي ثقيلة مع ماجد لاتفضحينا معاه
نور: اوكي وانتي وافقي وريحي نفسك ها
نوف: هههههههههههه اوكي
نور: لحظة بس هما غريبة ماطلبوا شوفة
نوف: احسن فكة مرة وحدة يشوفني لما نتزوج
نور: لا اكيد بيطلب كل العرسان يسوو كذا
نوف: الله لايسمع منك ماابغى اشوفه
نور: بالعكس احلى شيء
نوف: يافاهمة انتي
نور: هههههههههههههه ....نوف اقفلي الباب معاكي
نوف: نوووو
نور: نوف بلا غلاسة
نوف: والله ماغيرك الغلس بااااااااااااي
وطلعت نوف من عند نور ولقيت بدر
بدر: هلا نوف
نوف: هلا بدر
بدر: ايش فيكي كذا
نوف: لا ولاشيء
بدر: لا بس احسك كذا محتارة ولاتفكري مدري عنك بس مو طبيعية
نوف: ههههههه لاطبيعية اجل صناعية
بدر: هههههههههه الله يرجك تعال غرفتي خلينا نهرج مع بعض
نوف: انا عارف انك مو مناديني لعيوني بس يلا امري على الله
بدر: اقول تعالي
وراحو غرفة بدر وكملوا سوالفهم هناك
.................................................. ...
سارة كانت بغرفتها تقلب في دفترها
سارة: يالله هالدفتر يشهد على حبي لك يابدر انشاء الله لمن اتزوج اوريه بدر
ودخلت عليها سمر
سمر: مرحبا
سارة بإبتسامة: هلاسمورة
سمر: هههههههه الغزالة رايقة دوم انشاء الله
سارة: تسلمي حبيبتي
سمر: مين قدك بعد اسبوعين ملكتك
سارة: يالله الوقت يمر بسرعة والله ماني مصدقة
سمر: كمان بدر مرة مستعجل كان خلاها بإلاجازة
سارة: ايوه والله في الاجازة حلو بس هو يبغى الزواج في الاجازة
سمر: هههههههه شكله الاخ موقادر
سارة: هييه بايخة
سمر: طيب متى نشتري الفستان
سارة: والله احترت ماشفت لين دحين شيء حلو حتى وقت افصل فيه مافي
سمر: اليوم سالت صحبتي من وين اشرت اختها فستان ملكتها شوفته في الصور مرة حلو واعطتني اسم المحل
سارة: بالله خلاص نروحله
سمر: اوكي ايش رايك اليوم نروح
سارة: اوكي وانشاء الله القى والله تعبت
سمر: انشاء الله
................................................

سامي كان في بيت اخته سامية
سامي: سامية لو اطلب اني اشوف نوف عادي
سامية: اكيد عادي هذا من حقك
سامي: اجل خلاص ابغى اشوفها
سامية: وليه ماقلت من بدري
سامي: يعني دحين ماينفع
سامية: هههههههه امزح عليك الا ينفع
وقام سامي
سامية: على وين ليكون بتروح دحين ههههههههه
سامي: والله لوينفع دحين بروح بس بروح لامي واقولها
سامية: اجلس دحين مرة مستعجل اتعشى معانا بعدين روح
سامي: يوو وينك وين العشاء بروح دحين
سامية: طيب اجلس على الاقل شوية لين مايجي فيصل
ودخل عليهم فيصل
فيصل: السلام عليكم
سامي+سامية: وعليكم السلام
سامية: جيت بوقتك
فيصل: خير
سامية: لا بس سامي بيروح وانا ابغاه يجلس اقنعه يجلس
فيصل: افا اجلس ياخي تعشى معانا
سامي: غلبتوني مقدر ارفضلكم طلب
فيصل: ايه كذا قومي سامية سويلنا شاهي مشتهيه
سامية: من عيوني
فيصل: تسلملي عيونك ياقلبي
سامي: الله الله اللهم ارزقنا
فيصل: هههههه انشاء الله توافق العروسة
سامي: انشاء الله
وكملوا سامي وفيصل سوالفهم
..................................................
في الليل راحوا سارة وسمر وامهم السوق
سمر: سارة شوفي الفستان
سارة: ايت واحد
سمر: اللي هناك تعالي معايا المحل
ودخلو البنات المحل
سمر: ها ايش رايك
سارة: الله حلو بس مدري كيف باللبس
ام سارة: والله ذوق انتي جربيه ومابتخسري شيء
سارة: اوكي
وراحوا البنات مع امهم محل القياسات
الفستان كان حلو كان من قماش الخيشة لون البيج الغامق وداخل معاه اللون العودي عبارة عن تنورة وبلوزة بس باللبس مبين كأنه فستان وكانت قصته عادية بدون حبال والورود العودية منثرة على الفستان ويوم لبسته سارة جملت الفستان وطلع عليها جنان
سمر: الله مرة حلو عليكي من جد صيرتي ونلتي
ام سارة: ماشاء الله بس موكأنه عريان
سمر: لا امي عادي واصلا هي عروسة يعني مافيها شيء
ام سارة: خلاص براحتكم ها ايش قولتي سارة
سار: والله اشوف انه حلو
سمر: هو حلو بس غالي شوي وجع في شكله مصمم على الفين و700 ولا راضي ينقص
ام سارة: يالله فدى لعيون الغالية
سارة تحضن امها: الله يخليكي ليه ياحلى امي
سمر: يوووووو انتوا ماتحسبون اقول امشوا بسرعة وكملوا هالفلم الهندي في البيت
ام سارة: ههههههه مدري متى بتعقلبن انتي
وبسرعة فسخت سارة الفستان ولبست لبسها
بعدين راحوا اشترو اكسسوار للفستان وجزمة
ومرة وحدة مروا على محل الورود وحجزوا مسكة
وارتاحت سارة من هم الفستان
.................................................. ......
خلود حبت تغايض اخوها: يعني انت ماتعرف شكل نوف
سامي: يعني مو مرة وبعدين مافيها شيء اذا شفتها
خلود: هههههههه عارفة ياحلو بس بتسلى عليك شوية
سامي كان بيتكلم بس دخلت عليهم امهم
سامي: هابشري
ام سامي: هههههه خلاص افقت مع امها بكرة تروح تشوفها
سامي: واااو
خلود: هييييه لاتتفضحنا كذا قدام البنت واهلها وتسوي حركات زي كذا
سامي: مو شغلك فاهمة ويلا بااااااي
ام سامي: وين رايح
سامي: بروح اتجهز لبكرة
خلود: ههههههههههههههههههههههه اللي يشوفك يقول انت العروسة
سامي طنشها وراح عنها
ام سامي: الله يوفقه انشاء الله فين كنا وكيف صرنا
خلود: ايوه والله الحمدلله اخيرا تخلص من عقدة نهى الله يسعدك يااخويه
ام سامي: امييين
.................................................. ......

نوف: يعني لازم يشوفني خلاص بعدين بيشبع مني
ام بندر: نوف ايش فيها يعني لو شافك بياكلك
نوف: ايش معنى اخواني ماطلبوا يشوفوا سارة وسمر
ام بندر: عاد كل واحد حر بنفسه واخوانك عارفين عرايسهم مو زيك انتي الرجال مايعرفك
نوف: اوفففف طيب خلاص
ام بندر: ايوه خليكي كذا مو كل شيء تعارضين عليه
نوف: متى بيجي
ام بندر: بكره بيجي
نوف: بكرة يالله ماني متجهزه
ام بندر: احنا قلنا لكي بنزوجك بكرة كلها شوفة وبس
نوف: طيب
ودقت نوف على سارة
نوف: سارة الحقيني
سارة انفجعت: نوف ايش فيكي حبيبتي
نوف: سامي بكرة بيجي يشوفني
سارة: وجع خوفتيني حسبته شيء كبير ايش فيها طيب
نوف: والله خايفة استحي
سارة: يعني بياكلك بيشوفك وخلاص ترى احسن عشان ترتاحون لبعض
نوف: كله من نور اتفاولت عليه (وتقلد صوت نور) هما غريبة ماطلبوا شوفة
سارة: ههههههههه هذي نور جنية
نوف: يابنت هذي توديكي البحر وترجعك عطشانة
سارة: ههههههههههه والله انك صادقة
نوف: طيب قوليلي ليه انتي وسمر ماشافوكم اخواني ايش معنى انا
سارة: هههههه والله انك تحفة ياحبيتي اخوانك ماطلبوا الشوفة وبعدين اخوانك مايحتاجون يشوفونا شبعانين منا من كثر مانصدم فيهم واحنا ببيتكم يعني عارفينا
نوف: ههههههههههههه ايوه والله موشوفة شرعية وحدة الا قولي مية سارة: هههههههه شايفة كيف
نوف: طيب ايش البس
سارة: عادي البسي تنورة وبلوزة
نوف: ايش رايك بالطقم اللي لبسته يوم ماجيتكم
سارة: نوف مجنونة انتي هذيك التنورة قصيرة
نوف: طيب ايش فيها
سارة: لا فيها ميت شيء لازم تكوني محتشمة وبعدين تعالي انتي مو اول مرة تدخلي شوفة مو دخلتي على يوسف
نوف: وهذيك شوفة والله لو تشوفيني لبست اخس لبس وماحطيت شيء بوجهي قلت يمكن يشرد اتاريه اتمسك اكثر
سارة: ههههههههههههههههه كويس انه ماشرد ولا جاته سقطة من وجهك
نوف: والله يطولني هو بس المهم يلا اسيبك بروح اطلع ليه لبس
سارة: طيب وهذا اللي ماتبيه واشوفها من دحين متوترة وتبغى تطلع حلوة بعيون الحبايب
نوف: ههههههههههههههههه اقول بااااااي انتي وجهك
بدر: نوف تكلمي سارة
نوف: ايوه ايش عرفك
بدر: قلب المحب دليله
نوف: اها
بدر: سلميني عليها
سارة: طيب بس لاتنسي تتصلي عليه ابغى اعرف كل شيء اول بأول يلا باااااااااااي
نوف: لحظة يالحبيبة
سارة: هلا
نوف: بدر يسلم عليكي
سارة: الله يسلمك ويسلمه
بدر: نوف افتحي السبيكر بقول شيء
نوف: اوففف ايش تبغى
بدر: انتي افتحي وخلاص
وفتحت نوف السبيكر
بدر: الوو كيفك سارة
سارة: انا بخير انت كيفك
بدر: دامني اسمع صوتك اكيد بكون بخير
نوف: الله الله ايش هذا الكلام والله مانقدر
بدر: يسالوني ليه احبك حب ماحبه بشر وليه انتي في حياتي شمسها وانتي القمر وليه صوتك ليوصل صحراي يملاها الزهر علميهم يالحبيبة اه اه يااغلى حبية انتي ياسارة احبك بااااااااي
وراح بدر عن نوف ودخل غرفته
سارة تسمع بدر ولاشعوريا صارت دموعها تنزل وفي قلبها تقول باااي ياقلبي انت يااحلى واغلى حبيب
نوف كمان دمعت عيونها
سارة: نوف شفتي كيف والله ماني عارفة ايش اقول الحمدلله لك يارب انك رزقتني باللي ابغاه
نوف تمسح دموعها: الله يوفقكم انشاء الله ويسعدكم
سارة: اميين ويوفقك انتي
نوف: يلا باااااي
سارة: باااااااااي
وبعد ماقفلت نوف عن سارة راحت نوف غرفتها تختار لها لبس اما سارة فجلست على سريرها وصارت تبكي <<< بس اكيد انها دموع الفرح
.................................................. .......

نروح لنوف اللي عفست دولابها فوق تحت مو عارفة ايش تلبس
ودخلت عليها نور
نور: ايش عندك مفرقعة ملابسك
نوف: اطلع لبس ماني عارفة ايش البس
نور: لاتقولي سامي بيشوفك
نوف: اكيد امي قالت للبيت كله والله استحي
نور: لا امي ماقلتلي بالله صح سامي بيجي يشوفك
نوف: والله انك داهية كيف عرفتي
نور: مايبغالها ياحبيبتي من شكلك باين
نوف: طيب سيبيكي من الهرج الفاضي وتعالي قوليلي ايش البس
نور: اممممممم وخري شوية
وراحت نور عند الملابس وبعد تفكير طلعت تنورة قماشها شمواه لونها كحلي وطلعت بلوزة لونها بيج على ذهبي وفيها زخرفة على الاكمام ومن فتحة الرقبة كحلي مطرزة بخيوط ذهبية غامقة
نور: ايش رايك اتوقع يجي حلو بس ماعمري شفتها عليكي هذي البلوزة متى اشترتيها
نوف وهي تفكر: هذي مرة اشتريتها كنت مع مها في السوق عجبيتني على الماليكان بس تصدقي نسيتها
نور: اجل قومي البسيها
ولبست نوف اللبس وطلع عليها حلو مقسم جسمها تقاسيم حلوة
نور: مرة حلو مبين جسمك حلو بس تكمل الاناقة بالحزام هذا
ولبست نوف الحزام ومن جد اكتمل لبسها وصارت مررة حلوة
نوف: والله انك داهية كنت محتارة من جد ساعدتيني
نور: احم احم عشان تعرفي قيمتي
نوف: هههههههه الله يخليكي ليه
نور: اميييييييين
........................................
في اليوم الثاني
نروح لمي اللي كانت تكلم ياسروبعدين سمعت احد يدق على بابها
مها: مي افتحي الباب ليه مقفلته
وفتحت مي الباب
مها: بدري
مي: كنت سرحانة شوي ماسمعت الباب
ودخلت مها الغرفة وجلست على السرير وجات عندها مي وجلست
مها: يابنت انتي وينك محد يشوفك حتى امي تقول بس جالسة في غرفتك ماتطلعي منها
مي: عادي اجلس في غرفتي احسن
مها ابتسمت: مي انتي فيكي حاجة قوليلي ترى انا اختك
مي ارتبكت وقامت من مكانها: ايش فيه يعني
مها بشك: انا ادري تعالي اجلسي ليه قومتي
مي: طيب وها جلست
مها: كيف الجامعة معاكي
مي: ماشي الحال
وهنا دق جوال مها ولمن شافت المتصل ياسر قفلت في وجهه
مها: ليه قفلتي
مي: واحد غلطان مطفشني
مها: اها طيب اسيبك انا رايحة بس جيت اطمن عليكي
مي: بدري
مها: من عمرك حبيبتي انا جيت اسلم عليكم لاني مستعجلة بروح بيت عمي
مي: طيب اجلسي اليوم روحيلهم بكرة
مها: لا لازم اروح
مي:ليه لازم عندهم شيء يعني
مها: انتي ماتدري اليوم شوفة نوف
مي باستغراب: شوفة ايه
مها: انتي ماتدري انو نوف انخطبت
مي: والله لامحد قالي
مها: يووووو انتي نايمة في العسل
مي: مها انتي من جدك ومين عريس الغفلة هذا
مها: مي عيب عليكي تقولي كذا
مي: خليها تحل ... قولي مين العريس
مها: اخو صحبتها
مي: اها ويوسف يدري
مها: مدري عنه
مي: والله لو انها اخذت يوسف احسن
مها: كل شيء قسمة ونصيب
مي: انا اموت واعرف انتي ليه كذا تحبينهم
مها: والله لانهم طيبين وعمري ماشفت منهم شيء وبعدين انتي ايش فيكي عليهم
مي: انا ماعليه منهم لكن اكره غرور نوف ومو ناقص الا صحبتها سارة وجع ماطيقها
مها: لا انتي الكلام معاكي ضايع .... والله عيب تتكلمي عن سارة كذا
مي: دخيلك انا اكرهم مااطيقهم انا حرة
مها: يوووو لو يسمعكي بدر
مي: وايش دخل بدر
مها: عاد لاتقولي برضو ماتعرفي عن بدر وسارة
مي: وايش فيهم كمان
مها: لا انتي من جد مروقة حابسة نفسك في الغرفة ومنتي دارية عن العالم
مي: لا بالله ايش فيهم
مها: اني ماتدري انه بدر ونايف خطبوا سارة وسمر
مي انصدمت : اييييييييييييييش؟؟؟
مها: ايش فيكي
مي: متى
مها: يعني من اسبوعين تقريبا وملكة بدر وسارة بعد اسبوعين
مي: احلفي
مها: والله ويلا اسيبك ياقمر يندر يستناني بااااااااااي
وراحت مها عن مي اللي وافقة مبلمة
مي: معقولة بدر بيتزوج سارة لا مستحيل مستحيل الكلبة تفوز فيه لا لا
وطاحت على سريرها وصارت تبكي ودق عليها ياسر وقفلت بوجهه
ونترك مها وبكائها ونروح لنوف
نوف كانت في غرفتها بعد ماخلصت لبس كانت جالسة تحط ميك اب
حطت بودرة بسيطة وحطت ايشدو بمبي بسيط وكحلت عينها وكملت زينتها بروج بمبي وكان المكياج مطلعها ناعمة وكلاسيكة وبعدين فتحت شعرها اللي كان يوصل لنص ظهرها وحطت وردة بمبي عند اذنها وبعدين صارت تطالع بنفسها في المراية وطلعت جنان الله يعينك ياسامي بتنخبل
نوف: يو يو كيف ادخل عليه وانا كذا والله استحي
نور دخلت على نوف وهي تصارخ
نور: نوووووووووووووف جاء
نوف ارتبكت وقلبها صار يدق بقوة: نور انا خايفة
نور: تصدقي انا زيك خايفة كأنو انا بدخل ييي الله يعينك
نوف: شوفي يدي كيف ترجف
ودخلت عليهم مها
مها: الله ايش الحلاوة هذي يابنت لا بتجنني الرجال انتي
نوف: مهاوي والله خايفة خلاص مابدخل
مها: اقول قومي وسمي بالله وانشاء الله بترتاحي
نوف: ونعم بالله جاء معاه احد
نور: لاجاء لوحده
ودخلت عليهم ام بندر: نوف يلا استعدي بسرعةانزلي
ونزلوا البنات تحت
ام بندر: خليكي ثقيلة تعالي اشوف شعرك
نوف: ايش فيه
ام بندر: لا مافيه شيء بس بعدله
نوف: مها ايش رايك اشيل الحزام احس اللبس مررة
نور: لا ماتشلينه والله حلو
نوف: بس مقسم جسمي مرة
نور: طيب احسن عشان يتفرج على كيفه ويقول الله الله ايش الجسم دا ياحظي انا والله
وتضرب نوف نور مع كتفها: وجع قليلة ادب... امي شوفي نور
ام بندر: نور سيبي اختك ايش فيكي انتي
نور: اوفففف انا بروح اجلس عالتلفزيون احسن ليه
نوف: احسن مامنك الا القلق
مها: هههههههههههه الله يرجكم
نوف: مين عنده جوه
ام بندر: ابوكي واخوانك
نوف: وانشاء الله تبغوني ادخل والجيش كله جوه
ام بندر: فيها شيء يعني
نوف: ايوه فيها والله استحي
مها: لا اكيد بيطلعوا ماحيجلسوا كلهم
نور تناديهم : اقول تعالوا اجلسوا ريحوا
وراحوا عند نور
وبعد نصف ساعة دخل ابو بندر وبندرعليهم
بندر: الله الله ايش الحلاوة دي
نوف ابتسمت لاخوها: الحلوة عيونك
ابو بندر: يلا نوف قومي ادخلي
نوف: ابويه خلاص مولازم ادخل
ابو بندر: نوف بسرعة اشوف
وراحت نوف مع ابوها اللي قاعد يدفها دف
نوف: لا ماادخل وانتوا كلكم هناك والله استحي
ابو بندر: اصلا مافي احد جوه الا بدر لاتخافي مو اكلك
وجاهم نايف: يلا استعدي ياحلوة
وجاتهم ام بندر معاها عصير: نوف امسكي الصينية عدل
نوف: امي والله مااقدر امسكها يدي ترتجف
ابو بندر: نوف ايش فيكي انتي يلا بسرعة طولنا على الولد
نوف: اوفففف طيب هاتيها
واخذت نوف العصير من امها ومشيت صوب المجلس اللي قاعد فيه سامي وابوها وراها وشوية لقيت نوف نفسها في المجلس ونظراتها على اخوها بدر والي جالس معاه
سامي اول ماشاف نوف قام
وبدر ياشر لنوف عشان تسلم وتدخل
نوف بصوت واطي يدوب ينسمع: السلام عليكم
سامي بإبتسامة: هلا وعليكم السلام
ومشيت نوف بإتجاه سامي ويدها ترتجف وقلبها يدق بقوة وماهي قادرة تسيطر على نفسها ومد سامي يده واخذ العصير وعيونه على نوف بعدين مشيت نوف وحطت الصينية على الطاولة وجلست جنب اخوها وسامي عيونه على نوف مانزلها يراقب تصرفاتها وعيونه تطلع وتنزل يطالع في جسمها بعدين انتبه على نفسه واستحى من بدر بس من حظه بدر كانت عيونه على نوف
سامي في قلبه: ماشاء الله عليها حلوة ياهنايا فيها والله
نوف في قلبها: هذا ايش فيه يطالع فيه كذا بس الصراحة حلو متغير شوية
بدريبغى يحرج نوف شوية: ها سامي ايش رايك في القمر هذا
سامي: والله زي ماقلت قمر وهذا هو
نوف استحت من كلام سامي وكان ودها تعطي بدر بكس يهجده ومدت يدها بشويش وقرصته
بدر: آي آي بشويش الله يعينك عليها ياعليها قرص
سامي: نتحمل ايش ورانا هههههههه... وفي قلبه يقول تقرصني بكيفها اهم شيء اطول القمر هذه
بدر: هههههههههههههه
نوف انقهرت من بدر طيب يابدر شغلك عندي بس بعدين وهذا الثاني ماحسب على طول اتفاعل بالهرجة شكله جريء الله يعيني عليه
بدر: طيب اسيبكم شوية بس ماني مطول دقيقة وراجع
ولمن قام نوف قاعدة تشد ثوبه تبغاه يجلس
بدريقول لنوف بصوت واطي: دقيقة وراجع مواكلك
وراح بدر عنهم وتركهم لوحدهم
سامي: كيفك نوف
نوف: بخير
سامي: تسلم عليكي خلود
نوف منزلة راسها: الله يسلمها
سامي انقهر منها ليه منزله راسها ابغى اشوفها
سامي: نوف
نوف برضو منزلة راسها: نعم
سامي: طيب طالعي فيه
نوف استحت وطالعت بسامي
سامي: ايوه كذا خليني اشوف عيونك الحلوة
نوف من سمعت كلامه قلبها دق بقوة ايش فيه كذا جريء
وردت عليه نوف بإبتسامة
سامي: اقول نوف
نوف: اممممممم
وهنا دخل عليهم بدر بعد الحاح من ابوه
بدر: هااااااي انا جيت
نوف ارتاحت بجيته عكس سامي اللي كان عنده كلام بيقوله لنوف بس يالله الايام جايه انشاء الله
نوف: عن اذنكم
سامي: تفضلي
وخرجت نوف وعطول راحت لغرفتها ونور تجري وراها<< لقافة الحريم
وبعدين سامي جلس ربع ساعة بعدين راح
.................................................. .
نور: ها نوف ايش رأيك
نوف: عادي
نور: كيف يعني
نوف حكت نور ايش صار
نور: يييييييييييي والله بدر احرجك
نوف: طيب اوريه بس خليني اشوفه
نور: الله روعة مشتهية الشوفة
نوف: هههههههههه ليه هي أكله تشتهيها
نور: هههههههههههه انقلعي دبة
نوف: بسم الله عليه جسمي حلو
نور: طيب كيف سامي
نوف: والله محلو مدري ايش مسوي بنفسه
نور: اكيد مضبط نفسه اجل يجي بعفانته
نوف: ماالمعفن غيرك
نور: ههههه والله بدينا ندافع وين اللي كانت مترددة
نوف: اقول فارقي
نوروهي خارجة : على قولة بسكال طلب ايدي من اهلي وقلت افكر على مهلي والقصة مابدها تفكير شو حلو الجازي بكير وشهر العسل ياحبيبي وشهر العسل ياحبيبي وشههههر العسسسسل بجدة
نوف رمي المخدة على اختها: شهر عسل بجدة ليه مو زي زي بنات الناس
نور: لا اكيد ماتهونين على الحبيب ههههههههههههههههه
وخرجت نور من الغرفة قبل مايصيدها شيء من نوف
نوف: خبلة وعمرها مابتعقل.... خليني ادور على السوسة بدر
وراحت نوف غرفة بدر مالقيته ودورت عليه في البيت لقيت نايف
نوف: نايف وين بدر
نايف: اعتقد خرج ليه
نوف: بس ابغاه
نايف: الا تعالي نوف ايش رأيك بسامي
نوف: والله مدري محتارة
نايف: لاتفوتينه من يدك تراه مرة خطير ودمه خفيف
نوف: يصير خير انشاء الله
نايف: يلا انا خارج عشانك اليوم جلسنا في البيت
نوف تتمايل على اخوها: يعني مااستاهل
نايف: الا والله تستاهلي ونص
وتبوس نوف اخوها: اموووووووواه ياقلبي انت
نايف: هيييييه بس ليكون تحسبيني سامي
نوف: وجعع ايش فيكم عليه اليوم
نايف: هههههههه امزح معاكي يلا بااااااااااي
نوف: باااااااااااي الله لايحرمني منكم
خليني اروح اغير لبسي فرحانه فيه هههههههه
.................................................. ...

نروح لسامي اللي دخل البيت وهو يغني
خلود وعهود كانوامنتظرين سامي
خلود: الله الله الاخ مروق
سامي: مرحبا
خلود + عهود: اهليييين
خلود: ها بشر
سامي: عادي دخلت عليه وشفتها
عهود: كيف عجبتك
سامي: اكييييييد الله عليها وعلى جمالها
خلود: يويو الاخ مو مروق وبس الا ذايب
سامي: يحقلي مو
عهود: يحقلك ونص سيبك من الدبة هذي
خلود: محد دبة غيرك
سامي: يوووو بديتوا مهاوشة انا بروح غرفتي لاتعكرون مزاجي...... وراح عنهم وتركهم يكملوا مجاكرة<<< مدري ليه الاخوات دوم يتناقرون ههههههههههه
.................................................. ...
نوف بعد ماخلصت بكاء: انا ايش ابغى فيه هو الخسران انا عندي ياسر يحبني ويموت عليه ويستنى اشارة مني بس لكن انشاء الله مايتهنون مع بعض واسمع خبر طلاقهم باسرع وقت انشاء الله
وبعدين دقت على ياسر ودردشت معاه شوية وبعد ماقفلت منه خرجت من غرفتها وراحت عند يوسف
مي: يوسف ماسمعت اخر خبر
يوسف: لا ايش هو
مي: نوف انخطبت
يوسف: قديمة سمعت فيه
مي: والله غريبة المهم ايش رأيك
يوسف: الله يوفقها كل واحد يأخذ نصيبه
مي: من متى
يوسف: ايش هو اللي من متى؟؟؟
مي: لا ولا شيء بس احسك متغير
يوسف: انشاء الله اكون متغير للاحسن وانتي يامي حلي عن نوف خليها تتهنى مالنا شغل فيها
مي: وانا اشلي فيها
يوسف: يكون احسن
وطلعت مي من عند اخوها اللي تحس انه متغير
(بتتسائلون يوسف ليه اتغير وانا بقولكم المهم يوسف معاه صاحب في شلته اسمه عبد العزيز طبعا كان مثل يوسف بس ربي اهداه وترك شلة السوء اللي مصاحبها وحب انه يأثر على يوسف لانه هو الوحيد اللي صاحبه في الشلة اكثر شيء وبدا تأثيره يجيب نتيجة لانو يوسف له اسبوعين مايروح الشقة وهذا كله بفضل الله ثم فضل عبد العزيز)
.................................................. ...

&&& الجزء العشرين &&&

نوف بعد ماغيرت لبسها جلست تفكر بسامي وكيف اتعرفت على اهله
يالله شف النصيب كيف لمن يجي ولا انا ماكنت لااعرف سامي ولااهله
وواااو على نظراته بس كان مرة جريء والاخ ماقصر اشتغل تحليل بجسمي يووايش فايدة الكلام دحين شافني وخلاص ..... نسيت سارة خليني ادق عليها
نوف: الوووو
سارة: الووو وينك يادبة ادق عليكي ماتردي
نوف: سوري سوسو بس والله كنت مشغولة وجوالي خليته بغرفتي
سارة: خلاص سامحتك ها كيف قوليلي كل شيء
نوف: يوووو ياسارة والله ولمن دخلت كنت مرة خايفة وفاتتك نظراته ياويلي عليه مرة جريء
سارة: هههههه عاد لازم يطالع يفصلك تفصيل
نوف: كله من نوف خلتني البس حزام على تنورتي وبين جسمي مرررة ومع الربكة سمعت كلامها
سارة: خلاص ياحبيبتي قيده شافك وكيف هو
نوف: الصراحة هو مررررة حلو بس انا مادققت فيه كويس وهذا الثاني بدر مرررة احرجني
سارة: ليه ايش سوى
وحكت نوف سارة عن اللي سواه بدر بالتفصيل
سارة: هههههههههه والله كسفة
نوف: كسفة وبس والله لوريه بس خليني اشوفه
سارة: لا مااسمحلك بدر غالي
نوف: بدأنا ندافع مو شغلك انتي اخويه وحرة فيه
سارة: اخوكي هذا خطيبي ولا نسيتي
نوف: لامانسيت بس لمن تتزوجيه ذيك الساعة تعالي دافعي عنه وبعدين انا مااسمح لكي تحبي بدر اكثر مني فاهمة
سارة: والله كل واحد فيكم له محبة في قلبي
نوف: انا عارفة بدون ماسأل انه بدر في المرتبة الاولى بس يلا بمشيها لكي لاني مو فاضيتلك
سارة: ههههههههههه اكيد مشغولة عارفة لاتقولي
نوف: هههه الحمد لله ارتحت من هم الشوفة
سارة: والله انتي ارتحتي بس انا بدأت اخاف
نوف: من ايش
سارة: نسيتي الملكة
نوف: اايوه صح تجهزتي لها
سارة: والله اشتريت الفستان والإكسسوار الحمدلله في يوم واحد رحت واشتريت بس بعد ايه بعد مالفيت كل الاسواق
نوف: يلا ارتحتي من هم الفستان باقي احنا بس نرتاح من هم التجهيزات لها والله مافي وقت مدري ايش فيه بدر مستعجل مررررررة قدمها
سارة: ايش باقيلكم انتوا
نوف: والله بدر حجز القاعة وحجزنا البوفيه وبكرة انشاء الله بروح مع بندر ومها نختار الحلى وانشاء الله يمدينا نخلص
سارة: انشاء الله
وكملوا نوف وسارة سوالفهم وتجهيزاتهم للملكة
.................................................. ....
ام سامي: هاحبيبي ايش رايك بالعروسة
سامي: مايحتاج والله ارتحتلها
ام سامي: يلا الله يوفقك وانشاء الله تكون من نصيبك
سامي: انشاء الله
خلود: لو وافقت نوف متى تبغى الزواج
سامي: والله لو عليه ابغاه دحين بس الاكيد انه في اجازة الصيف
خلود: يو والله مافي وقت ايش رايك تخليه بعد العيد
سامي: ايه من جدك انتي اقولك ابغاه دحين تقول بعد العيد
ام سامي: انتي ايش فيكي انشاء الله الوقت يكفي
خلود: براحتكم بس والله بتعبنا بس كله يهون لعيونك
سامي: تسلميلي ونردها لكي انشاء الله
................................................

عمر: ياسر ياهووو وينك
ياسر: ها
عمر: وينك يارجال من اليوم اكلمك ماترد
ياسر: ماسمعتك ايش تبغى
عمر: خير ايش فيك
ياسر: لا بس افكر بمي
عمر: مي هذي مواللي قالتلك عليها عبير
ياسر: ايوه
عمر: بس والله حرام اللي تسويه في البنت
ياسر: وهذا اللي مرددني تصدق عمر انا حنيت على مي
عمر: لااااااا معقولة
ياسر: والله مي طيبة وحبوبة بس انا برضوا احب عبير ومقدر ارفض لها طلب
عمر: والله انا اشوف انك تحكم عقلك وماتخلي احد يضغط عليك وانت عندك اخوات ماتخاف عليهم
ياسر: لا بس عبيرانا وعدتها وماابغى اخلف وعدي معاها وكمان ماابغاها تضيع مني
عمر: براحتك انا نصحتك وانت حر باللي تسويه
وراح عمر عن ياسر وتركه يكمل افكاره <<< الله يستر منه
........................................
بعد مرور 5 أيام
نروح لنوف المحتارة
نوف: انا ليه كذا مترددة ياربي من جواتي موافقة بس خايفة انا خايفة من الزواج كله موبس من سامي بس والله انا احبه.. لحظة لحظة انا احب سامي.. ايوه انا ماانكر اني معجبة فيه.. وكمان هو طيب وحبوب وشكله اعجب فيني ...اجل خلاص بوافق عليه ليه اتعب نفسي اكثر من كذا انا ابغاه واحبه ليه اكابر
وبعد ماخلصت نوف من الحديث مع عقلها وقلبها ارتاحت باللي رست عليه وقررت انها تروح عند امها وتقولها انها وافقت وتخلص
نوف: امي
ام بندر: عيونها
نوف: تسلملي عيونك انا جيت بقولك موافقة
ام بندر: على ايش
نوف: امي انتي عارفة لاتحرجيني
ام بندر: هههههههههههه اها عرفت قصدك على سامي
نوف وهي منحرجة: ايوه
ام بندر تحضن بنتها: ياحليلك يانوف وتنكسفي كمان الحمد لله اللي جاء اليوم اللي اشوفك فيه عروسة
نوف تبوس امها: الله يطول في عمرك انشاء الله وتشوفي عيالنا وعيال عيالنا كمان
ام بندر: اميييين انشاء الله والله يوفقك مع سامي
نوف: اميييين
.................................................. ........
ام سامي: خلاص انشاء الله بنحدد يوم ونجي نخطب رسمي
ام بندر: الله يحيكم بأي وقت البيت بيتكم
ام سامي: تسلمين حبيبتي يلا مااطول عليكي وسلمي على البنات
ام بندر: الله يسلمك ويلا مع السلامة
ام سامي: مع السلامة
خلود : امي تكلمي مين
ام سامي: هذي ام نوف
خلود: ايش قالت
ام سامي: اتصلت بتقول انو نوف وافقت
خلود فرحت: الله الحمد لله ماتمنيت شيء كثر ماتمنيت انه سامي يتزوج نوف
ام سامي: والله نوف بنت ولا كل البنات الحمد لله انو ربي رزق ولدي بيها
خلود: والله ياسامي صبرت ونلت خلي نهى تنقهر
ام سامي: خلود لاعاد تجيبين سيرة نهى الا بخير خلاص ماعلينا منها شوفيه سامي اخذ احسن البنات
خلود: أي والله الحمد لله الا اقول امي وين سامي
ام سامي: شكله مو موجود في البيت
خلود: خليني ادق عليه وابشره واخذ حق البشارة ههههههههه
ام سامي: هههههههههه انتي متى تكبرين وتعقلين
خلود: انا بتم صغيرة طول عمري
ام سامي: الله يوفقك يابنتي ويرزقك بولد الحلال
ودقت خلود على سامي اللي كان مع اصحابه
سامي: الووو
خلود: هلا سامي
سامي: هلا خلود ايش تبغي متصلة
خلود: هييييه احترم نفسك الشره عليه قلت بدق على اخويه ابشره
سامي: لحظة شوية
وقام سامي عن اصحابه
محمد: ها ابو الشباب وين رايح ها
خالد: هههههههه بيقولها كلام حب ومايبغانا نسمع
سامي: صدق انكم تافهيين على بالكم كل الناس زيكم
خلود: سامي وينك
سامي: ايوه معاكي بس خليتيهم يحشون في ها قولي ايش عندك بسرعة
خلود: ايش يقولوا
سامي: مو شغلك يلا اتكلمي
خلود: طيب طيب لاتدف المهم قبل مااتكلم ابغى حق البشارة
سامي: بشارة ايه
خلود: بشارة تفرحك بس ابغى اول حق البشارة
سامي: خلاص لكي اللي تبغيه بس قولي وخلصيني
خلود: طيب خلاص شكلي زودتها المهم نوف وافقت
سامي اللي كان معصب من خلود انقلب حاله: خلود من جدك
خلود: والله من جدي توها داقة امها تقول وافقت
سامي: الحمد لله والله كنت شايل هم
خلود: الحمدلله اخيرا بشوفك عريس مبروك ياحبيبي
سامي: الله يبارك فيكي وعقباللك
خلود استحت: بوجودك ويلا دحين اسيبك بااااااي
سامي: باااااااااي
ورجع عند اصحابه
خالد: هاا خلصت بسرعة اشوف شكلها زعلتك
سامي: الا قول فرحتني
محمد: وايش عندها
سامي: موشغلك
فهد: من جدك سامي
سامي: صدقت بالله .. المتصلين الاهل يبشروني انو العروسة وافقت
فهد: والله مبروك
سامي: الله يبارك فيك عقبالك
محمد: ماشاء الله خطبت لا اشوف الكل اتزوج مابقي الا انا وانت يافهد
فهد: وانا قريب انشاءا لله
محمد: لا انا كذا اغار
خالد: ومين رادك البنات ايش كثرهم
محمد: يصير خير ودحين سيبوكم مني مبروك سامي
سامي: الله يبارك فيك وعقبالك ودحين عن اذنكم بروح عند الاهل يلا باااااااي
الكل: بااااااااااي
.................................................. ..........